舞茶道 (已結業)

歡迎收睇西九龍中心探索美食之旅......第三集, 這幾年來台灣珍珠奶茶店在香港開得泛濫, 連快餐店也要分一杯羹, 但想飲一杯真正的台灣飲料,我個人覺得首選「舞茶道 」。最初我並不知道這店的來歷, 我只憑見到menu竟有冬瓜茶賣, 有鹽酥雞及甜不辣等台食, 感覺台味重。為配合我早前在別店叫的食物及我喜愛的鹽酥雞, 我決定叫A餐----鹽酥雞(大)及冬瓜茶 $24冬瓜茶的味道淡了些, 如果濃些便更好喝, 散叫都是$10一大杯, 清熱去暑, 大熱天一流選擇鹽酥雞有少少失望, 因為炸得乾了點, 可能因為老闆一邊教新人一邊炸, 以致忽略了炸緊嘅鹽酥雞, 還有的是鹽酥味不夠, 暫時「大雞大」優勝, 散叫都是$18一大包, 如果今次不是炸得乾, 算抵到爛！他自稱----台灣頂級茶飲界達人No.1拭目以待......是次消費：$24多謝收看！敬請留意下一集(本節目的內容純熟筆者觀感, 與舞茶道無關)

今次係我第一次寫評食，希望大家多多指教。前晚，原本諗住去西九龍中心食清真牛肉館，去到先知佢休息，所以去搵其他嘢食。行過舞茶道，已經被佢d雞軟骨吸引我la，跟住我叫男朋友幫我買埋，佢自己買埋鹽酥雞，買咗返黎，雞排又甜又辣，又大塊，正，雞軟骨可能凍咗，有鹽酥雞咁好，不過都冇失望。

女友重買左杯台式野飲，其實我本身就麻麻地想試呢間．．．．特別係個三位女仔，睇樣都係１８，１９歲，但最神奇三個都係操好純正既煲冬瓜！重要同你講野時廣東話時煲冬瓜！ｈａｈａ　（以上本人無歧視之意，純粹覺得幾搞笑）跟住要左本青ａｐｐｌｅ　ｇｒｅｅｎ　ｔｅａ　＄　１２　叫左少甜同少冰！一睇到色就知大件事．．．好重色素，跟住個味．．．．怪怪地．．最后飲左幾啖就唔要ｌｕ

今日冇朋友陪,但又好想飲呢度o既椰果奶茶(+紅豆),由於兩杯抵d,決定叫杯有冰即刻飲,一杯冇冰o既夜晚飲!點知~唔飲猶自可,一飲迷死我!啖啖奶茶香,加香甜椰果+紅豆,甜絲絲,滑嘟嘟,簡直飲到停唔倒口!最後係點?相信大家都知~就係一杯接一杯,廿分鐘內飲哂1400cc!!!不過唯一美中不足o既係,支飲管依然係啜唔到d椰果o既!結果又係要撕開個杯蓋倒落口!食食下差d哽親!!

食完豆花唔夠喉,好想飲杯紅豆奶茶調劑o下!原本去o左地下間麥茶,但見無o左第二杯半價o既優惠,決定上八樓望o下再決定!叫o左兩杯椰果奶茶+紅豆(第二杯半價),第一杯$12+2,第二杯$6+2,盛惠$22!甜度適中,椰果好林,紅豆亦多,整體o黎講好好味!唯獨支飲筒好難啜到d椰果,最後要撕開個蓋o黎飲!

同朋友黎到西九龍food court!見到係多左好多野食!但環境就比係想像中細啦.但5點幾6點ga時間都好彩易揾位.唔多人!我地4個1人俾$20出黎試左5間野食!真開心!我地坐正係呢間出面,所以本身都無諗住食呢間..點知d炸雞好香咁吸引左我地啦我地要1份鹽碟雞!即炸所以熱啦啦! 好香好味!佢炸層個皮唔會太份唔會好似面街食個d咁多粉! gd !唔會係到食炸粉雞肉先係主角!都算大件呀d雞!食落好juicy! 啖啖肉!!真係好味!而且又唔會太鹽.味粉落得岩岩好!好似大約係$14-15到如果無記錯! 有機會會再食呢間其他野試下!ps.見到佢話有港式奶茶同台式奶茶港式奶茶就係同我地平時飲d 1樣泥黃色.但台式奶茶就係奶白色!真有趣! 下次試!