臻煌海鮮城 (裝修中)

昨日（8/1/2023）到這酒家食下午茶，二點幾到，唔駛等位，無人理，即入，自己搵位。點了2份燒味孖寶，$49.8有碗燒味粉/麵，再加個點心要幾抵食。叉燒皇有D嚡口，燒腩仔皮唔脆，碗麵太重鹼水味，點心要咗燒賣，好食，足料。再點咗個超值組合$43.8蘿蔔糕，多料，香口，唔油黑椒蒸爽肚，肚有咬口，底有好多豆卜，索晒汁，好味再加臻煌露筍鮮蝦餃，蝦好爽口七味一口豆腐，粒粒都好脆口，好好食。侍應對於枱號唔熟悉，將點心放錯枱，由於是隔離枱，故聽到有人話“唔係佢哋”，侍應送回給我們，沒有歉意，叫佢小心，還黑面，。

前日初試這間新開酒樓的點心，覺得不錯，雖然有點貴，燒腩仔$168，但燒得很脆，其他點心也很精緻，叉燒羌葱撈麵則頗為鹹。人均消費約$120。新章期間，茶錢@10。營運總監同茶客都幾好傾，於是訂埋冬至正日22／12晚飯，套餐價$3688。是晚大約九成滿，但上菜慢，等了一粒半鐘才有汽水，然後才上第一度菜，崧子紅米豬，乳豬內釀有崧子炒紅米飯，乳豬斬件舖在炒飯上，乳豬皮薄而脆，有特色。上湯龍蝦伊麵，第一次見到龍蝦多過伊麵，正。大星班兩味，魚肉片夠鮮味。燒鵝皮薄，唔肥，但味道有點淡。錦繡炒飯也炒得粒粒分明，食完不會口渴，最後是棗皇糕。每度菜的份量好足夠，雖然食唔曬，但還加訂壽包，是紫薯作餡料，但有人還是喜歡蓮蓉呢！由七點坐到九點九，真是長時間，希望下次有改善！