良記新加坡去骨海南雞專門店

海南鸡饭以白斩鸡配香甜鸡油饭，肉质嫩滑，皮爽弹，几钟意佢呢间嘅油饭，油而不腻；辣酱、黑酱油与姜蓉三种味道亦都好配合，层次丰富。青瓜可以清洗油腻，令到口感更加清新，整体口感平衡，仲有个汤超好饮入面劲足料，一试难忘！…查看更多

真系好滑，好润，好重鸡味！！！本身见到鸡饭系加姜黄粉有少少却步，但系摆落口𠮶刻所有嘅疑问即刻收翻，因为真系好好味！鸡胸都好滑！！出色到癫，竟然都只系45，仲送埋汤！！个汤都好有特色，南瓜粟米煲鸡，饮得出冇加味精，纯粹系有少少甜唔系好啱我个人口味。不过甜都系因为老板太舍得落料。都好担心老板个margin会唔会太低冇钱赚，佢仲要俾咗超大两旧肉俾我睇得出系好有心机做，希望老板越做越有西九龙呢啲F&B修罗场可以keep住做到一定有翻咁上下水准…查看更多

住咗喺深水埗咁多年第一次知道呢间嘢，我觉得四十几蚊真系好抵食，啲鸡份量唔少，香味主要由鸡皮、酱汁带动，鸡肉本身较淡。啲饭嘅味唔系太惊喜，但系啲汤好饮，所以用啲汤湿啲饭嚟食都系好味嘅。就算𠮶两片青瓜，都唔会有怪味，系食得嘅。…查看更多

平时都好少嚟深水埗，以前读书嘅时候就嚟得多，今日过开嚟运输署，就上西九龙food court 睇下有咩好食。呢度嘅food court应该起码有3-40间舖，实揾到嘢啱食。见到呢间海南鸡多人买就试吓，$50都唔驶真系好抵食。海南鸡嘅份量正常，如果以呢个价钱嚟讲直头多🤣有鸡胸同鸡翼位，肉质唔嚡，鸡味都浓，鸡皮比较薄唔太弹牙，但整体嚟讲系几好，好过啲卖$80𠮶啲海南鸡店。汤就普普通通，不过唔会咸，都算有诚意。…查看更多

今日又去到西九龙中心。之前食过番厨嘅海南鸡饭，今次想试吓第二间就去咗良记。价钱冇乜分别，但食完之后就发觉味道好唔同。番厨嘅鸡饭有三种饭（白饭，油饭，黄姜饭）俾你拣，良记就剩系得黄姜饭。不过佢啲鸡同个汤就好出色。鸡皮爽弹，肉质鲜嫩，有少少咸味。食得出用盐腌过，同埋有浸冰水。饭小咸，南瓜汤劲足料，超级鲜甜，入边啲鸡壳有时仲有好多肉，可以送多一碗白饭。两间咁嘅价钱，大家都应该知道唔会系新鲜鸡。如果要比较，我个人觉得良记专一啲，净系卖鸡饭。番厨就多啲唔同嘅选择。大家见仁见智，我觉得两间都咁好食。海南鸡饭$45…查看更多