至尊雲吞麵 (已結業)

這間雞煲最近搬到了新址，舖面大了很多，坐得比較舒適。照舊先來一個BB辣的惹味雞煲，用著Gas爐熱烘著已炒好的雞件，香氣四溢。這裡可以叫上不同的茶餐廳飲品，凍檸茶、奶茶、菜蜜、豆漿、檸賓、自製菊花茶也是無限添飲，不用擔心有口渴的機會！吃光了鍋內的雞件，我們這班餓鬼當然唔夠喉，再追加雞煲的雞件。這個是我非常欣賞的地方，因為這裡可以任加廚師即炒的惹味雞件。吃夠雞後，便可以再挑選火鍋配菜，吃吃火鍋。值得一提的是，這裡的即炸饅頭好好吃，配上煉奶，令人垂涎三尺。

之前經過見好多人食，不過佢又唔係大排檔，但要坐街邊我又唔係咁想，依家搬左新舖位地方大而且光猛，一家四口擦餐雞煲先，只有我食辣，但雞煲唔辣又唔惹野，於是點了BB辣，雞夠入味而且好香，不過少汁，中途要熄爐怕佢燶，再黎多轉走辣雞至開始加湯打邊爐，但越滾越辣，奉勸食唔到辣嘅朋友唔好亂黎，配料都係一般火鍋食材，無乜特別⋯⋯不過飲品可以飲自家製羅漢果杞子菊花茶，有凍有熱降降火確實唔錯。美中不足落單好混亂，成日漏單囉。

味道唔錯仲可以任添雞，但等位真係非常非常非常之慢，兩個人就算早到，個staff都係比d遲黎但多人既入去先，所以等位都等到幾燥。等得太耐，好肚餓，入到去坐低就即刻入單落雞煲。鍋底就有7種選擇，我就揀左至尊惹味雞煲。有特大中小辣選擇，我就揀左大辣。不過其實都唔係話好辣，不過幾香，鐘意食辣既可以試下。食完雞煲就加湯打邊爐，配料就普普通通，雞好味啲。成晚出野食速度幾好，只係等入座情況有少許不滿。

個牛腩河唔係好熱，D牛腩又乾又好鞋，味道又唔好食，河粉還可以，都爽滑，湯底冇乜味道，我食到有水味，怪怪的，我只食到一半就唔想食，叫左柸冰豆漿，都係好一般貨色，算吧，下次不來。

個雞煲好好味 夠辣好地道！！！而且120蚊左右既價錢可以無限食雞煲又可以打埋邊爐真係真係真好好好抵而且野飲都可以無限叫，最緊要係你要咩佢都會有順帶一提，一定要食個炸饅頭！！！即叫即炸 夠熱夠脆再加埋煉奶 絕配！會再去食

自從至尊雲吞麵出左雞煲之後，晚上就經常幫襯佢地既雞煲真係整得好有水準！雞肉好嫰滑！一d雪味都無！好好味！老闆秘制雞汁,好入味！又惹味！我每次都係食中辣夠辣！ 配料有洋蔥，乾蔥等等，洋蔥食落都好甜！仲吸左雞汁既味，辣辣地，好正！食完雞之後仲可以加湯打邊爐任食！$120左右一個人，算幾抵食！

小店充滿人情味，店員好nice主角雞煲惹味，唔夠喉可加雞最好味是小辣雞煲，香得嚟帶微辣，又唔會過咸汁都掛在雞件上加湯就變邊爐推介食冬瓜片，切得薄薄地，5分鐘就食得，索盡湯汁魚皮餃都唔錯記得加20蚊任飲，可任飲凍檸茶凍檸水(少甜) ，飲2杯都回本同區之中，呢度真係一個唔錯的邊爐聚腳點平日$98假日$108

下午3點3的時候，終於來到屯門。一到屯門，太太說要買些素食材料回家，於是又來到置樂的一間相熟店舖買齋。正因為是下午的3點3，大家口乾乾，我又想食少少野。見此區有一間新開的麵店茶餐廳，那就一碗簡單的雲吞麵同一杯為了消暑的凍檸檬茶。既然這兒把雲吞打了上其招牌，一來到縱使店員推介牛腩魚旦等等，我都覺得要食返一個雲吞麵，才能夠叫做正宗。一碗有三粒雲吞，感覺就不夠，但好的就是夠大粒，肉香蝦香，夠晒味道。麵是梘水麵，爽是爽，但未算是達到至尊的程度，好的就是咬得開，爽爽地。留意，我只是說爽爽地，因為不是爽到脆的正宗麵。簡簡單單的評，簡單的雲吞麵，是區內的至尊。