至尊重慶雞煲 (創興廣場)

营业中

休息中

友人話好耐無食過鷄煲，放工後就同佢上黎呢度。三款套餐都唔過每位三百，全日免收加一，咁就叫C餐，最多款式。多個凍櫃有齊特色罐裝飲品，連啤酒都有。入坐後即刻去拎罐凍飲爽爽先。根據佢教你嘅食鷄三部曲，首先食咗個至尊重慶雞煲，開細火滾返熱就食得，一路滾起，個鷄煲香味就開始散出黎。鷄件相當入味，個鷄煲醬汁夠晒惹味，辣度自選小辣，有大量香甜洋蔥及芹菜，就咁配個白飯都已經可以當一餐。跟住趁有呢個惹味鷄煲醬汁，就叫咗一系列掛汁尤物，有牛栢葉，水魷，豬皮，鵝腸，炸支竹及鴨血等。與醬汁一齊煮，好似食緊街邊小食檔D一串串咁，好食又過癮。食完就可以最後一部曲，掃二維碼落火鍋配料單。自製肉類拼盤，有澳洲牛肩肉眼，特上牛小排，羊肉片及黑豚梅花片。加湯就可以開始打邊爐，先烚片澳洲牛肩肉眼，肉味幾重，肉質幾嫩，烚幾秒就食得。之後就到特上牛小排，脂肪位多D，多一份油香及滑溜。又自製咗個海鮮拼盤，包括有蝦，沙白，魷魚仔，脆骨腩，青口及廣島蠔。歡喜隻蝦幾彈牙及有蝦味。丸類當然係火鍋中不能缺少，叫咗蒜味花枝丸及爆汁牛丸，仲有芝心丸。蔬菜已放好一碗碗於凍櫃，可出去自取。記住留肚食甜品，有啫喱，奶凍，桂花糕等仲有多款特色口味嘅雪

【油尖旺區】【至尊重慶雞煲】識咗班新嘅朋友，不過可能之後都要各散東西，於是大家都出嚟食個飯聯誼吓。佢哋揀咗創興呢間「至尊重慶雞煲」，我都感慨萬千。沙田店我曾經五日食三次，當年真係好好食。不過而家 $208 一位嘅價錢，平日晚市嚟講又唔過份，都冇得要求咁多㗎喇。我哋叫咗兩款雞煲，一款係「至尊重慶雞煲」，傳統款，味道大不如前，但基本嘢都喺度嘅，係咪回味無窮就個人口味喇，食到尾仲有啲鹹。另一款係「芝士雞煲」，寫就話佢口感濃郁，我食落就得嗰 pat 芝士有少少芝士味，其他位就冇，總括而言就一般啦。火鍋料任食係包括澳洲牛肩胛肉眼、雪花肥牛、黑毛豬梅花、頂級小肥羊肉、紐西蘭青口等等，不過都係志在傾偈，唔算好重視食物質素。而且自助吧仲有甜品、小食我都冇攞，以 foodie 嚟講真係唔稱職。埋單 $2704，不過我哋 15 人，人均 $180.3，唔貴。。。（地址：旺角彌敦道601號創興廣場16樓）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #fo

最近去咗位於創興嘅至尊重慶雞煲！呢度主打2.5小時雞煲火鍋放題，仲有生啤放題，好抵食！🍻🔥🅵🅾🅾🅳重慶雞煲 🍗呢個重慶雞煲有唔同辣度可以選擇，辣味十足，雞肉煮得嫩滑入味，搭配各種配料，令人食到停唔到口！如果唔啱食辣，仲可以揀椰子雞或者芝士雞煲，選擇多樣！🌶️🥥火鍋放題 🍲食完雞煲之後可以加湯打邊爐，有多款食物選擇，無論你係海鮮控定肉食者都可以滿足你！例如：海生蝦、鮮甜沙白、特上牛小排、澳洲牛肩胛肉眼、廣島蠔等等，真係令人目不暇接😍生啤放題 🍺唔好忘記生啤放題！搭配火鍋，真係一流，無論係開胃定解膩，啤酒都係最佳拍檔！🥳

今日嚟到旺角食雞煲，2.5小時任飲任食，座位舒適，有窗口卡位，空間感十足，有提供大量卡位。6款湯底選擇，有辣有唔辣。至尊重慶雞煲/ 美人花膠雞煲/ 拉絲芝士雞煲/ 胡椒豬肚雞煲/ 香濃米酒雞煲/ 芫荽卜卜雞煲今次㨂咗美人花膠雞煲，湯底濃郁，花膠厚實彈牙，夠晒滋補養生。海鮮類：廣島蠔和帆立貝飽滿無腥味，沙白乾淨無沙。肉類：個人好欣賞特上牛小排和澳洲肩胛肉眼，油花分布均勻；黑豚腩片香濃軟嫩。火鍋配料：流沙鮮蝦丸和貓爪蝦丸好好食，貓爪蝦丸造型可愛，流沙鮮蝦丸咬開，入面嘅流沙咸蛋黃酥香濃郁，有驚喜。

清甜椰子雞鍋～這個鍋真的超正，鍋底十分清甜，令食物都變得更可口，雞件更是鮮雞肉，鮮味嫩滑，如果加30元，更可吃到招牌的至尊重慶雞煲，性價比很高～海鮮方便，種類選擇也十分多，有海生蝦、帆立貝、脆肉骨腩、廣島蠔及沙白等，當中的海生蝦更是超新鮮，鮮甜彈牙～勁長蟹柳也十分吸睛，啖啖肉，很滿足～飲品的也有數個雪櫃選擇，款式多，無糖茶類，汽水及啤酒等也有～甜品的也有甜品櫃及雪糕雪條櫃，甜品櫃的甜品味道也不錯～

今晚去咗旺角至尊重慶雞煲，揀咗C餐($278)！🥳 體驗咗佢哋獨特嘅「先雞煲後火鍋」任食，2.5個鐘任食任飲，時間超充裕！😍首先係椰子雞煲，雞件份量十足，雞肉嫩滑，椰子湯底清甜，好好味！😋 之後再打邊爐，肉類片片薄嫩，入口即化！🤤 海鮮都好新鮮，必點彈牙鮮甜嘅海蝦🦐！仲有鵝腸、水魷魚等等，選擇多多！必試佢哋個爆漿牛丸，真係爆汁又好味！👍飲品方面，啤酒🍻同汽水任飲，選擇豐富！甜品區嘅雪糕🍦同雪條都任食，尤其推介啫喱糖同港式奶茶味雪糕，好有特色！😋呢間至尊重慶雞煲，二百幾蚊就可以任食任飲2.5個鐘，性價比超高！CP值爆燈！💯 強烈推薦！🎇至尊重慶雞煲 🎈旺角彌敦道601號創興廣場16樓

唔講笑！今次真係要為「至尊重慶雞煲」瘋狂打call！🤤 平時食雞煲已經夠正，呢度竟然玩埋「芝士雞煲」仲要任食火鍋+甜品+飲品，性價比高到嚇親人，食肉獸同芝士迷絕對要Mark實！ 芝士雞煲邪惡度爆燈一上枱就聞到濃到癡線嘅芝士香🧀！鍋底鋪滿拉絲Mozzarella，啲雞件啖啖肉又嫩滑，掛住熱辣辣芝士真係一啖升仙～ 記得撈埋個芝士汁撈飯，邪惡到想即刻encore多轉！ 🥩火鍋配料任夾唔嬲食完雞煲即轉火鍋Mode！牛肉控必搶肥牛卷，油脂香夠哂回本～ 丸類有成廿款，爆汁牛筋丸、龍蝦沙拉丸必點！蔬菜櫃仲有成堆菇類、娃娃菜、粟米畀你平衡返罪惡感（笑）～ 🍧甜品+飲品任隊唔嬲最癲係連甜品都任食！雀巢杯雪糕童年回憶返哂嚟🍦，仲有啫喱、糖水畀你解膩～ 飲品櫃仲有驚喜，忌廉溝鮮奶自己DIY，汽水仲有無糖可樂揀，抵讚！ 地址：旺角彌敦道601號創興廣場16樓 （油痲地站A2出口行3分鐘） **#旺角放題之霸 #芝士拉絲瀑布 #甜品任食仲想點 #食到捧住個肚走** 後記：今次真係食到唔捨得走，$300唔洗任飲任食仲要質素唔差，香港真係買少見少～ 芝士控快啲約班friend去掃場，記得留肚食雪糕啊

至尊重慶雞煲一向性價比高，適合多人聚會。當晚都幾乎滿座，而且有多枱都係四人以上，好熱鬧！場內好多食物都係經電話QR code落單除了火鍋蔬菜配料、飲品🥤、甜品🍮。2.5小時任食，時間好充裕。［先嘆雞煲，後食火鍋🍲］椰子雞煲：雞嘅份量非常足，而且由侍應喺你面前將鮮雞件放落鍋，儀式感好足！鮮雞肉已經切件；特別係雞髀同雞翼位雞肉超嫩滑。椰子湯底好清甜。火鍋後加湯底都係加返椰子水🥥。多款肉類火鍋配料：所有肉類都切成薄片，肉質都好嫩滑，食落唔會覺得鞋口。海鮮🥢/丸類配料多款海鮮配料，包括海蝦、魷魚鬚🦑、沙白、雞子等等。最鍾意食蝦，好彈牙。丸類都有幾款✌🏻

最近打邊爐打得多😂雞煲真係好耐冇食過😂今晚等埋未婚夫放工去食「至尊重慶雞煲」套餐分咗三個套餐價錢由178到238🤗全部跟餐自助點餐任飲任食👍仲要免加一真心幾抵食🙌湯底選擇除咗招牌重慶雞煲🐣額外有5款鍋底選擇🙌重慶雞煲小辣炒到非常香濃😬半隻雞好入味肉質嫩滑🫢連伴菜楊蔥都好好味🤤我地點既238餐配料主要有海生蝦🦐鮮甜沙白、特上牛小排🐮澳洲牛肩胛肉限及雪花肥牛 🐮廣島蠔🦪黑毛豬梅花🐷頂級小肥羊肉、鮮雞子、日本帆立貝及紐西蘭青口🙌另仲有多款配料食物😬自助區提供炸魚皮、響鈴、辣雞腳、手拍青瓜🥒木耳等等🥰全部都好入味又好食喎🙌飲品方面除左基本紙包罐裝飲品.啤酒🍻最正係1664同Sapporo生啤都任飲🫢當然唔少得甜品😬除左有蛋糕🍰 多款懷舊雪條、時興雪米池、豆腐花任君選擇🥰

呢間雞煲其實都已經有好多年老字號，我都好耐無嚟過，今次約埋成班朋友嚟食仲係咁抵食，佢哋嘅雞煲係好出名，今次叫咗個椰子雞，成煲都係椰子汁，加埋一隻雞煲嘅湯勁鮮甜，椰子汁仲可以無限加，我狂飲個湯囉真係勁鮮甜。火鍋配料款式勁多，淨係肉類都已經太多選擇，仲有雞子，牛肚，牛柏葉，遠記得要試埋佢哋個爆漿牛丸，真係好好味，啤酒汽水任飲，甜品雪糕雪條任食，其實已百零蚊嘅價錢任飲任食2個半鐘，淨係隻雞都夠回本。呢間真係值得推介。

我最近去咗「至尊重慶雞煲」，試咗佢哋嘅重慶雞煲，真係一個唔錯嘅選擇！我哋揀咗BB辣，辣味適中，但對於唔太食辣嘅朋友來講，可能會覺得有啲辣。雞煲嘅味道香濃入味，肉質滑嫩，確實值得一讚。而且，雞煲可以任食，我哋總共叫咗三次，真係食到滿足。除此之外，仲有其他打邊爐嘅配料，例如蟹柳、牛肉、午餐肉等，搭配雞煲食法非常不錯，令餐點更加多樣化。餐廳提供啤酒無限量暢飲，對於聚會來講真係一大亮點，而啫喱雪糕嘅自助選擇，令甜品更加豐富。不過，出菜就有啲慢，等候時間令我哋有少少失去耐性。建議可以優化下上菜速度，特別是高峰時間。總體來講，「至尊重慶雞煲」提供咗一個充滿享受嘅用餐體驗，仲有任食嘅優惠，值得一試！希望下次再來訪時，可以更加順暢。

今次同朋友去試咗呢間「至尊重慶雞煲」🍲，老實講，$248一位嘅星期五晚市放題，喺而家香港真係算平到笑🤣！不過食完之後，真心覺得「平嘢真係無好嘢」呢句話有啲道理😅 🍗食物方面雞肉算係全場最好嘅部分🐔，肉質都算嫩滑，個重慶麻辣湯底🌶️都叫有啲麻有啲辣，算係合格。不過其他配料就真係麻麻哋，選擇係多嘅，但新鮮度就...😏 自助區嘅甜品同飲品🥤都叫可以接受，至少汽水任飲唔會俾你渴親咁啦～ 💁服務體驗呢part真係要扣分扣到爆💢！D侍應個個都好似好忙咁，但其實係忙緊唔知做咩🤷‍♂️ 叫極都唔應，態度又麻麻哋，完全冇笑容😑 星期五人多嘅時候仲混亂🐛 睇得出員工培訓真係好不足，成間店好似冇人管咁 💰性價比總結講到尾，$248 2.5小時任食喺而家香港真係冇得嫌🙈 當係「買個位坐低吹水」嘅價錢都值嘅！不過如果你係追求食物質素或者服務體驗，咁就真係要諗清楚啦～ 適合budget有限、求其食飽就算嘅聚餐，但對食有要求嘅朋友就可能會失望囉！ 想平平哋同friend吹下水就可以考慮～ 記得預咗服務差，咁就唔會咁失望！🤪

好耐無飲過雞煲啦！以前食宵夜都會去旺角食雞煲，當然係去「元祖雞煲至尊重慶雞煲」一個價錢就任飲任食2.5小時雞煲火鍋，甜品、生啤、汽水全包！有6款雞煲口味選擇，有辣有唔辣，仲有卜卜蜆煲！嚟到當然要回味下以前嘅味道，我哋就揀招牌至尊重慶雞煲，熱辣辣上枱再煮一煮，香氣撲鼻，一煲大概半隻雞嘅份量，食落十分惹味，唔夠仲可以再添加！食完雞煲之後，自己加入清湯就可以開始打邊爐！打邊爐嘅配料可以係QR CODE 下單，我哋食C餐，有海生蝦、鮮甜沙白、特上牛小排、澳洲牛層胛肉眼、廣島蠔、鮮雞子等，好多選擇！最後仲有多款甜品同埋本地品牌雪糕、豆腐花！飲品任飲都好多選擇，啤酒、汽水、紙包飲品等！而且全日免收加一及服務費，性價比超高，2.5小時好夠食，學生出示學生證可減$10‼️

一講起雞煲 我一定會諗起 喺創興廣場呢間至尊重慶雞煲 因為佢係我食過之中最抵食最好味嘅雞煲 平時唔鍾意食辣嘅我 都會點一個微辣 令到個雞煲更加美味 佢嘅雞肉係好鮮嫩 又滑 真係好得架除咗雞煲之外 佢仲有好多其他嘅配菜 例如佢嘅肥牛都唔錯㗎 另外仲有好多唔同嘅丸啦 菜啦 同埋佢嘅蟹柳 有足足成隻手板咁長 仲有蝦， 響鈴， 水餃 青口 都係我飛佛除咗呢啲 火鍋用嘅配料 仲有佢有好多款唔同嘅飲品 最值得一提既係 Asai 生啤生啤加雞煲， 絕配臨走前記得食佢一個雪糕 有唔同嘅口味 仲有甜品味道亦都相當唔錯 每次嚟到都有好多人喺度食 晏少少嘅話就已經要排曬隊啦 所以呢間絕對係一間 值得去食嘅 好味嘅雞煲

今晚約咗朋友去食雞煲，因為大家都好耐冇去過至尊重慶雞煲，決定去懷舊一下上去食。上到去都唔使點樣等位就好快有枱入去，入到去第一時間就係揀雞煲咁我哋三個就揀咗個BB辣，同埋揀咗個B餐有海鮮嘅。咁等咗大概10分鐘就好快有一大煲雞煲雞煲就已經煮咗九成㗎啦咁擺上枱就淨係返熱。啱啱食嗰幾啖覺得個雞煲好食，但愈食就愈鹹好重口味要瘋狂飲水。咁後來食到一半啦咁我哋就加水打邊爐，之後再落單嗌配料，嚟到啲配料真係好均真，一份錢一份貨，叫咗一碟牛丸竟然嚟咗三粒。嚟咗一碟肥牛就嚟咗三片肥牛。所以我哋都淨係叫咗一轉，因為都太飽啦食埋甜品跟住就啱啱好兩個半鐘就埋單。如果純粹淨係口痕好想食雞煲上嚟呢度都啱，但真係一份錢一份貨，唔好抱太大期望。