船長意法日餐廳 (已結業)

是日為單車日，因為其他人晚上都各自有活動，最後得返我同另一位朋友 hehe撐枱腳。元朗出名多野食，但因為地方比較偏遠，我地都好少入黎食野。今次經過呢間餐廳見唔洗排隊，所以就自作主張入左去，估唔到竟然有驚喜。芝士焗肉醬茄子手打烏冬。芝士好足，濃郁芝士配上甜甜酸酸既肉醬，極度邪惡得黎又難以抵擋地吸引。茄子唔會話焗得太乾，烏冬亦保留彈性，絕對值得一試！鰻魚飯定飯。正規的定食套餐，有配菜，面豉湯，鰻魚飯。本人最怕面豉湯味道太濃，濃得黎有d苦，而呢到既面豉湯味道調較得岩岩好。相反，身為主角既鰻魚飯就較為失色，鰻魚有d乾身，而且上面鋪左層蔥花,有點兒格格不入。紐倫堡香草蛇型腸。德國腸整條送上，份量十足。腸肉飽滿結實，配上德國酸菜，更有德國風味。另外亦厚切薯角配上，香脆惹味，飽肚之選！有機會會同一大班朋友再黎幫襯，可以試其他款小食，價錢亦相當合理。

放假又跟男朋友去元朗吃吃喝喝，今天的午餐我們選在船長意法日餐廳～因為在外面看MENU的時候看到選擇超～級～多～～有很多東西我都想吃，所以二話不說就衝進去坐了店內座位蠻多的，大概６０個座位吧，而且店內裝橫都很符合＂船長＂這個名字喔～椒鹽魷魚鬚上菜時已經立刻聞到好香喔！吃完來很香脆，而且又不會太油太咸，味道剛剛好！！男朋友不舒服不能吃，我自己整盤吃完，哈哈哈！豬骨湯日式叉燒手打烏冬豬骨湯味很濃，手打烏冬彈牙，５２塊的套餐來說算不錯！！日式吉列南瓜餅隨烏冬餐附送的南瓜餅，外層香脆，裡面的南瓜蓉好甜好好吃！！也是我一個人吃完兩個的和風牛肉鐵板燒個人認為改用肥牛會比較好，這個牛肉有點難咬開，有待改善喔～豬骨湯珍珠餃子這是隨鐵板燒附送的，應該是跟手打烏冬同一鍋湯嘛，餃子小小的，很適合女孩子吃，不然再吃一個飯的話會太多啦～蒜香牛柳粒這個我覺得比鐵板燒好吃耶～可能牛柳比較鬆軟，不會有咬不開的感覺，而且蒜香是還真的蠻香的啦～總括來說，很喜歡這裡有這麼多選擇，每次來都可以嘗試不同的東西，而且價錢合理，又是一個覓食好去處！！

餐廳門面是一大塊玻璃窗，內裡四四方方，空間感寬闊。座位以米白色卡位為主，讓人坐得舒服。牆壁掛有救生圈、船錨、帆船等海洋氣息的裝飾，很漂亮！從餐廳名中已知道有意大利、法國、日本的菜式可供選擇。入座之後，店員為我們送上清水，並告訴我們有一份大餐牌和四份套餐的餐牌。餐牌設計美觀，圖片多，讓人選擇困難症發作。最後我們點了一個日式2人餐，菜式豐富，感覺抵食。當中有2份沙律，1份前菜，2碗湯，2杯特飲，以及2份主菜。海蜆麵豉湯以黑色的，鐵煲狀的碗盛載，感覺迷你精緻。湯內還有有兩隻蜆，蜆肉鮮美，湯味道鹹淡恰當。沙律菜新鮮爽口，酸甜開胃。配著煎香的雞扒，嫩滑而帶油香，十分滿足。炭燒鐵板帆立貝飽滿大粒，入口啖啖肉，個人不喜歡加檸檬汁，因能嚐到天然的鮮味。饅魚炒飯粒粒飽滿，均勻沾上啡色的醬油，加入青蔥，鰻魚粒，白芝麻等食材，口感豐富。個人覺得鰻魚挺好吃的，鮮美入味，質感滑溜。醬燒豬軟骨手打烏冬份量多，還有糖心蛋，海帶、蔥花等配料。單是豬軟骨已有4，5塊。豬軟骨有兩隻手指粗，入口軟腍，充滿膠質。烏冬雪白，有韌性，帶有淡淡的麵粉味道。飲品點了忌廉奶茶紅豆冰冰，是餐廳的熱賣特飲。滿滿雪白的忌廉浮在奶茶上面，很吸

意日法, 這家餐廳名字一看就令人感覺到在這裏, 就有你想要的意式, 日式及法式食物。我和朋友2人點了一個芝士焗西蘭花($29), 香草蛇形腸($46), 南瓜餅($35)及黑松露珍珠蜆意式珍珠飯($55)芝士焗西蘭花, 芝士味香濃, 但西蘭花焗得過熟, 較黃;香草蛇形腸, 長長的蛇形腸, 啖啖是肉, 但香草味不太夠, 而且腸味不夠濃郁, 味道較淡;南瓜餅, 金黃色的南瓜餅, 炸得外脆內軟, 香甜的南瓜蓉夾心軟綿綿的, 南瓜味十分香濃;而黑松露珍珠蜆意式珍珠飯, 軟綿綿的珍珠米, 稀稠的口感, 更細膩; 每粒珍珠米都吸收了濃郁的黑松露及濃濃的蜆肉海鮮味, 可口極了。我們吃完這餐後, 感覺元朗的美食多不勝數。

閑著閑著, 沒事可做, 就跟家人來到元朗吃東西. 我們都祟尚外國味道食品, 於是就找到了這家日意法式食品餐聽。門面的裝飾新穎, 小食各式各樣, 拉麵烏冬, 炒飯, 炸雞, 洋腸, 南瓜薯餅, 芝士西蘭花, 鰻魚炒飯, 椒鹽魷魚鬚等;我們點了一個二人餐, 有雞肉野菜沙律, 燒凡立貝, 豬軟骨烏冬, 鰻魚炒飯及麵豉湯; 照燒雞肉沙律, 甜甜的照燒汁佈滿雞肉, 青綠新鮮的沙律, 十分爽口, 配以沙律繙酸酸甜甜;麵豉湯, 昆布味濃郁, 鹹淡味適中, 麵豉味濃烈, 喝完齒頰留香。炭燒帆立貝, 甜甜的炭燒汁, 大大顆的帆立貝, 肉質彈牙, 海鮮味濃郁, 回味無窮。豬軟骨烏冬, 半邊糖心溫泉蛋, 大大件的豬軟骨, 有少少醋香味,最重要的是煮得夠”淋” 長長的烏冬, 每條均滋潤在濃湯汁裏, 吸收湯汁的鮮味, 口感更幼滑;我最受食的是鰻魚炒飯, 炒得挺乾身的, 每粒飯粒均混以甜甜的鰻魚汁, 有點不足的是鰻魚味較輕, 而且鰻魚肉大件一些會更好;吃得飽飽後, 我們2人就繼續去浪了。

好地地諗住簡單食餐晚飯,叫左個香辣海鮮燒烏冬同鐵板韓風豬頸肉燒拉麵,嚟個前菜已經出事,簡單一個前菜已經錯哂,中華沙律勁大浸腥味,一定係平價劣質貨,算喇,裝麵豉湯個碗崩左成隻耳仔既都仲拎出嚟裝湯,order又嚟錯,碗海鮮燒烏冬個湯底有浸怪既酸味,嚟錯左個餐補單等到我女友烏冬都食完都未嚟,個menu仲攪笑,細心一睇啲中英對照錯哂,真係有心做餐廳既唔應該連個menu都做成咁,呢次係我第一次失望到要寫食評,希望呢間舖老闆會睇到加以改善下

個friend 第一次黎元朗, 想食番餐好既, 但又唔想太貴。筆者諗都唔諗就帶佢黎探船長。門口都幾有架勢店內都有好多船有關既佈置首先叫左個胡麻豆腐沙律開下胃先。D 豆腐好滑, 加埋胡麻醬同蔬菜搭食效果唔錯。順便食多個白汁芝士西蘭花。西蘭花加上白汁同芝士, 味道變得好惹味!到左主食, 呢個香芒烤雞焗鳥冬好多芝士呀!!! 多到差唔多見唔到烏冬喇。因為加左香芒, 成個鳥冬都有好大陣芒果味, 仲有一種香甜既味道。筆者自己就唔係咁鐘意, 始終焗野大多都係咸食多, 不過鳥冬好似係手打, 口感都幾煙韌。我個friend就食左個鰻魚飯。加左鰻魚汁都幾好味, 仲有少少芝麻咁幾香口, D 飯再多少少就更正喇。黎到船長又點少得 "忌廉奶茶紅豆冰" ? 奶茶令原本紅豆冰中淡味既花奶味道更加豐富, 同時又唔會蓋過紅豆冰原有既味道。加上一陣cream, 好睇得黎又令口感更滑。

老豆就生日, 為左請佢食餐好既, 又要符合佢有D 特別既口味, 只好帶佢食乜國菜都有既船長。門面都幾有英式風格。我地首先叫左個蝦餅做前菜。蝦餅真係有D 細舊, 有D 失望。同埋其實如果有D 醬點下效果一定好D, 就咁食太乾喇。食完熱氣野, 叫番個白汁芝士焗西蘭花中和一下。西蘭花加左白汁同芝士之後, 味道豐富左好多，既健康，味道又唔會太單調。另外飲左個忌廉湯, 味道幾濃郁, 份量多D 仲正。主菜食左個船長海鮮茄茸天使麵，幾條長蟹腳真係好吸眼球，不過蟹腳要趁熱食，唔係好快就會乾哂水。天使麵配茄茸汁唔錯, 個汁亦唔算太濃，海鮮仲保留自己既鮮味。海鮮都幾多, 青口, 蝦, 蜆都有, 鐘意食海鮮既食客一定好開心。

住在元朗, 飲食真的夠多姿多采, 要特色有特色, 要老字號有老字號, 要新派有新派, 要夠平夠抵又不地踎的選擇也很多, 位於西菁街的船長意法日餐廳就是其中一間. 經常路過看見餐牌, 也覺得價錢很相宜, 要找個機會試. 這晚不想下廚, 就乾脆來這裡吃個便飯. 餐廳都頗大和寛敞, 座位不少, 梳化位和卡位也有好多, 都幾適合同朋友約會, 又不想花費太多. 顧名思義船長走的是海洋風, 餐廳佈置也有點心思, 用上復古吊燈, 牆壁上又有很多帆船, 船砣, 船錨, 水泡, 魚型裝飾, 連椅子也用上藍和白色, 都幾有心思.翻開餐牌, 食物種類眾多, 單單小食已經有十多款選擇. 另外有焗飯, 烏冬, Pizza等, 最重要是價錢都只要幾十元, 超抵食. 今次我們選了2個套餐, 有餐湯, 沙律, 主菜和飲品, 也不用一百元, 又沒有加一, 真的好抵食. 餐湯是粟米忌廉米湯, 稀杰度適中, 又有粒粒粟米, 味道鹹度也恰當, 暖暖的好creamy好味. 沙律菜則配上日式胡麻汁, 爽脆鮮甜, 很fresh很開胃. 主菜分別點了: 烤一級美國黑椒牛仔骨($98)和板燒澳洲肉眼扒配煙肉紅酒汁($98) 牛仔骨有2

元朗四處都有各種不同餐廳。。今日同朋友到了元朗，我們便到了這間船長意法日餐廳食lunch...我們都是第一次到來。。因為被門外的餐廳深深所吸引。。。而且看到價格都十分相宜。。便到來一試。。餐廳外放了很多巨大餐牌，有各式各樣的食物相片。。這個時間客人十分多。。但我們很幸運地剛剛好有兩個位置，所以不用等位 餐廳以船為主題，裝修得別具特色。。而且餐廳內座位都很多。。餐廳上每款食物都差不多配上了一張圖片，方便大家點餐。。。餐廳提供多款食物，有主食，小食，飲品等等。。。而且價錢都十分實惠係指定時間仲有午餐，下午茶餐牌。。這樣會更加抵食由於我跟朋友太多食物想試，所以我們便決定點一份正餐再加上小食。。。點選正餐後，每個正餐可以以優惠價選一杯飲品。。。我們分別點了一杯荔枝玉露特飲和一杯熱的蜂蜜花梨蜜荔枝玉露特飲有很香濃的荔枝味。。而且入面仲有大量椰果。。最重要的是呢杯飲品不會太甜另一杯熱飲十分適合冬天飲用。。因為又有蜂蜜又有梨蜜 十分滋潤餃子份量大隻，而且入面餡料很多。。外皮煎得十分香脆。。。配上了醬汁來食，帶有點點微酸的，十分開胃。。。這客手撕雞配上了大量沙律菜，成個菜式食起來十分清新。。。而且手撕

船長焗海鮮飯 ($78)佢同平時食既焗海鮮飯有咩分別？咪就係足料囉！一大隻蟹腳放係飯面 佢唔係裝飾 真係食得架 仲俾唒鉸剪你將佢解體 味道不錯 都係鮮甜既！入面仲有蝦 青口 蜆肉 魷魚 蟹柳同魚柳 所以料的確係幾足 可惜佢既飯只係普通既炒飯底 冇乜味汁又唔多 冇左焗飯個精華黑松露珍珠蜆意式燴珍珠飯 ($52) 連殼的蜆肉很大方的給了很多 味道不是很鮮 不過沒有沙粒 份量也多 ； 飯粒每粒都沾滿很creamy的醬汁 黑松露味道很香很濃郁 鮮蘑菇的味道也突出 淡淡的味道令燴飯也可以吃得不膩

個人推介指數分7(10分為滿分) - 食物款式多, 中西東南亞料理也齊全, 味道中等, 以茶餐廳價錢能享用此水準, 倘萛不錯. 又是和死黨們月會的時間, 本想去豪吃日本菜, 可是最後只有三人能出席, 只好打萛念頭, 臨時光顧附近食店. 不過 作為月會, 就是男人吹水的地方, 一定要找個好坐和不限時的地方, 其中一人提議到這家綜合式店子,聽說很抵食, 我們一行四便去試試. 以上只是部分選擇, 真的有點花多眼亂. 作為晚飯, 數十元一個主菜, 倒也卜火真抵食, 不過都要待食物來到後嚐嚐才能下定斷.先來三款小食椒鹽魷魚鬚-外層香脆, 肉質也不硬, 只是略為油膩, 沾些沙拉醬便剛好能中和.紐倫堡香草蛇形腸-是全晚的亮點, 全條圈住熱上, 賣相和味道不比德國餐廳比下去, 細心吃下去, 確有着香草的香味.胡麻手撕雞-青瓜切成細條狀很有口感, 手斯雞肉嫩, 不過可以再撕幼一點,胡麻醬很有日本風味, 不太濃和咸, 整道菜也很清新.主菜我們點了以下三款烤一級美國黑椒牛仔骨 - 老實說, 那個黑椒汁弄得不錯, 重點係有濃濃的黑椒香味外, 不會只有咸味, 不少店子就是把這個調得不論不類, 這個汁我喜歡. 那

主要係卡位檯, 十分闊落, 又有落地大玻璃, 十分開揚光猛.白酒汁煮珍珠蜆 - $33 原來甘大碟, 起碼有30隻蜆, 粒粒都無沙, 仲浸係超濃的忌廉磨菇湯內, 仲有一片片磨菇!香草蒜茸法包 $12 - 用黎配白酒汁煮珍珠蜆係絕配, 可以沾上忌廉磨菇湯同吃, 新鮮即焗好鬼熱, 十分脆, 必食!紐倫堡香草蛇形腸 $46 - 相信條腸有1.5尺長, 真係有香草味, 不會太UN, 送啤酒一流, 配上的白色醬好好味, 好夾, 仲有一大堆薯角.椒鹽魷魚鬚  $38- 炸得十分十分香, 外皮好脆, 每件都有3條鬚, 100%推介, 沾少少沙律醬仲好味, 可以中和油膩感!脆香南瓜薯餅 $35 - 好脆, 內裡好滑, 有淡淡的南瓜味, 不過較油, 可能要"番炸"一下去油. 份量都大.船長龍蝦汁海鮮意式燴珍珠飯 $78 - 我仲以為黎錯左, 呢個$有長腿蟹?? 真係估唔到, 仲要有2隻全腳, 還付有一既專用剪刀, 蟹腳剪出黎真係啖啖肉.仲有青口, 珍珠蜆, 魷魚, 蟹柳, 蝦等等, 每粒飯都有濃濃的龍蝦汁, 海鮮不是最新鮮, 不過都可以的.紐西蘭極級牛排 $75 - 鐵板上, 牛排有一隻手掌甘大, 肉嫩

我不嬲都有去開呢間餐廳食，好食加價錢中等。不過近期門口reception 個啊姐態度極差，超無禮貌!激到我去到門口準備入去食都行番出去!一間咁好既餐廳咁1個咁既員工破壞晒，真係好可惜!希望該員工可以改善一下態度!

好食價錢平,我相信係呢間餐廳既賣點,今晚三個人叫左大約十個小食,只需三百多元,好抵食，味道和賣相都好有水凖,最鍾意個芝士青口,辣辣地好鮮味必食重有個豆腐沙律,配青瓜絲加麻醬,酸酸地,好醒胃炸雞亦,外脆内嬾,配啤酒—流