船長意法日餐廳 (已結業)

今天到元朗逛街後找地方吃飯，看見這間價錢不貴而且網上評價不俗的餐廳，於是便選了它一試。顧名思義，這餐廳意法日料理都有。當然，這樣的價格你不能期望它是正宗以及用料頂級。點了一份《蒜香牛柳粒》$38、《瀨戶風鰻魚炒珍珠飯》$55 以及《比士圖蕃茄醬海蝦意式燴珍珠飯》$55點菜後，足足等了30分鐘才來餐點，先上了兩個飯，結果兩個飯的溫度...不說我還以為是侍應忘了上桌，令它們待在出菜處20分鐘呢，真的只有微溫的溫度，一點也不熱，相信再放五分鐘已經可以稱為 “冷飯”...重點是，我們是6:30到店，店裡人客只有一、兩檯，為何出品還能弄成這樣呢？不談溫度，談味道吧（雖然溫度也已經令餐點味道大大扣分）《比士圖蕃茄醬海蝦意式燴珍珠飯》$55，醬汁不稠身，基本上就是水狀，但蕃茄味仍是有的。珍珠飯煮不夠熟，硬而乾身，是想模仿意大利米煮成的口感嗎？結果就是不文不類呀！蝦就是雪藏貨色，這個價錢也是預料之內，不評價。《瀨戶風鰻魚炒珍珠飯》$55 忘了拍照，這個比較正常，撇除溫度來說，是還不錯的，炒飯乾身不過油，鰻魚也算足量。然後，吃完主食，我們點的小食仍然未到...便追單了，沒有在中途追單算我笨，因為覺得他們

樓下餐廳新推出左鐵板扒類,即刻去食,好耐好耐無食,好掛住一淋上汁就喳喳聲冒煙個種情景,小時候經常食,現在好小地方有了來到桌上,急不及待淋上汁牛扒好滑,有肉汁,價錢又超值,有餐湯,有飲品,唔洗一百元,又無加一，好低食再叫炸翼,好脆口,伴啤酒最正而啤洒2O元一枝好抵飲。曰式麻醬豆腐沙律平時去必叫,酸酸甜甜開胃野味又係2O元芝士焗青口,小辣多芝士又係佐酒必食之一肉醬長通粉,軟硬適中,不太酸又不太甜,味道恰到好處

當日經過餐廳覺得價錢便宜加上時間問題，已經無力再搵第二間餐廳。所以就決定入左去呢間無乜期待既餐廳食晚餐，佢既行銷策略有啲似薩利亞餐廳咁，主打平價既西餐廳。我地當日嗌左3樣野食，好快就上菜，雖然夠熱，但味道普通，衛生情況亦都麻麻，所以如果要我再簡都未必會再黎呢間食飯！

心血來潮突然好想食焗飯，見到呢間餐廳好似都有幾多種類既野食揀，當然包括有焗飯啦之後就入左去...同朋友兩個去食，我二話不說就已經揀好百里香雞扒焗飯... 味覺還可以啦，雞肉幾嫩既，不過如果多啲芝士就更好 (我係芝士控) 同埋我覺得個飯好快就唔熱我朋友食左個蜆既燴飯，佢話一般般，我就冇試到既，所以就唔多講另外我地仲叫左個小食普普通通，正常，不過即炸熱食唔錯呢間餐廳全日免加一，我同朋友一人一個主菜加左一個小食，每人都食60蚊左右，都算抵食

見到新開多國菜就入去試試。款式多，樣樣都想試，食完之後覺得可以去多幾次推薦！首先，店大，位置多，舒適。之後點左個 達尼丁青口龍蝦汁天使麵 $52貌相同餐牌好有出入😂 不過味道掂👍🏻青口好大隻，入面有菇片好食，麵又好好好入味，好正。仲叫左個 香草炭燒雞扒 黑椒汁 $65雞扒好滑，餐連 煎太陽蛋，菜份量夠，薯角ok ，整體份量大。黑椒汁味濃，應按喜好自行調節落多少。另外，點左兩杯喝熱飲。好飲，但一杯$18一杯$24 得一細杯，吾太實惠。由於雞扒餐份最大，二人share建議 另叫一份小吃 (我地兩位女性，叫兩個主食食到好飽，有剩，不過可以打包)。一共$138。**只收現金***總結：味道：5/5份量：5/5環境：5/5價錢：4/5

今晚我跟朋友一行4人去呢間野食晚飯，睇過食評讚多過彈，我地滿懷期待心態去食啦，叫左個4人餐，4杯飲品，另加2款小食，點知唔止失望，仲感覺中伏，餐湯唔熱，岩鹽燒蝦，白酒汁煮珍珠蜆一d味都無，要自己加鹽，pizza個餅底有油益味，牛肉飯同炒烏冬比以上既有d色水外，都係唔夠味，起初以為我味覺有問題，但我另外3位朋友都有同一感受，咁就唔係我有問題啦，當中仲有腸仔併薯角叫最好味，因腸仔同薯角都係交黎，所以必定有味啦，唉～真難理解佢既多like點黎，絕對唔會有下次囉

今日一行四人，黎到呢間元朗多國菜慶祝媽咪生日飯。可能店內座位都幾多，所以仲未坐滿！店內裝潢營造到好似置身係一艘船嘅概念，都幾有心思！（左）菠蘿賓治：菠蘿味唔會好假、化學！（右）巨峰梳打啫喱冰冰：巨峰味似芬達汽水！溝左梳打，感覺唔會太甜！啫喱size 都幾粒！維也納煙燻蛇形腸$48以呢個價錢食德國腸真心唔錯，外皮脆脆！夾埋中間酸菜食，減低肉嘅膩口感覺！薯角炸得夠通透！椒鹽魷魚鬚 $38魷魚鬚 唔厚粉，炸得通透！份量都唔細！千島海鮮pizza $35 Pizza 雖然細細個，都幾足料！燒脆雞翼 $28共5隻！雞肉依然保持到 juicy!牛仔骨 配忌廉薯蓉$98薯蓉好順滑，牛仔骨有6小塊組合成！肉味濃！紅酒燒牛肋條 (珍珠飯）$52 紅酒味唔係好食到，但蕃茄羅宋味 牛肉食落幾開胃！西冷扒配蕃茄扁意粉 $98西冷扒好大塊，雖然薄、唔韌！扁意粉都撈得幾夠味！芝士焗肉醬茄子手打烏冬 $48呢個有驚喜！讚岐烏冬焗完後仲keep 到煙韌彈牙！芝士肉醬好惹味，估唔到甘樣食茄子又幾夾wo!叫到成枱都係食物，真係超飽！埋單$477 ，超值！

好耐冇黎幫襯啦！裝潢依舊，餐廳好有水手feel時間尚早，仲有好多位餐牌既選擇實在太多先點左d餐前小食先，白酒汁珍珠蜆夠哂creamy，酒味濃郁！手撕雞配以麻醬同沙律菜，感覺清新！魷魚鬚炸粉少，但仍好香脆！蝦餅夠哂熱辣辣！雞翼就用左蜜糖同柚子醬料，食落就有甜酸既味道跟住就叫左個炭燒系列既黑毛豬肉眼扒餐，呢個餐都只係108，有齊沙律、餐湯同餐飲，黑毛豬扒有兩塊，兩塊仲要係厚切，淋得黎仲索哂d洋蔥汁，正！二人餐仲抵，有哂下面各款食物都只係188蚊，個鰻魚炒飯好大碟，鰻魚夠多，飯炒完都係一粒粒！豬軟骨都好淋，烏冬仲要係手打添用龍蝦汁煎龍利柳真係唔講得少，仲要加多粒帶子龍利柳煎得香口，再點埋個汁一齊食，就真係double鮮味，都係88蚊海南雞飯雞滑，最精彩係個飯，有薑味同埋唔算太油，盛惠52蚊天氣咁凍就緊係打埋邊爐啦，其實餐廳上菜速度好快，所以到最後先有時間打邊爐，本來叫左個有鮑魚既火鍋，最後鮑魚冇哂換左兩隻大過果煲既大蝦，88蚊有咁多料，唔夠仲可以追加添好少地方可以飲到我至愛既紅豆奶茶，菊花蜜同鮮檸巨峰梳打特飲都好正

今日一行5人去左呢間餐廳食飯，可能時間仲係好早，所以都唔需要等位。我平時經過呢間餐廳都好多人排隊，所以趁今次多人特意一試，咁就可以試多款。餐廳裝修都好有特色，真係佈置到好似一架船咁。地方不算好大，但枱同枱之間有一定距離， 都坐得幾舒服。餐廳嘅套餐有餐湯，同跟一大碗既沙律，開頭黎果陣重以為係散叫嘅添 沙律仲附有大量醬汁，一D都唔慳皮。另外仲有2款沙律，一碗係胡麻醬手撕雞沙律，一碗係沙律醬煙鴨胸沙律，兩款都好好味，入面既蔬菜都好新鮮呢度果然夠多完化，連邊爐都有得打由於鮑魚冇晒關係，店方就建議用蝦來代替，雖然有D 失望，但無法啦，鬼叫而家凍想打邊爐咩。但當失望都未完，換來嘅竟然係驚喜係大大隻嘅海蝦呀!!! 仲要有2大隻魷魚鬚非常香口、香脆，而且份量多，唔油膩，又好抵食既小食，如果平時去酒吧飲野嘅小食都有咁大嘅份量就好啦。帆立貝同蜆份量都唔少架，絕對對得起呢個價錢。雞翼幾甜，而且大隻，仲有5隻TIM蝦餅就普普通通啦，但都係果句，夠晒大件，份量就是皇道。最後就係飲品上場三杯入面我最鐘意就係奶茶紅豆冰，事關好多地方都冇，就算有都好貴，而且呢度唔貴仲要大杯。D野食多到 

這裡沒有加一，價格便宜又特大份，令我想起遊輪上無限供應的自助餐，吃到令你飽肚滿足為止。想不到在這麼便宜大份的餐點，餐廳在假日也提供更優惠的午餐。$50左右就有一大份飯/麵和飲品。這間西式餐廳也有賣韓式食物，提供五花八門的選擇。麵、飯、包全齊，任何一份都已足夠一個人吃，不用怕份量小不夠吃。也有很多小食，如果帶年幼子女過來吃，把飯分成兩碗或多加一個小食就足夠了。沙律是另一些健康的選擇，沒有特別，在家常吃菜的可不用刻意點。海鮮類的小食較好吃，建議可從中選擇。很多人點椒鹽魷魚鬚。飲品同樣選擇多，而且冷熱均有提供。場內卡位甚多，有各自的私人空間而不會與鄰座距離太近。牆上的水手裝飾切合餐廳名字，小朋友見到也想伸手觸摸。我們點了忌廉奶茶紅豆冰(跟餐+$12)，比想像中好飲，奶茶濃，紅豆軟腍，最愛是頂層的忌廉，店員毫不吝嗇加了大量忌廉，令整杯紅豆冰忌廉軟、奶茶滑、紅豆腍。即使我們一次點了大量食物，店員還是依食物先後次序上桌。接著上桌的是胡麻豆腐沙律($20)，有一量菜和百福豆腐。如我般，在家裡每天吃菜和豆腐的，可省略這道菜。喜歡健康的，吃這個就夠飽了。第三道菜維也納煙煄蛇形腸($48)其實可當一份正餐

餐廳選擇很多，由海南雞飯；石鍋飯；西式意粉；意大利飯；薄餅；咖喱飯；拉麵；手打烏冬等等……最適合唔知想食咩的伙伴們。大家可以進去後，再簡自己想食的，唔使勉強同行友人食同一款式。而且餐廳食物價格不太貴($50-$100左右)很抵食，重點還是全日免收加一。不過注意只收現金！黑毛豬套餐($108)：包餐湯+沙律+黑毛豬+薯角(可選擇其他)+飲品(特飲也不用加錢)黑毛豬：新鮮熱辣辣，熱氣一路切一路供上黎廚師把黑毛豬外皮煎到脆口配上軟硬適中的厚厚黑毛豬肉，很好味。而薯角也很脆口。雜扒($85)：有煎蛋+大蝦+法蘭克福腸+粟米雞扒+豬扒+薯角*本身不包飲品，但也可半價加配*看見圓形鐵板上菜，以為好像某Pxxxxx Lxxxx一樣很熱。但其實不是，淋上汁料也沒有反應。哈哈哈！好彩食物本身是熱的，所以很不錯。

今日經過元朗見到呢間船長意法日餐廳 再望下價錢 覺得都可以一試就入左去 點知有驚喜😍😍未到繁忙時間有得坐卡位 墻上既槳舵設計都幾有海既感覺😁😁餐牌真心好多唔同菜式選擇 而且價錢都非常便宜 95%既野食都唔超過$100忌廉奶茶紅豆冰好creamy 紅豆大大粒☺️南瓜薯餅 個皮薄 炸得幾鬆脆 南瓜味足😄焗青口 啲醬汁好入味 整體口感不俗野菌汁牛扒$100唔使 非常大份量 而且配料豐富😜😜入口好嫩好鬆軟😯😯而且真係做到七成熟 平時叫啲餐廳煎七成熟 永遠係well done咁滯😂😂整體黎講係非常抵食 一個人叫個套餐已經飽到突

來到門口已經排長龍，個心已經很踏實，預了元朗很多好店都是要排，所以就看看門口餐牌。最令我驚訝，沒有加一餐廳 表面看似西餐廳，船長意法日餐廳裝修都以船為題，坐位舒服，很多梳化卡位，環境不錯。有圖有真相，全場爆位。我們決定點了:夏威夷水蜜桃沙律配吉列南冰魚柳 $50 （午餐有飲品）見到很多人點了，所以決定跟沙律份量很大，有2塊厚魚柳，炸得脆而槳粉不厚，沙律用了薯仔，青瓜，菠蘿，舊時港式茶餐廳味道，現在成為升級版沙律，超多人點，很適合不想吃飯的我。船長龍蝦汁意式燴海鮮珍珠飯店員通知沒有長腳蟹，改了2隻大蝦，有點可惜，不過我們都決定選餐牌有皇冠推介的食物。 2隻大蝦都有份量（爽口新鮮蝦感覺），海鮮有魚柳，尤魚圈，青口，新鮮蜆肉連殼，小蝦肉 ，個龍蝦汁很惹味，龍蝦味很出，燴飯多汁多料另外我們點了小食和2杯飲品沖繩風胡麻手撕雞$38價錢我覺得很超值，去街市買手撕雞都不只38，麻醬用了日式麻醬，酸酸地很開胃，雞絲青瓜絲下面加了沙律菜（火煎菜，羅馬生菜），味道很合配，升級版。點了乳酸梳打特飲和鮮奶咖啡。炸蝦餅，香口有蝦味，彈牙。重點真的超級平宜，價廉物美，很值得做食堂♡

約了好姊妹一起吃午餐，原本不是吃這間，因為另一間只做晚市，臨時轉場來到這裡，之前都吃過，選擇多、價格抵，最緊要姊妹減肥都可以有選擇! 來到要搭臺便不用等，我們都有點趕時間，所以都無所謂。我例牌有牛都是選擇牛，唯一就是碳燒澳牛扒餐，有餐湯和熱飲，不能選擇幾成熟，配意粉。牛扒全熟但不韌，雖然牛味不重亦不厚身，但都算大件，意粉偏淋不夠彈牙，伴了茄汁，都不錯!姊妹吃魚柳沙律，賣相都不錯，魚柳炸得金黃香脆的，但姊妹嫌沙律太酸，所以只吃了少許便放棄了。包餐湯和餐飲，已算可以吧~

第一次黎呢間，見到佢好似幾多選擇所以黎試下。同男友7點幾黎到，有位，仲有卡位，環境同裝修都唔錯。果然，有選擇困擾症既朋友真係需要啲時間去揀野食，有西餐有set dinner仲竟然有韓國菜。我地要左一個set dinner - 龍蝦汁香煎龍脷柳伴日本帆立貝，要左意粉，再加5蚊要左杯巨峰梳打啫喱冰冰特飲，仲有埋餐湯同沙律菜。餐湯要左紅湯，不過份量比較少，亦冇乜特別。杯特飲都冇乜特別，正常味，就係巨峰提子汽水再加啫喱粒粒既味，5蚊都抵飲。龍脷柳煎得幾滑，唔錯另外要左一個韓式部隊麵，個湯底幾好，少少辣，唔算好辣，入味得黎又唔咸。價錢適中，可以再黎~