影片
食家推介
至尊重庆鸡煲真系细细个就听过呢个名，价钱好似冇变过咁滞，$158 只系一字头就可以任饮，任食廿几款野食，仲可以食两个钟仲有啲乜嘢可以要求？一入到去店员就带我哋坐低，未开始食鸡煲之前就梗系要行一个圈睇吓有啲乜嘢可以攞啦～门口位置就有好几样小食可以食：有鱼蛋啦茶叶蛋猪血凉拌青瓜等等 之后隔离就系调味料区，佢嘅酱料选择比我想像中多好多有沙嗲酱秘制鸡鸡酱，浓味人最爱！！ 之后返返黎，店员就问我哋鸡煲要咩辣度，因为我哋唔系太食得落所以我哋就拣咗BB辣～～过咗一阵鸡煲就上黎啦～哗真系好香，好浓味之人最爱！鸡件好有肉唔会好多碎骨 食晒啲鸡之后， 跟住就落汤开始任食喇～～ 肉类有肥牛鸡猪等等海鲜就有青口，脆鲩鱼、虾 、水鱿八爪鱼仔花胶等等 当中大推青口！食多几转就轻易回本呀丸类都有好多选择，我哋主力食蟹子丸啰同埋芝士丸！另外佢仲有年糕！年糕超索味，哗意外地好想狂encore!菇蔬菜冰豆腐粟米系每次打边必备蔬菜～～～ 最后饮品选择都好多，除咗各类汽水仲有多款啤酒，真系好啱男士去食另外仲有每人可以攞一杯雪糕架～
继续阅读
位于鹅颈桥附近楼上餐厅嘅鸡煲，好多人食，除咗个鸡煲其他都系任食，好抵。不过啲食物质素就麻麻地，果然平野无好野，除左啲肉感觉唔新鲜，放左好耐咁，同啲猪红又有少少臭，其他都系一般，期望唔好太高。野饮都算几多款式，都系任饮。
继续阅读
铜锣湾多数嘅食物都比较偏贵，想饱肚、好食、价钱又抵嘅话，今次比我发现到一间，就系喺铜锣湾时代广场对面嘅依间至尊重庆鸡煲，印象中以前都食过一次，今次再试下，估唔到都有意外嘅惊喜，真系超级抵食又好食，性价比劲高🤩👍🏻依度嘅地理位置都几方便，行完时代广场，过对面鹅颈桥就到，加上呢度嘅职员服务态度都唔错😚最重要嘅系嘢食好抵食，一个价钱就有齐晒嘢饮、熟食、火锅配料、甜品雪糕，全部都系任食㗎！首先一嚟到嘅系鸡煲份量真系超多，两个人食，就咁食鸡煲已经好饱，而且鸡煲肉质鲜嫩，仲落咗大阪酱等等嘅调味料，味道丰富😛我最推介嘅系依度嘅雪花肥牛👅依度嘅牛肉味道好浓郁，好有牛味，而且肉质好鲜嫩，咁嘅价钱食到咁高质嘅食物，真系几抵㗎😋另外依度嘅海鲜都好正！特别系鱿鱼🦑鱿鱼超级弹牙，我连续叫咗三碟😆
继续阅读
夏天来了，除了需要冰凉饮品，仲要浓味辣嘢刺激胃口。今日去咗至尊重庆鸡煲 ，两个人有半只鸡，鸡煲用上正宗重庆秘方炮制，麻辣酱汁均匀地沾满每一件鸡，相当惹味。食完唔够仲可以加钱再食。食完鸡煲可以加汤打边炉，火锅配料好多款，分肉类、海鲜类、丸类、蔬菜等等。肥牛叫咗几次质素都okay，吸埋个汤底味正。水鱿好弹牙；墨鱼细细只都新鲜；鱼腐同炸枝竹都好味；芝士丸都有拉丝效果；鹅肠渌一渌就食得；任叫之余，加单速度都好快，仲唔会漏单。饮品都系任饮，汽水、啤酒等等。最特别系甜品，因为有麻辣味雪糕，麻辣味系慢慢渗出来，不过又唔会太辣，而且同雪糕好夹，真系完全估唔到！环境都算宽敞，以平日一个人$158任食两小时来讲，真系抵食。
继续阅读
由中学毕业到出黎社会做野，食过既鸡煲唔少，贵过到好多既都食过唔少，但最啱我口味既都系依间🦦已经一段时间无黎过，原来依家会有咁多醒胃菜供应😂甚至连依啲街头小食都有！果然系啱返餐厅走平民路线呀。味道虽算不上系出色，但都不过不失，胜在有得拣又一个价钱包晒，仲想点🤤遁例都要自己去调返碗超级浓味既酱🙈鸡煲终于上啦！ ！咁多年黎既味道都无点样变过，一样劲惹味，鸡肉又入晒味，洋葱更系煮得好淋，应该真系要煲佢至少几个钟先可以去到依个程度。叫野食点少得叫肥牛呢！我地两个人都叫左5碟慢慢食🤣 已经抵返晒！最后饮品方面既选择都好多，最重要有低糖coca cola嘛✨
继续阅读