至尊重慶雞煲 (創興廣場)

营业中

休息中

朋友約我過嚟旺角食飯 收工一嚟到 一開始都唔多人 點知越食越多人 去到8點幾左右已經全場爆滿 加上有奧運睇嘅關係 大家一邊睇奧運 飲啤酒 食雞煲 成個場嘅氣氛都幾開心。🥢～～～坐低之後 店員先為我哋送上雞煲 食完之後就可以自行加湯打邊爐 火鍋料就可以用QR code自助落單 出面仲有自助區 有小食、雪糕同飲品可以自取🥢～～～眼闊肚又闊嘅我哋 一叫就叫左一堆嘢食 例如有青口 炸魚皮 墨魚仔 水魷 花膠 粟米 炸支竹 豬紅 鮮鵝腸 黃金魚籽球 蒜汁花枝丸 爽豬皮 響鈴 紅薯粉 午餐肉 炸魚皮 青瓜雲耳等等等等 因為太多真係不能盡錄 今日就揀幾樣我最鍾意嘅同大家介紹下😆～～～首先要講我心目中嘅top one第一位 咁就梗係佢啲雞啦 呢間老牌雞煲店 雞煲果然係做得幾惹味 佢哋有唔同嘅價錢 可以自己揀任食雞煲or not 係幾正 一啖雞煲一啖荔枝烏龍 感覺非常爽皮😚～～～另外就鍾意佢哋嘅青瓜雲兒 唔係好辣 但係又好爽脆 比我係屋企自己整嘅好食得多 一個人食咗差唔多兩三兜🤣～～～火鍋料方面 豬紅幾滑溜 墨魚仔鮮美 粟米好香甜 通菜亦都好食 色澤翠綠 清新爽口 而且因為通菜嘅構造關係 菜嘅中央管道

聽日先有消費券，今日黎食午市任食雞煲火鍋，簡直係糧尾之選！😄😄平日98/位，星期五六日和假期108/位，冇加一，超抵食啊！不過食90分鐘好趕~今日兩點左右到達，全日食一餐等於三餐，岩曬168飲食法的朋友~哈哈~😂雞煲好快上，二人份量鷄件都唔少~目測大約十件以上~90分鐘咁趕，緊係要把握時間用QR Code叫定火鍋食材啦~推介：炸魚皮（大塊，夠脆）芋頭條（好粉）雞煲（都幾入味）鵝腸（唔會太韌，不過熟咗非常縮水）牛百葉（爽脆入味）麻麻地：肥牛（部分ok，但有幾碟薄過紙）羊肉（太碎，薄到透光）衛生和服務：收碟速度一般，層層疊都係正常，但可唔可以唔好血淋淋的豬潤上面直接疊住其他嘢？！成個白色碗下面滿佈血跡點有胃口啊……廁所尚算乾淨，未至於不能去~

是日雞煲日。-一收工媽咪就話今日好想食雞煲，好想好想，因為下晝睇咗套劇，裡面嘅主人翁食個雞煲好似好正。作為二十四孝女，即刻打電話book位，好彩比我book到6:00，媽咪即刻興高采烈換好晒衫喺屋企等我收工。-🐣一兜雞煲加任食火鍋（每位價錢$168）：雞煲內嘅雞肉非常嫩滑，我地叫嘅BB辣，帶辣香而不嗆，不過同大部份嘅雞煲一樣，表面有一層辣油，食落去會比較油膩，建議加湯邊爐之前先自行撇一撇油，會令打邊爐嘅感覺清新得多。-火鍋料種類唔算好多，質素係呢個價錢黎講算Fair，不過由於個湯底好惹味，有種令人越食越上癮嘅感覺。🥢-心水之選有珍珠筍、生菜、大豆芽、白蘿蔔、通菜等等，清新嘅蔬菜可以令到成個雞煲嘅湯底變得更為清甜，同時辣汁嘅惹味又可以令到本身太過清淡嘅蔬菜變得更為引人入勝，係一個非常合拍嘅組合。🥬-除此之外，索汁Q彈嘅紅薯粉，軟糯韓國年糕、粉綿嘅芋頭片，低卡嘅魔芋絲，都係我一再encore之選。🥢-另外，鍾意辣味🌶️嘅朋友仔們，可能會同我一樣都鍾意佢嘅泡椒雞腳，少少甜，少少辣，再加少少鹹，一個人食5隻以上絕對冇難度，我鍾意佢嘅程度唔輸雞煲裏面啲雞ga😊。In overall 媽咪都表示滿意

今日嚟咗旺角創興廣場呢間至尊重慶雞煲度食雞煲打邊爐🤤🤤🤤______________________________座位非常寬敞舒適.,,,而且好乾淨嘢食來得好快,,,,,點幾多嚟幾多，亦都幾新鮮雞煲好入味,,,好好食打邊爐嘅材料都好新鮮，同埋好多款式連雞子都有❤️❤️❤️❤️青口勁好食！我哋兩個人差唔多食咗30幾隻😂肥牛亦都唔錯，好重牛味而且飲品種類亦都幾多👍🏻👍🏻👍🏻

前幾日約咗個好耐冇見嘅朋友一齊食dinner，難得一見梗係想傾耐啲，於是就去咗呢間旺角創興中心嘅至尊重慶雞煲。我哋大概六點左右去到，未算好多人，所以都好好彩坐到靠窗嘅卡位。雖然得兩個人，但張枱都好大張，塊玻璃窗又超大，一路望住街景一路食真係好舒服。本身因為朋友怕辣所以雞煲我哋揀咗半隻中辣。結果食落覺得啲汁嘅甜味同辣味平衡的好好，連唔太食得辣嘅friend都食得好開心。而啲雞肉都畀得唔少，我哋兩個人清完啲雞已經成隻碟都係雞骨，真係超滿足。餐廳嘅指引係食完雞放花膠、水魷魚、牛柏葉，最後再落湯。水魷魚同牛柏葉都好快熟而且非常入味，真係冇教錯！任食嘅火鍋配料都有好多，有菜，響鈴啊豬牛羊呢啲當然唔少得。不過其實食完雞同埋啲牛柏葉嗰啲我哋都有啲飽，火鍋配料都唔係食咗好多。最後再加埋個紅薯粉同公仔麵，同個湯底好夾。飲品都係任飲嘅，飲返杯茶解解膩先。仲有雪糕，不過太飽啦冇食到。

禮拜五放工後同好姊妹來食雞煲。至尊的雞煲簡直食過翻尋味，食上癮！最開心就係有任飲汽水、任食雪糕！120分鐘真係唔夠時間。肥牛、丸、腸仔、午餐肉、炸魚片、樣樣都好好味😊😋😋！如果可以食食三四個鐘就好啦😆😆😆！D火鍋料加落D雞煲雞湯後就變得特別好味😋. Happy Friday! My friend and I came here for chicken hotpot dinner. What a meal! We ordered the works to go with our hotpot. I love their wide selection of fizzy drinks and ice cream! 120 mins is not enough!

今日同朋友去咗旺角食雞煲🐔，我哋去嘅餐廳內用座位好多，係星期五晏晝去，餐廳唔多人，一人$108。去到餐廳，店員會提醒一入座就開始計時⌛️，食用時間只有1小時30分鐘，大家最好等齊人先人去🙊。-我哋總共4️⃣人，雞煲會有壹隻雞。由於也米😍食唔到好辣，雞煲揀咗BB辣🌶，醬汁都幾惹味，都有唔少配料，例如: 洋蔥🧅、芫茜。食完雞，可以自行加湯變打邊爐🍲，scan QR code落單。每一份嘅菜都唔會好大份，可以每樣叫少少試吓😆。同時飲品🥤、雪糕雪條🍦同醬料都可以係自助Bar搵到。火鍋配料入邊，咩價錢食翻咩質素🤭，不過不失，其中覺得肥牛幾唔錯。雖然叫肥牛，但唔會真係好肥，而且切得好薄，所以好快熟同易咬開。整體嚟講，無期望無失望🤷🏻‍♀️。

唔知點解雞煲真係食極都唔會厭架 好想食勻全港既雞煲丫!!!今日先黎旺角既至尊重慶雞煲試先~~呢道地方好大丫, 超多枱, 好闊落坐得好舒服$168雞煲放題任飲任食大邊爐2個鍾都算好抵!!而家出黎食都好少有呢個價咯~~自助QR code落單好方便呢~~有好多火鍋配料選擇....肉類, 海鮮, 丸, 蔬菜, 全部都有仲可以揀份量多少添~~自助區仲有小食提供~~醬料亦可自己調配飲品方面又係極多款~~最正係啤酒都任飲丫!!甜品就有雪糕, 雪條同雪米糍~~超吸食既雞煲黎喇~~熱辣辣香噴噴....炒一陣就食得喇!!雞煲醬味道濃郁惹味....雞肉吸收晒雞煲醬, 超正丫!!雞肉新鮮嫩滑!!多款火鍋配料~~落完ORDER就好快送到呢道居然有花膠食真係食多幾件都回本丫!!!

真係超級耐冇食雞煲😂😂旺角有幾間雞煲都好出名，今次食呢間至尊重慶雞煲！早啲去唔排，一去到排點啲人多到傻😳🔥 兩小時任飲任食雞煲 $168👌🏼一嚟到會上咗雞煲先，之後食到差唔多可以自己加湯變打邊爐！雞煲揀咗小辣😊開頭都唔覺辣，係打邊爐之後啲辣係愈煮愈出😇但就咁食又唔覺辣喎～佢個雞煲醬真係整得幾好味，諗住任食嘅質素可能都係咁😳點知食落去食真好味😂驚豔咗我！👌🏼之後用手機掃qr code去落單，都幾多選擇！要揀丸類，肥牛！呢啲唔使講~野飲種類都多嘅，不過調味醬個到如果再多啲選擇會開心啲🤣👌🏼出面仲有埋雪糕同糯米糍😳真係包你食到捧住個肚走呀～

我今日朋友話想食雞煲打邊爐，決定去呢間創興16樓嘅雞煲專門店🙈🍲一入座就會揀雞煲辣度，我地今次揀咗少辣等多一陣就即刻上鍋，速度夠快😂😂雞煲份量都好多，啲雞都夠滑同埋入味😙不過食耐咗我就覺得個湯底有啲咸得濟😅餐紙有寫先食雞，後加魷魚、牛栢葉，再加湯打邊爐😋🍲打邊爐方面就有好多配料揀，不過就係要經網上落單打邊爐必食魷魚、牛栢葉幾新鮮，同埋切得有厚度牛肉肥瘦適中✊🏻係依個價位確實ok炸魚皮👍🏻好少火鍋放題會食到好脆嘅魚皮🤫丸類：蟹籽，芝士丸都好好食🧃🍦全場任飲任食，雪糕種類都好多我最鐘意食雀巢個紅豆味雪糕🍦🍧味道：👍🏻👍🏻👍🏻👍🏻服務：👍🏻👍🏻👍🏻👍🏻價錢：👍🏻👍🏻👍🏻👍🏻環境：👍🏻👍🏻👍🏻👍🏻地理位置：👍🏻👍🏻👍🏻👍🏻👍🏻回頭機會：👍🏻👍🏻👍🏻👍🏻👍🏻#人總有一飽今餐我最飽！😋📍至尊重慶雞煲 (創興廣場) (旺角)旺角彌敦道593-601號創興廣場16樓

至尊重慶雞煲實至名歸，非常好吃，雞有雞味，肥牛十分之美味，坐的位置十分之寬鬆闊落，令我有一個愉快的心情，令我整天的心情也很興奮！員工十分之帥氣，和店員聊了一會天，發現姓張的那一位員工態度友善，談吐舉止正確

我係已經好耐好耐冇食過雞煲啦今日收工就同個同事諗住去旺角創興睇吓食咩好，見咁耐冇食過就試吓啦！我哋大概6:30鐘就入座見到已經坐滿左八成人果然係受歡迎啊！所以我哋唔使等位就入到去真係算好彩因為我食完已經見到大排長龍勁開心有窗邊嘅卡位坐入到去感覺係好乾淨企理嘅而且座位之間都算寬敞由於疫情關係餐廳都做足準備有版格住亦都需要客人填安心出行仲有量體溫呢度係大概$168一位任飲任食嘅如果你做咗會員仲可以免費送雞一次而家飲嘅選擇非常之多啊令到我花多眼亂不得不讚呢度啤酒係任飲㗎除咗雞煲同打邊爐以外門口位置都有一啲小食係比客人去食用嘅今日就有呢一個麻辣青瓜同埋泡椒雞腳等等除此以外都有一大個雪糕櫃比客人來個飯後甜品我同朋友唔算話食得好辣所以就叫咗一個小辣嘅雞煲一上碟已經香氣四溢每一件雞都充滿着又香又麻油辣嘅感覺！正！如果芫荽可以再多啲嘅話就好啦🤣而呢度嘅落單方式係選用左QR code而食物嘅選擇亦都唔算少嘅基本有嘅都食到我哋梗係唔會放過食肥牛啦雖然係任食但係睇落去個質素都唔算差！其他嘅食材亦都相當之唔錯另外不得不讚呢一度嘅脆魚腩好正！好爽口令我食完又再食過整體來講呢一度嘅食物質素同埋味道都符合個預期！仲

前陣子約了爸爸在旺角食晚飯，他說放工後很肚餓，便和他吃任食雞煲🤤這間餐廳佔了大廈的一整層，空間寬敞，座位坐得很舒適👍🏻除了一些熟食、飲料、醬料和甜品是需要離開座位自取，其他雞煲食材都是用apps點的，非常方便👍🏻食材種類選擇多，而且沒有出現漏單情況，爸爸食得非常滿意😋-🔹任食雞煲 $158+1/人以$158+1的價錢在旺區的晚上食雞煲真是很難找到及抵食🤤雞煲汁濃稠惹味，選了中辣已令人欲罷不能！即使流汗都會不斷食😂我們點了多款食材，每款都很新鮮👍🏻要數一個令我推薦會是鵝腸，因為店家洗得很乾淨，食落爽脆及安心😋另外肥牛質素不錯，薄薄一片，淥一淥就食得😚

{$158任食雞煲👍🏻}#kong_girl_foodie出街食#至尊重慶雞煲.上一次黎已經一年前，今次入到黎好有驚喜，因為佢裝修咗，而家變到八成都有卡位！整體環境大左，舒服咗✨同埋變咗QR code上單👍🏻.❣️半隻雞中辣我同男朋友都好鍾意食雞煲，今次叫咗中辣，平時食開小辣的我表示緊張！啲雞好肥，好滑，好有鑊氣，好香，比我想像中好食好多，不過佢嘅中辣對我黎講真係辣咗少少，食咗幾舊個胃已經好熱，但係男朋友就食得津津有味🤣🤣.❣️肥牛比我想像中好食，高質咗，一大片，唔會散曬咁👍🏻絕對記得起出面$200的任食火鍋.❣️蔬菜，菇，丸等等都非常新鮮，尤其係生菜，金菇！.❣️牛柏葉，花膠，質素都唔差，牛柏葉雖然細啲，但係非常順口，花膠都係正常味道！.❣️飲品佢都非常豐富，除咗常見嘅汽水之外，其他罐裝飲品都有，仲有任飲啤酒添✨.📝總結因為時間關係我哋5:00就到餐廳，仲要平日，所以餐廳冇咩人🤣好靜好舒服❤️如果大家都鍾意安安靜靜咁食，唔使逼早一個鐘去已經好好多！無論環境，服務，食物質素等等都比一年前好好多👍🏻.❣️食完俾分時間❣️🌟食物: 8/10🌟環境: 8/10🌟服務: 8/10🌟打卡:

週末跟好友聚一聚，大家圍埋一齊食雞煲。打邊爐料款式多，雞煲味道夠濃，飲料，雪糕選擇多。最大驚喜係有新鮮韭菜豬肉餃。任食兩個小時實在不夠而且有點趕。如果可以食兩個半小時就最好。服務都算快而且好少漏單。This restaurant serves spicy chicken hotpot that never disappoint and the buffet comes with a wide selection of hotpot dishes, appetizers, drinks, and ice cream. It would be better if the buffet time limit could be extended to 2.5 hours.