臻一鮨 (已結業)

復活節周圍都full house，同朋友冇book到位，喺尖沙咀見到呢間新開嘅日本嘢唔使等位，裝修又幾靚，新張期間仲有8折，就入咗去試下，又幾有驚喜喎 葡萄烏龍一坐低老細就話新開張，送個茶俾我哋飲，白桃烏龍就聽得多，葡萄烏龍真係第一次聽，泡耐啲先飲會濃啲，有陣葡萄味好清香又解膩 刺身盛三點(帆立貝，赤海老，三文魚)刺身好新鮮，我特別鍾意個赤海老，好大隻又唔腥冇苦味，好鮮甜 特上壽司盛(八貫)(三文魚，油甘魚，八爪魚，赤身，赤海老，北寄貝，帆立貝，馬刀貝)壽司都好有質素，馬刀貝好爽口鮮甜，赤身濃味又冇筋，八爪魚唔似平時食嗰啲好似擦膠咁，而係好彈牙又有鮮味 吉列炸廣島蠔新鮮炸起熱辣辣又多汁，配埋他他醬食可以中和返個熱氣 炸魷魚鬚分量好多，點蛋黃醬食好好味，我哋食完一條又一條 炸天婦羅軟殼蟹一大隻軟殼蟹切半，兩個人食啱啱好，點埋蟹子蛋黃醬食好夾 三色麻糬福餅有原味，士多啤梨味同朱古力味，麻糬皮包住啲cream，本身有啲驚會太甜，但食落啱啱好，為今餐畫上完美嘅句號

尖沙咀近重慶大廈個邊新開咗個地牢商場，入面主要都係食肆為主，見到已經有唔少店舖進駐，最大面積嘅莫過於位於商場入口旁邊嘅日本菜。今日來到先知原來只係開咗幾日，餐廳環境寬敞，乾淨企理，卡位同吧檯位都有。食物選擇都有好多，午市時段會有lunch set，晚市暫時得ALC。今次主要嚟試下佢哋嘅壽司：炙燒系列：火炙三文魚素司－三文魚肥美，面頭會有沙律醬同少少黑椒火炙左口魚裙邊壽司－魚裙邊偏爽身，雖然油脂都好香，但如果火炙多一陣會更佳！每件都會有唔同topping，叫咗2件分別有香蔥同唐辛子。壽司系列：中拖羅吞拿魚壽司－厚身，油脂都算足夠～大拖羅吞拿魚壽司－超級肥美厚身，食落口感好滿足！三文魚腩壽司－比剛才嘅火炙三文魚更香魚油，厚切魚腩大滿足！軍艦系列：香蔥吞拿魚蓉軍艦－海量嘅吞拿魚蓉，一客2件嘅價錢來說性價比高！手卷系列：牛油果軟殼蟹手卷－軟殼蟹脆，如果有少少醬汁食落會更有層次！辣味三文魚手卷－味道突出，2款嘅手卷食到底都仲有餡料～吉列炸蝦卷，一客有6件，反卷即叫即整，裡面嘅炸蝦仍然熱辣辣脆卜卜，再配埋生菜，沙律醬同蟹籽嘅配搭真係無得輸，而且每件都好大件！

路過見到有新地下舖頭食嘢裝潢好新就入黎望下轉角見到有間試業中嘅日本舖頭紅日都有下午茶，真係好吸引下午茶價錢都算抵本住試下嘅心態嗌左T5）炙燒寿司盛配迷你烏冬+牛肉薯餅$72壽司有三文魚,熟蝦,鰻魚,左口魚,墨魚 全部都好好味造型都好用心烏冬係稻庭烏冬，煙韌嘅追加左兩舊炸雞$18，都好嫩滑，即炸起好熱另外T2）三色魚生丼$78三文魚,吞拿魚,油甘魚 （各2片）都okay最後講下佢個牙籤，竟然係膠個d，一頭有牙縫刷頭嘅🤣