臺北站 (已結業)

今晚放工諗住去買珍珠奶茶返屋企送飯... 去到點知..........................珍珠賣斷市??????? oh my god...... 好生意到咁.... 要等半個鐘先有, 都仲有咁多人排隊, 果然勁買唔到珍珠奶茶, 轉買奶茶抹綠和柑桔檸檬, 仲試埋特薯波波, 之前只食過薯條覺得好味, 特薯波波原來都good, 冇薯條咁脆, 但食落口感淋淋地, 細細粒咁, 又冇乜係街見過, 幾特別...至於奶茶抹綠我以為會係綠茶味, 原來係苿莉香味..幾清, 飲到味都有香甜味, 不會像去餐廳飲野咁, 飲到尾d冰溶就好淡口...柑桔檸檬勁正呀, 入面有d 好似西米咁大粒的透明珠仔, 但咬落係爽口的, 都幾多的, 一路飲一路有得咬下咬下....10個good 呀估唔到一心去買珍珠奶茶, 買唔到有d失望啦, 點知誤打誤撞都買到好味野wow... 下次又即管試下其他先

個日食完飯同個friend經過又想試下~~今次叫左朱古力珍珠+酸忌廉薯條~~朱古力珍珠就好濃味....好岩我呢d朱古力愛好者~~薯條都好好味....但我都係鐘意芝士味多d~~成日見佢咁多人...以為要等好耐...其實都好快拎到杯野飲~~不過薯條佢話即叫即炸...會比較耐d~都可以接受既~~下次再會試下~~

Good 丫元朗又有間人氣館平時都係出mk先有中要行晒2間先buy到d薯條同d特飲依家開係度真係岩晒中要唔係好貴就可以嘆到大大條既薯條同珍珠奶茶(都只係$20到)正不過我就比較like食d特薯波波再+埋特色醬汁good丫雖然等左2~3個字,但都係值得一等

嘩嘩嘩~!!3點幾同家姐又經過呢間"臺北站"超長的人龍呀~!!家姐八掛望望下，我知咩事，D人係排隊買珍珠奶茶呀，我第一次買係琴日，我記得係星期六開0既"臺北站"之前見到勁多人都唔想排，但都係試佐，不過好快就OK的，唔似荃灣come buy 大卡司唔洗等，超平，但我驚三聚青安，始終都係大陸公司，都係臺灣或者香港公司好D，所以都係支持COME BUY / /臺北站D收銀好有禮貌，又細心，因為會比紙巾客人，或者叫客人攞，咁多人買佢地都唔黑面，琴日要佐珍珠奶茶$10/700CC，可以要大珠或細珠，我要細，有少少焦糖味的，今日要青蘋果綠茶$10/500CC，青蘋果味好正，少甜少少酸，家姐要荔枝玉露$10/500CC+$3加海澡珠，D珠珠好彈牙，我地要佐個著波波$20，可以選擇醬，我要佐香草白菌，+$3朱古力醬，個靚女話即叫即炸要等幾分鐘，等佐10分鐘到食得啦，個靚女又好細心咁提我小心熱 全部加埋都係$46，值得再去。下次要大珠珠~!!

細佬話千色開左間新野好好飲我都不以為意, 今日經過見到真係咁多人, 又試下係咪咁好飲...珍珠奶茶確實不錯, 茶,奶,珠比例剛剛好, 難怪會咁多人排隊香芋珍珠的味道就不如奶茶咁好, 香芋味不足夠等候的人很多, 店員都尚算充足手快和有禮貌, 等了8分鐘取到兩杯奶茶,此店還有一起賣是薯條, 有機會都要一試值得一試

不知何時開始，元朗興起一股珍珠奶茶熱，先是Boba，然後到大卡司，最新有這家臺北站。論人氣，此店自開始就是最強盛，人龍不絕，抱恙的我也忍不住來嚐了~ 　臺北站飲品選擇包括奶茶、可可咖啡、鮮茶、果汁、紅綠茶及多多系列，說多不多，但同時也有供應炸薯系列，如比利時薯條、洋蔥圈、特薯波波，既有得飲又有得食。店內店員滿佈，效率較大卡司為高，雖然人多也才等10分鐘左右飲品就到手了~　要了最傳統的原味珍珠奶茶，一飲之下口味香甜柔美，果真與台北街頭所飲的極為相像；而且可以選擇我鍾愛的更軟棉入味的細珍珠，十分開心滿足，看來多人真是有理。　然而這等冰凍的甜飲，我始終不宜多飲；等那天病好了，一定要試它更多口味，並且品嚐熱氣但可口的薯條!

尋日入左去元朗set機, 收工行行下見到呢間野咁多人排隊. 未行過去睇下囉. 原來有大薯條 , 見個樣又好似好咁, 所以就排隊. 終於到我啦! 我叫左"意大利香草白菌汁薯條" & "招牌珍珠奶茶"真係幾好食喎 . D薯條粗粗唔似得M記咁,重要都幾多 !!正!! 我比較鍾意食粗薯條 珍珠奶茶同我之前係台灣飲差唔多 又唔太甜, 有茶味, 珍珠唔會得幾粒. 啱啱好^^重要如果加珍珠都唔洗加錢.total 都係$30唔係貴下次如果入開元朗我一定會再黎食

個日行過千色見到超多人....行去睇下原來又開一間小食店~~因為之前開左間大卡司台灣飲品....但太甜...珍珠沒有口感!!見到又有開咪試下囉~~呢間野既珍珠奶茶超大杯....都係10蚊喎...仲要可以選擇大/細珠都幾特別架~~我就叫左大珠口感好嘛~~又見到佢好多人叫薯條..我都試左~~之前食過瘋薯覺得芝士唔夠味...所以係度再試下叫囉!!但呢間野既味又幾好喎...仲要價錢平好多嘛..20蚊~~超值!!仲有好多味道...個職員話薯條即叫即炸喎....所以等左5分鐘~~如果快少少就更加好~~佢開左幾日我都有買...因為我對於佢既芝士薯條情有獨忠~~10個good呀!!!!!絕對值得情迷芝士既大家~~~

今日小女終於完成AL考試,剪完頭髮心情好好之下行過千色..原來又開左間同MONGKOK輕鬆飲差唔多形式既小店,見有唔少人幫襯,我當然唔會放過機會啦..照舊珍珠奶茶少甜少冰,試業期間都係賣$8..呢間唔單止可以選擇冰同甜度既份量,仲可以選擇大珍珠同細珍珠TIM,我當然選擇細粒珍珠啦..店舖人手充足,店務員亦很有禮貌,雖然等緊既人都幾多,但5分鐘左右就有得飲...珍珠超過野飲既1/3份量,一飲之下...發覺真係同MONGKOK果間好似BOR,奶味濃過茶味,而且幾滑...以$8價錢,等咁少時間真係超抵呀希望人流愈黎愈多之下,奶茶品質唔會下滑啦,如果唔係,呢間係元朗應該都站得住腳嫁!後記:本身下午考左3個鐘試個肚已經打緊鼓,點知飲完奶茶番到屋企飽到食唔落飯

千色近期好熱鬧, 先黎一間大卡司, 再黎一間臺北站..兩間都不急不及代要試一試..大卡司個feel有d大陸, 味道也偏甜...都係臺北站比較岩口味..早兩日經過新開張, 已經大排長龍, 估唔到今日星期一, 夜晚九點幾都要等, 早兩日食左類似瘋薯的薯條, 今日黎個洋蒽圈, 一樣咁好食...下次要食埋特薯波波..飲左一杯細既草莓多多, 酸酸地, 都好好味, 又唔太甜...好味既珍珠奶茶, 香脆炸薯, 元朗都食到, 唔洗出到旺角啦

這間新開的臺北站位於元朗千色廣場地下。我個日行過，見到好多人去買飲料和薯條，薯條不是用袋裝的，是用一個大圓統裝的，薯條不是好像m記個d薯條，佢係好大條的。食下去覺得好多薯仔，好味道。而佢地個d飲料都不是好貴，有中有大(我只記得大有700cc)中都係10元、大就是12~15左又。真係值得一試。

星期六行過已見新開店子臺北站有人龍, 今天下午經過依然很多人, 果然是元朗近期觸目的新星。最近千色廣場很熱鬧, 大卡司新開不久, 還未來得及嚐試, 千色廣場另一邊又新開了臺北站, 人氣高企, 我亦去湊熱鬧, 點了一杯招牌珍珠奶茶, 新開張關係, 此款奶茶特價中杯$8, 大杯$10。珍珠很多, 而且是帶甜的, 我點了少甜少冰, 半糖都夠甜, 少冰亦夠凍, 有茶味, 夠奶味, 個人覺得好飲過旺角的輕鬆飲好多, 以此價錢絕對可給笑面。除了人氣茶飲品外, 臺北站亦售另一人氣食物薯條, 似足瘋薯, 但$20已有交易, 下次有機會再來試試。雖然人多, 但店員服務亦有禮, 只是等取茶時間比較耐一點。我喜歡台式珍珠奶茶, 此店應該很快會再來幫襯。