影片
营业时间
今日营业
11:30 - 23:00
星期一至四
12:00 - 22:30
星期五至日
11:30 - 23:00
公众假期
11:30 - 23:00
公众假期前夕
11:30 - 23:00
*星期一至四最后落单时间: 22:00
星期五至日、公众假期前夕及公众假期: 22:30
以上资料只供参考，请与餐厅确认详情
有关奖赏计划
位于旺角的日式火锅放题店。迎合了现今越来越多人喜欢独享美食的趋势，一人一锅的火锅模式，让食客都能自行选择汤底与配料，享受专属于自己的火锅时光。无论喜欢清淡还是浓郁，都能自己掌控汤底与配料，即使孤身一人也能尽情享受打边炉的乐趣。.这家日式火锅放题店有多间分店，其中一间就位于朗豪坊13楼，地理位置十分便利。而且餐厅空间宽敞舒适，价格亲民，一个人去食饭也很适合呢。.得一提的是，店内职员热情好客，服务贴心周到。基本上全程不需要举手呼叫，店员们皆会主动为你加汤、收拾碗碟，而且面带微笑，令人感到亲切。其中一位女服务员特别令人印象深刻，从带位入座到结帐，都展现出专业与亲切，让人留下深刻且良好的印象。⋆_____ 严选牛放题套餐 $268 (90分钟用餐时间)______⋆ ღ 汤底这里采用一人一锅的用餐方式，我们分别选择了山姜鸡汤锅和寿喜烧锅。寿喜烧锅配上日本生鸡蛋，将肉片沾上蛋液后食用，更加顺滑鲜美。.ღ 肉类及其他火锅配料主要肉类皆由QR Code下单，包括：⧐ 严选牛肉⧐ 特选谷饲牛肉⧐ 一般谷饲牛肉⧐ 牛舌⧐ 鸡腿肉⧐ 猪肩肉⧐ 麻辣鸭血入座时会先送上各类肉品，之后若想再续，亦可在APP内自行加点。肉质都相当不错，厚度适中，油花分布均匀，即使享用了几轮，肉质依然保持水准。另外自己是牛舌爱好者，这间的牛舌虽是薄切，但入口爽嫩，肉味浓郁，令人回味。 .ღ 自助区自助区主要提供新鲜的蔬菜和少量丸类，虽然选择较为简单，但整洁有序，配料品质不俗；而且补货速度也很快，值得一赞。.ღ 甜品及饮品饮品区提供各类汽水、无糖茶及即磨咖啡机。甜品方面则有软雪糕机，当日提供朱古力与云呢拿口味，并有丰富的Topping选择；此外也有少量蛋糕切件，甜品控记得留肚享用喔！
继续阅读
朗豪坊新开嘅90分钟一人一锅日式放题火锅好吸引😻有一般牛牛、特选牛牛、严选牛牛同黑毛和牛套餐共四款，最平$128已经食到。第一次食唔想拣最平𠮶个餐，但又唔想拣最贵试，就拣左个中高价嘅严选牛牛套餐试下先。基本汤底都有9款咁多，我哋拣左黑蒜豚骨汤底同胡椒和牛汤底，之后就去自助bar拎其他酱油同配料，自助吧有各式各样嘅蔬菜面食、甜品同饮品。黑蒜豚骨汤底x胡椒和牛汤底黑蒜豚骨汤底呈现乳白色泽，唔算好浓郁，但黑蒜就增添左一股独特嘅香气，同埋都唔会抢咗其他火锅配料嘅味道。胡椒和牛汤底嘅胡椒味好出，味道浓郁，有啲辛辣，同火锅配料几夹。个人觉得如果想食下靓牛牛放题，严选牛牛套餐已经好正，个套餐已经有牛舌，严选牛，谷饲牛，猪肩肉同鸡腿肉任食，严选牛牛肉质软嫩，较滑，口感已经丰富👍🏻当然想食埋海鲜就拣和牛套餐啦。呢度甜品有蓝莓云呢拿雪糕同小糕点供应，仲有toppings 自己加添😋都好满足㗎～走𠮶阵见到都有炸物小吃新鲜出炉，有章鱼小丸子、鸡软骨、芝士薯波同煎饺子等等。大家有机会都试吓啦😋
继续阅读
旺角，火锅放题嘅兵家必争之地，要在朗豪坊呢个一线商场插旗，无啲实力都几难立足。今次我就化身白老鼠，试下位于商场13楼、由日本人主理嘅「良日涮涮锅」。餐厅标榜一人一锅，景观开扬，今次目标明确，就系餐牌上$268一位嘅「严选牛しゃぶ」晚市放题，睇下喺90分钟内，呢个价钱究竟可以带嚟咩级数嘅体验。 主角登场：严选牛、豚肉与牛舌嘅三重奏 🥩坐低用QR code落单，主角「严选牛肉」好快就上枱。睇卖相，牛肉色泽尚算红润，但油花分布就唔算太突出，同餐牌相入面嘅雪花纹理有啲距离，不过放题嚟讲都唔可以要求太高。轻轻喺汤底涮几秒，肉质入口都几嫩滑，牛味唔算非常浓郁，但绝对收货。反而放题包含嘅猪肩肉（豚肩ロース）同鸡腿肉（鶏もも）有啲惊喜。猪肉片厚薄适中，无猪臊味，口感爽实；鸡腿肉亦保持到嫩滑。最值得一提嘅系，呢个套餐可以「无料升级」任食牛舌。牛舌切得比较薄，轻涮后爽脆弹牙，点少少豉油已经好惹味，绝对系成晚嘅「CP值担当」，食肉兽主攻呢样都可能回到本。汤底与自助吧：称职的绿叶 🥬🍹汤底方面，选择都几多，有寿喜烧、昆布、浓厚番茄同黑蒜油猪骨汤等近十款。 我拣咗最稳阵嘅寿喜烧（すき焼き），味道偏甜，不过不失，用嚟涮牛肉最夹。汤底会附送一只生鸡蛋，蘸熟牛肉食，口感更滑溜。至于自助吧，就系放题嘅重要一环。蔬菜区都算几企理，有菜有菇有丸，基本款式齐备。饮品区选择正常，汽水、茶都有。甜品区就有雪糕机，可以自己唧杯雪糕，为呢餐画上句号。不过，网上有食评反映过蔬菜清洁度嘅问题，虽然我今次无遇到，但大家去食嘅时候都可以留意下。 环境与服务：高空景观下的体验 🏙️餐厅位于朗豪坊顶层，部分座位可以望到旺角景色，环境阔落，坐得舒服，喺旺角嚟讲算系一个加分位。一人一锅嘅设定亦都好卫生，可以自己拣钟意嘅汤底，唔使同朋友「争汤」。 不过，网上唔少食评都提到服务嘅问题，例如人手不足、等候时间长等等。 我当晚所见，服务不过不失，QR code落单上菜速度正常，但侍应就比较忙，要主动啲先会有人加汤。总结：旺角中的一个稳阵选择 👍总括嚟讲，「良日涮涮锅」$268呢个严选牛放题，以佢嘅地理位置、环境同食物质素嚟讲，算系一个几稳阵嘅选择。牛肉质素对得住价钱，任食牛舌更加系一大亮点。虽然自助吧同服务方面未算非常出众，但胜在环境舒适。如果你想同朋友喺旺角揾个地方坐得舒舒服服打边炉，又对肉质有少少要求，唔想食太平价嘅货色，「良日」都系一个可以考虑嘅「良」机。但如果你追求极致嘅肉味或者超贴心嘅服务，就可能要调整一下期望啦。
继续阅读
📍 良い日涮涮锅 (旺角)旺角亚皆老街8号朗豪坊13楼06号舖✨ （晚市）严选90分钟放题 💰$268/1位有好多款汤底选择，我哋拣咗以下其中两款汤底💕番茄浓汤：呢个汤底有牛肉成份，味道浓郁，酸酸甜甜嘅，非常开胃。💕豚骨黑蒜油汤：呢个选择更加香浓，黑蒜油加上豚骨嘅味道，真系好正！💕配料方面就更加丰富，所有牛肉都系严选嘅，包括谷饲牛、牛舌，仲有特选嘅鸡腿肉同猪。麻辣鸭血都可以任食，对于钟意辣味嘅朋友来讲，真系一大享受！另外，仲有各式各样嘅蔬菜、菇类同埋丸，选择多到你可以玩到唔同嘅组合。饮品方面，汽水、无糖茶都有，仲有frozen yogurt，食完锅之后，来一口清新嘅甜品，真系完美！回头: yes，良い日涮涮锅嘅放题选择多，味道好，价钱合理，绝对值得食~👍🏻
继续阅读
#20250821 📝📍 良い日涮涮锅 旺角亚皆老街8号朗豪坊13楼06号舖 🍽️钻石山｜新蒲岗｜将军澳｜杏花邨均有分店➖➖➖➖➖➖➖➖➖➖➖➖➖➖➖➖➖#厳选牛しゃぶ #ディナー食べ放题 $268/位💭 以往去亲朗豪坊都系停留系4楼食果度啲餐厅，一直以为佢个最顶楼全部都系啲bar，食贵野既地方，今次行到上去先发现原来别有洞天，竟然有间一人一锅系度😳. 🥢 #ペッパー和牛だし #生姜鶏だし 💭 一人一锅最正就系可以自己拣自己想要既汤底，唔使惊住隔离啲汤底会泻过尼，拣左两个平时比较少见既，黑椒和牛真系成串黑胡椒系入面滚，辣得好过瘾，生姜鸡都有好微既辣，不过个鸡汤味为主，两款用尼渌肉都好夹🫚. 🥢 #肉类 💭 呢个餐本身有牛、猪、鸡三款肉，尼得当然主打食牛，无咩肥肉但食落又唔会鞋口，唔食牛都有猪或者鸡可以拣，夜晚尼食仲有得免费升级有牛舌任食，切得够薄渌好快就食得，食落口感好弹牙🐮. 🥢 #炸物 💭 熟食基本上得三款炸野，有章鱼小丸子、鸡软骨同炸饺子，系个热柜入面唔会比冷气吹到冻晒，鸡软骨脆卜卜够晒香口，最钟意都系佢粒饺子细细粒，一啖一粒又唔使惊食几件就顶住晒食唔落其他野，贴心🥟. 🥢 #自助区 💭 出面拎既都系啲丸类、菇类、菜类同面类，粟米、蕃茄呢啲就必备架啦，好欣赏佢净系绿色蔬菜都有好多款式可以拣，连西洋菜同皇帝菜都有，面又有荞麦面、葛粉丝之类，唔使惊最尾唔饱肚🥬. 🥢 #甜品 💭 冻柜有啲芝士蛋糕同慕斯蛋糕，细细件可以全部都试一次，最正系有自助雪糕机可以玩，有蓝莓同牛奶味拣，小朋友先做选择，要食当然要晒啦，唧左个扭纹既，再自己加啲配料整杯独一无二既雪糕，好味🍦. 🥢 #饮品 💭 呢度唔似得其他餐厅系用罐装或者纸包饮品，而系有汽水机可以玩自由斟，又有部机有两款道地茶饮，要几多冰自己控制，唔想饮冻野都有部咖啡机系度，要冻要热悉随尊便🥤
继续阅读