臻味冰室豬扒酸辣米線

营业中

休息中

我係一個米線控😊超鍾意食米線🍜🍜如果講食物質素嘅，佢地米線足料味道ok😻😻食完唔會有口渴嘅感覺👍👍辣度有大中小辣，豬排同九菜餃都好味🫶🏻🫶🏻但如果講服務質素真係麻麻地😾😾所以好多時入去食個lunch都係15mins內攪掂 👿👿食完早走為妙🏃🏻‍♀️🏃🏻‍♀️特別係食lunch嘅時候，侍應們嘅凌厲眼神，都令到身為客人嘅我有d緊張😥😥明白香港地租金壓力好大，但俾客人食個午餐坐多幾分鍾，俾客人落單時問多1，2句，其實都係好簡單嘅事🫠🫠

Lunch 成日念吾到食咩，同事就帶左我去食豬扒米，夠平，又大碗我點左個招牌酸辣豬扒米，豬扒幾淋，湯底少少酸，但吾夠辣，不過都幾好食，但就吾包飲品，好彩食完無口乾

喺網上外賣平台叫了公司三文治外賣自取（當時app 顯示等候10分鐘）由落單到拎餐需時20分鐘，我都冇催佢， 企喺餐廳外吹住風咁等出餐。吹完10分鐘風，到我拎餐時，收銀處呀姐黑面大大聲對我講：你個公治最麻煩要搞最耐 ，拖冧晒後面啲單喇！你廚房做唔切喺你哋嘅事 ，一喺你哋cut 咗公司三文治唔好比人揀， 唔好將你嘅怨氣發洩喺客人身上。就算呢間啲野叫做同區幾好食，亦不會再作任何考慮再幫襯， 點解要貼錢幫襯仲要受職員無理對待。

喺門口見到一隻長龍,探個究竟原來大部分都是等外賣就直接走入去睇下今日食乜嘢最後還是牛脷最吸引.因為唔食辣啦所以就直接選清湯牛脷米線套餐牛脷份量都唔少連埋米線大大碗加埋至愛凍檸茶走甜就係一個美味午餐

係牛頭角做嘢唸住買外賣 附近選擇唔多 見到呢間米線就試試佢🤓選擇都好多 出單快 有分湯 而且味道都ok手撕雞酸辣米線手撕雞竟然係雞肉而唔係雞胸絲 平時好多餐廳都係雞胸絲 好柴🫠 呢度嘅雞份量ok 而且幾嫩滑😋 湯底都唔錯 不過唔係好食到酸同埋有啲太麻😅秘制豬扒酸辣米線呢個係招牌👍🏻豬扒份量足 調味適中 好軟唸鬆軟👍🏻 米線軟硬適中 脆香雞中翼雖然份量多 但係味道麻麻地 普通生煎雞翼 冇乜調味 而且肉質較老🫠米線來講呢間唔算差 普通lunch食外賣都抵食嘅

買左個豬扒🐷酸辣米線返屋企自私食 落單唔夠1分鐘就拎得 出餐速度驚人😳 隔左個幾鐘先食 碗米線都仲熱熱地碗米線比起酸辣 更加似麻辣 隻麻辣令人好上癮 不停一啖接一啖 豬扒方面份量都多得驚人 食極都有 同埋豬扒唔會鞋口 好食

Lunch time必定見到門口有一堆人既餐廳🤭🤭🤭呢間轉門食酸辣豬扒米線既餐廳 豬扒好食 酸菜出色，必+$2要薯粉☺️☺️☺️ 好好食另外炸韮菜餃 熱辣辣 又脆👍🏻👍🏻 lunch食好滿足

係FP買完去自取同我話裝修緊，要去第二家分店取，我付款之後又唔打電話通知我呢件事，或者問我需唔需要選擇取消wor。然之後個店員係門口同我講叫我去FP退款。好啦，咁我去搵客服，客服同我話：店家話鋪頭無裝修，已整好餐，唔可以退款。。。我：？？excuse me？？點拗都唔肯退款。離大譜！！我已cap曬所有溝通記錄去消委會投訴。真係一家無信用無品德嘅鋪頭，呢個農曆7月你就會有報應，呢30幾蚊當金銀錢施捨俾你，阿彌陀佛~

爽滑魚肉酸辣米線（$46)🐥加手撕雞（+$8)賣相：🐧🐧🐧🐧味道：🐧🐧🐧🐧米線連餸以普通膠兜盛載，湯分開另上。米線、魚肉、手撕雞都份量十足，配菜如酸菜、花生等亦足料，十分抵食。味道方面，米線爽口彈牙，配搭酸辣得宜的招牌湯底，惹味十足，但略嫌湯底油膩。魚肉爽滑有嚼口，無骨肉嫩，魚味足不會粉味重。手絲雞大大條厚切份量十足，肉略嫌過韌，尚算入味。外賣等候時間：🐧🐧🐧在假日晚上6點幾下單，需時約30分鐘送達，與預計送遞時間相約。🐧❤️結語：惹味的酸辣米線，有回頭慾❤️。

觀塘茶餐廳格局見佢有新聞睇吓中午時間就入去食飯嗌咗個蕃茄雞絲泡飯諗住再劣都有個譜雞絲都冇乜expectation係嚡嘅茄湯唔你煲都唔出奇奇就奇在好似倒咗成支茄汁落去成碗嘢係熱茄汁撈加水撈飯職員態度唔好 好聲好氣嗌佢哋應咗轉頭轉幾次頭都唔理人埋到嚟又晦氣又呼喝出品唔好 人品又唔好覺得好食嗰啲可能係條脷壞咗

呢間冰室主打豬扒🐷酸辣米線🍜今日又再去食喇。米線同湯分開2個碗裝，外賣加$1，每碗外賣$41。 米線、豬扒🐷份量足，有大約4塊豬扒。豬扒🐷醃得幾好味，肉質唔會硬。佢嘅酸辣湯底幾惹味，配料有酸辣湯、蔥、酸菜、花生。花生脆嘅，佢嘅酸辣度都幾辣，如果大家唔食得辣，就要叫少少辣呀。

中午黎到官塘臻味試下有四個精美套餐係包熱飲，其餘飲品要另外加錢我就試左B餐$42牛展酸辣米線(凍飲加$3)叫左中辣，覺得吾辣牛展好多碎，吾係完整一塊塊，麻麻地，有小小失望，下次會試下第2個餸同加大辣度

呢間冰室嘅酸辣豬扒🐷米線就經常食，豬扒就第一次嘗試。 佢嘅下午茶餐幾抵食呀，招牌豬扒包下午茶餐$28，奉送熱飲，凍飲加$3。豬扒包配料有生菜、蕃茄、青瓜、沙律醬。豬扒🐷份量適中，鍾意佢唔會乾身，夠juicy 😋豬扒好味，唔會韌。整體唔錯。不妨試下。

個蕃茄湯底好令人失望😮‍💨不過唔算多人 都座得舒服味道就好似用茄汁加左落啲湯度咁唔夠濃 又勁少蕃茄奉勸大家叫返酸辣會好啲因為有得叫唔同辣度 如果唔叫佢就會俾中辣你嫁啦

明明唔食得辣，但係又鍾意食酸辣粉麻痺口腔嘅感覺，於是去左臻味叫咗碗紅薯粉食吓，順便感受吓同桌以前牛頭角返工個陣附近餐廳嘅味道。睇睇餐牌，選擇多而且價格親民，完全明白點解同事們晏晝成日食呢間。炸魚肉雲吞 配蕃茄醬 份量多到好似山咁高，熱辣辣脆卜卜，係魚肉比想像中少咗啲。麵到咗之後浸吓湯再食，好似打邊爐食響鈴咁，一樣好好食。因為選擇困難，叫咗個咩都有啲嘅雜錦小窩配紅薯粉，紅薯粉煙煙韌韌，叫咗多花生更香口。特別鍾意豬排同韮菜餃，好夾湯底。只係今日個小小辣變咗做小辣咁，弱者如我已經食到淚流滿面。忍唔住試埋蠔仔牛脷上海麵。蠔仔新鮮，牛脷有咬口。上海麵因為冇紅薯粉咁滑潺潺，特別掛湯。埋單百五蚊左右，非常滿足。不過原來呢度收得幾早，夜收工想食真係要預吓時間。