至尊雲吞麵雞煲

营业中

休息中

住在濕地公園附近，揀咗間新開至尊雲吞雞煲餐廳試下。避風塘魷魚飯大碟抵食，味道還可以。但炸粉粉漿太厚，表皮唔夠脆身，試一次就夠。美極牛肉炒河不過不失。炒得夠鑊氣，河粉唔會黐住一嚿嚿，條條分明。牛肉生粉醃得太多，少左牛肉味，芽菜蔥頭比較少，如果多返d，整體係幾好食嘅。

見佢新開係屋企樓下，琴日試過午餐外賣，啲嘢食一般啦，叫個楊州炒飯，係無咩料，啲叉燒切埋都無一舊仔，好孤寒，聽人聽雞煲唔錯，唸住試下外賣屋企食，打電話問外賣啲野，回答嘅態度好差，最後仲cut線拍一聲🙄以後都唔會幫襯，

唔係普通雞煲嚟，係比個煲你d雞自己炒咁。叫響玲，癲到要切一半上比你。野食選擇少，野飲選擇多。4個人食，份量寫4，午餐肉上2塊比你。d野食紙係要問先比你，成間野比我個感覺係好度縮，打邊爐冇酒飲。呢間野200蚊，比學生食可能ok，可以當係聚腳點吹水。呢到冇得泊車，渣車黎要三思。係，天水圍冇野食，但係比200蚊黎搵個位吹水都要諗清楚。11點就截order，我9點半黎食，我每次問佢拎一張野食紙都提我11點就截。