臻味冰室豬扒酸辣米線

营业中

休息中

大半年有同事行到身水身汗去近牛頭角嘅臻味食過豬扒米線，知道係觀塘呢邊開咗間分店都未有機會食。呢日唔知同朋友食咩，近大家office就揀咗呢間，終於食到啦。我地係算早放晏嘅，拎飛都要排一陣，好彩得兩個人，都算快可以入去。睇完一輪餐牌都係決定食豬扒米線，飲品唔係叫佢套餐個種係另外加正價嘅。豬扒米線一上枱好香，超多葱同埋花生。豬扒都有成三塊，煎得好，好夠味（對我黎講有小小咸）。酸辣程度都ok，米線都煮得剛好。朋友係雞翼米線，佢話ok啦。整體黎講都唔差，不過忘記咗食完個口易有味，如果要見客就唔好點呢個。

有頭髮有邊個想OT，但老闆講到明項目好急，要盡快處理，你又點可以唔服從呢，同點好意思say no 呢。好彩公司樓下就有三大守護神與OT者常在，倫哥私房菜、臻味冰室同悠食餐廳。今次，我就簡簡單單簡左呢間臻味冰室，事關樓下嘅倫哥私房菜晚上就特別多大大班人去飯聚，相映之下，OT嘅我同同事就有點寂寞😢；而悠食餐廳呢就d野略貴同野食普普；而臻味就勝在性價比高同快、靚、正！是日與我同在嘅係什菌肉醉泡飯（$38），再加埋魚肉雲吞（$6），平時去開食嘅雲吞會啖啖肉，今次舊肉縮咗水，而湯底非常清淡，泡飯煮得未夠淋。同米線相比，以及同平時水準相比，泡飯今日有點失色失準。同事就簡左手撕雞酸辣米線（$38），佢嘅湯底就剛剛好，調味適中，而米線夠哂淋，手撕雞雖然有d老，但呢個價位，去觀塘邊搵到呀。總括，臻味嘅米線仍然係不錯嘅選擇，臻味繼續與我常在。呀們。

觀塘區平時weekday食飯好多人，真係好難搵位， 呢間酸辣米線就連weekend都好多人， 店舖入面經常都座無虛席，已經係第二次食佢哋嘅酸辣米線， 今次叫咗鮮爽酸辣豬膶米線 & 鮮制韭菜餃酸辣米線! 每碗米線都會有葱，香芹，芫茜，花生等等嘅配料！ 而米線嘅份量就比較少， 豬膶唔硬身好爽口， 韭菜餃入面好多韭菜少肉， 如果鍾意食韭菜嘅朋友可以試下！ 食酸辣米線最重要就係個湯底，呢度嘅湯底酸辣都會有少少麻辣嘅感覺， 香濃嘅麻辣味令到人胃口大開！ 配埋可樂就係食酸辣米線嘅最高境界!

路過呢間米線店舖好多次，成日見到好多人等位，同埋好多人企喺出邊，等外賣。今晚，上堂前同學仔建議去呢間試下，噉啱唔使等位就行入去食。唔使考慮，梗係要個秘製豬扒酸辣米線啦。點解酸辣米線加咗麻辣味嘅，好似個麻辣搶咗個酸辣味，同埋唔覺有芽菜韮菜伴底，好彩啲酸菜爽脆好味，夠花生， 秘制豬扒有三小塊，好似煎完之後再炆焗返佢，好入味。同學仔叫咗碗雲吞米線，原來佢個碗都係酸辣加麻辣，佢本身唔食得辣，今次仲要加埋麻辣，食到佢大汗搭細汗，佢食晒啲雲吞，米線食咗一半，就冇食。佢請我食咗一粒雲吞，我覺得雲吞冇乜特別，豬扒好味好多。

臻味新舊店都食過幾次，次次黎都好多人等位，今日自己一個人lunch，容易等位好多就再encore。每次都係食臻味豬扒酸辣米線，今日新嘗試食牛肉蕃茄湯飯，好好食，仲好多牛肉。蕃茄湯小小酸酸地好醒胃，夏天食岩晒！因為一個人食要搭枱，唔知係咪隔離飯香，見到人地個碗，點解d餸多到見唔到米線，有豬扒、水餃、司華力腸、鴨胸，仲有其他唔記得，唔係誇張，即刻八下個menu係咩黎，原來係雜錦酸辣米線，下次一定要食。

一向大食嘅我，點估到遇到呢間又大碗豬排份量又多嘅米線舖頭。除左米線，都重有撈米線，重有我幾中意食嘅泡飯，下次就試下蠔仔泡飯先!今次就試左蕃茄湯招牌豬排米線，蕃茄湯夠濃，又唔會只得酸同太咸，而且重加左薯仔。真係要讚一讚個豬排，除左份量多抵食夾大件之外，係帶有少量脂肪嘅豬排，煎得好香唔又唔會好油好肥膩。咬落唔會硬，又唔乾身。價錢同食一碗三餸譚仔差唔多，呢間選擇種類就多好多，而且一碗都夠兩個女仔share, 又唔洗成日都要等位。如果大家食悶左譚仔，可以一試呢間!

聽老闆講牛頭角有間米線幾好食，前排向觀塘開左分店，是日去開觀塘做野，夜晚叫左老闆一齊去試😋老闆話佢出名係手撕雞同埋豬排，不過我地兩樣都無點😝，因為包野飲的餐無呢兩樣餸選而我地都想飲野，我叫左韮菜餃米線走酸，老闆叫左牛展米線走酸，平平地點餐又有埋野飲👍🏾，老闆話走酸的話佢會換3舊蘿蔔落去韮菜餃幾足料，都好似有成6~7舊😮，走酸又換幾舊蘿蔔俾你，香港地今時今日黎講都算好有良心了👍🏾食左老闆1塊牛展，都幾厚切，OK的，不過其實我唔好牛展😝米線黎講都算幾好食，餐抵食，不過得4款餸有餐，選擇唔多

這間餐廳最出名的就係「酸辣豬扒米線」。雖然叫做酸辣湯底，但其實佢跟其他賣酸辣米線的食店有D唔同。「臻味」的酸辣湯底，是帶有些少麻辣味的，所以食起來相當特別。酸味令人越食越開胃，輕微的麻辣就令到湯底的層次更豐富。一個湯底，滿足晒既鍾意酸辣又鍾意麻辣的朋友豬扒的厚薄適中，咸淡味道剛剛好而且唔覺得韌，份量亦都很多，有成兩大塊剩係食豬扒都食了很耐至食得完。米線煮得又軟又滑，份量同樣不少，建議細食的女士「扣底」。

新鋪比舊鋪更舒服更好坐！今日叫左腩肉韮菜餃酸辣米線，平時食d 腩肉通常都超大舊肥膏，不過呢度d 腩肉還好，而且幾有咬口。重點就緊係每次必叫既韮菜餃🤤多菜少肉，韮菜迷必食！

走進觀塘食肆，平凡的早餐也有驚喜！C和D餐各一份，茄牛通竟然有真鲜蕃茄，真吸睛，通粉質不淋，湯味亦有鮮茄味，牛肉淋，中規中矩！牛奶麥皮，牛奶濃，麥皮一粒粒，淋淋的，煮得剛剛好，並沒有加糖，值得一讚！火腿奄列不馬虎，份量達水準，有一碟！還有餐肉太陽旦和牛油三文治！這裏用的雞旦都大隻！再來一杯熱好立克和杏霜！愛飲杏霜的人一定要來，夠份量，勁濃味，老闆不吝嗇，好味呀！而好立克是正常！香港人的早餐，吃了多滿足！

平時LUNCH經過呢到排晒隊, 今日都唔例外, 都要等咗陣先可以入座, 其實店內都好迫, 又係要快食快閃果隻, 今日試食咗兩款, 一款酸辣, 一款清湯豬扒酸辣湯水晶粉 - 原來水晶粉係咁既, 半透明既米線, 口感都好滑口同爽口, 味道唔算好辣係麻口多啲, 豬扒都好入味脆香雞翼水晶粉 - 清湯原來有蘿白送, 雞翼浸咗落湯到仲邊有脆口感, 浸到濕濕口感麻麻, 分開上會好啲囉, 雞翼肉質又唔太嫩口, 但上湯味道都唔差既總結 : 如果講食米線, 我會揀食譚仔, 同埋好似冇跟餐餐飲, 見餐牌得幾款先有跟餐餐飲可以加$2轉凍飲, 其他應該係要分開叫, 見場內個個只得一碗野食, 冇野飲, 而家價錢亦都唔算平, 一碗都要35蚊以上, 又冇野飲喎 

平時同事嗌外賣都食開呢間，想試好耐，天氣咁凍，一定要食番啲辣野🤣👉🏿✨秒製豬排酸辣米線 Hkd 36 💸📌食第一啖已經深深愛上左佢！同譚仔既酸辣會有小小唔同，不過都好好食！我叫左小辣就覺得唔算好辣，會有啲啲麻，下次可以挑戰中辣😋個人都好中意佢啲配菜，神奇地搭落米線到啲配菜都好好食😍點解會咁架！米線偏林身，但豬排份量唔惹小喎，都起碼有四舊，絕對夠食👌🏽完全迷上左佢，唯一要彈就係佢外賣上到黎會凍晒...下次要堂食食熱啲✋🏿

觀塘工廠區成日都有開倉我個靚太朋友專登山長水遠搭車過嚟掃貨又問我觀塘除咗西餐日本野仲有啲乜嘢地道啲嘅嘢食我唔知點解就帶左佢去食豬扒米線 先上一個麻辣手撕雞味道普普通通唔夠過癮雞肉口感我覺得有啲‘鞋’但呢度嘅豬扒米線真係要讚一讚＄36有三大塊豬扒係入面而豬扒醃得好鬼入味質感好腍 超讚而我就叫左中辣湯底但就同小辣無分別到喉唔到肺🤣下次要叫大辣先滿足到了。係觀塘食lunch 真係唔平$3x 咁大碗 味道又唔錯 真係數唔到有邊幾間諗唔到食咩 又鍾意食米線 不妨黎試下👍🏻

雖然我不能食酸辣(;_;)但一到冬天心中總會想食一碗暖暖的蕃茄的米線。最近，在牛頭角附近開了新分店。剛好當天天氣開始轉冷，因此特意來看看能不能保持水準(°▽°)餐廳位置：和主店同樣是牛頭角區。新店較近，出左地鐵站後過一條天橋便到了，接近office區。營業時間/餐單：餐單和主店差不多。但可能新店是冰室做定位，早上便開始營業了，有火腿，蛋通粉等常餐，但好似暫時沒有米線的早餐套餐。當天中午叫了兩碗蕃茄米線鮮牛肉及豬扒米線：(a) 米線分量適中，不會太硬或太淋(b) 主食材 鮮牛肉：分量多，不鞋，但間中會有根 豬扒：醃料香，豬排好味可口，有大約四大件，但有一件是豬扒骨位置(c) 蕃茄湯底需另加三元湯底有挺多的配料，鮮蕃茄及薯仔件，蔥花莞茜花生粒。濃濃的蕃茄湯底會不自覺地飲了一半，雖然湯底有茄汁/茄膏的味道，但食完後並沒有口渴。環境環境比主店大，半開放廚房，有TV台和台隔間大了，有些椅子是皮面的，但比較細張台上有調味料-胡椒粉服務可能由於未到午餐時間，人流較少，店員亦會主動落單總評分：3.5 / 5 （保持水準╰(*´︶`*)╯♡）價錢：合理 推

由牛頭角戈間老鋪食到尼間新鋪，幾乎個個禮拜都食，全係因為酸辣湯底正宗嘅麻辣味，令人好似翻到重慶咁。香港食辣嘅唔少，但食麻嘅就好難搵到，個种食完以後嘴唇麻酥酥跳緊舞嘅感覺，真係除佐四川重慶，真係尼度先搵得到。有時唔想食咁重口味，番茄湯底都幾好味！米線就人均唔但40，無水飲，加嘢飲最平都10幾蚊，有時食OT飯就唔係咁抵啦。因附近好多工廠大廈，多人翻工，所以中午排隊人都唔少，要想唔排長龍，就早啲過來啦