自家製韓國刀削麵 (好順景大廈)

营业中

休息中

好鐘意食湯粉類 見到呢間韓國刀削麵 一定要試下老闆係講中文既韓國人 但送餐既後生仔女 就係講韓文既 有feel主打刀削麵 而且只得幾款揀 感覺會比較專業點了花蛤刀削麵 大大碗仲好多佐料 有蛋絲 大蔥 香姑同翠肉瓜 湯底海鮮味不錯 十幾隻花蛤食到一隻有砂 可接受 由於友人話麵底較Q 所以我浸咗一陣 先食咗d花蛤先食佢 少少冧啱我口味 麵條係滑既 而且份量超多 下次要叫少麵友人點了牛肉湯麵 湯底係牛骨湯 幾好味附送既泡菜就覺得一般 總括呢間刀削麵不錯價錢也不貴

前排發現元朗雞地開了間韓式小店 主打食自家製刀削麵 今日終於有機會去試吓入到去發現老闆及有員工是韓國人 看餐牌款式不算多選擇 分類有刀削麵、餃子及煎餅 所以我們每樣點一款試試🍲 花甲刀削麵 $78一上枱整碗麵熱辣辣冒着煙 有份量不少的花甲 另外還有翠玉瓜等配菜 刀削麵面底據說是人手做的 質地煙靭 整個湯底很清甜 是一碗吃完會很舒服的刀削麵 很適合冬天凍冰冰的時候來吃一碗🥟 雙拼大餃子 $58 （豬肉/泡菜）餃子只有兩個味道 但是有雙拼的選擇 那當然會叫雙拼可以試晒兩款 泡菜是有微辣的 相對之下會較喜歡原味 不過刀削麵比較驚艷🫓 海鮮韭菜煎餅 $68好像第一次吃韓國煎餅是長方形的 邊位煎得脆脆的 味道符合預期 不錯整體來說還是刀削麵最出色 始終是他主打的東西 雖然款式不多 但是都是心機之作👍🏻

最近發現元朗有一間開咗冇耐嘅自家製韓國刀削麵，咁啱禮拜六中午冇乜人，終於有機會試吓，叫咗個花蛤刀削麵同埋牛骨湯刀削麵，估唔到真係出乎意料之外嘅好食～首先個牛骨湯底好清，肉質都唔錯同埋啲麵質好彈牙，以為呢個已經好正，點知花甲刀削麵仲正，數埋數埋都有七、八隻蜆，播湯底啲味道好重海鮮味，啱埋我最鍾意食啲濃味嘢🤩，不知不覺都飲多咗幾啖湯～初時都以為個份量唔會話好多，因為平時食開啲韓國冷麵或者係炸醬麵嘅份量都係唔係好夠飽～點知呢個刀削麵都OK，同埋佢個餐仲包埋一隻大嘅泡菜餃子，都幾入味😋～值得一試

見到有人推介就嚟試下1.花甲刀削麵 $78-自家熬製嘅湯底雖然比較淡而無味，但卻會凸顯出蜆嘅鮮甜，-搭配上新鮮的翠玉瓜以及雞蛋絲再配以微量的蔥花，令到成碗麵嘅搭配係天衣無縫-蜆冇沙 冇腥味 價錢合理-如果食開濃味嘅人可能會覺得好淡口2.泡菜 -泡菜食落去冇平時市販泡菜嗰種酸味，反而多咗新鮮泡菜嘅爽甜，食落去亦爽脆多汁-而可以免費refill 亦係一大加分之處-老細係土生土長嘅韓國人，但係亦努力用廣東話同我哋溝通，可以睇得出佢對顧客嘅重視-侍應待客亦沒有表達出對我們不耐煩嘅感覺，更加會過嚟主動收取使用完嘅碗碟-店舖雖小，卻五臟俱全，坐落去唔會有太過侷促嘅感覺

蜆肉湯 好濃味 五花腩泡菜煎餅野味 😋😋 會再encore 👍🏻 前菜 泡菜自家餣 勁正 refill咗三次豆腐冷面 香濃 湯底傑身 。 店舖乾淨 店員親切 韓國人 位置方便 坐位空間舒服 😌

見係韓式刀削麵所以試下，一開門就到所以唔洗排隊，職員一般有禮服務正常點了一個牛骨湯一個魚湯，各一款餃子(好似小拳頭)，每個午餐會送一碟泡菜及飲品，個麵嚟啦先試湯，牛骨湯個人覺得咸咗d, 試一下朋友魚湯只係比較冇咁咸餃子正常，麵質好而且彈牙整體冇咩特別，試過就好了

最近韓式刀削麵喺香港好似好hit咁之前喺灣仔見過排晒長龍咁好彩元朗呢度又唔算排好耐😬平日7點半去到 大約等咗15分鐘左右就入到今次兩個人叫左一碗花甲刀削麵、一碗豆乳冷麵、一個五花肉泡菜煎餅花甲刀削麵 $78 ⭐️⭐️⭐️⭐️⭐️個人認為個湯底好食過喺釜山海雲台食個碗😂！！就算啲麵食唔晒 我都忍唔住狂飲啲湯🤤我另外加左佢有提供嘅胡椒粉同埋辣醬胡椒粉個種辣超級襯個湯，強烈建議大家都加一碗有起碼15up隻花甲 超足料除左花甲之外 仲有翠玉瓜、冬菇、紫菜碎、蔥、雞蛋絲啲麵質係正宗韓國嘅刀削麵 而且份量超多 我一個女仔食唔晒豆汁冷麵 $78 ⭐️⭐️⭐️⭐️呢款係用豆漿做湯嘅冷麵佢驚你覺得淡 有另外俾左啲粗鹽你自行調味未加鹽食個陣 的確淡左啲後尾加左鹽 就越食越開胃咁🤤可能天氣熱 食啲凍野個人即刻舒暢左！佢個湯底好濃稠～重豆味👍🏻五花肉泡菜煎餅 $68 ⭐️⭐️⭐️⭐️份量嚟講 兩個人食岩岩好有時出面叫一底要$100up 覺得呢個價同份量幾好👍🏻佢味道方面 個餅唔會太厚粉 入面都多泡菜一份共有6塊五花肉 算係咁

好奇見佢新開張諗住試吓，買咗海鮮煎餅和一枝桃汁，個海鮮煎餅好似完全冇煎過咁，一啲都唔脆，淨係得啲韭菜和八爪魚，淋badbad。價錢方面係平既，叫做食得飽，但唔係好食😂😂！所以連相都冇影到，因為真心唔吸引。海鮮煎餅$68 桃汁$18

見元朗開咗分店，上網咁多人介紹諗住去試一試排隊排咗半個鐘，食咗幾啖已經冇食走人個湯完全係滾水咁清😀好似你平時碌完個面冇落調味粉一樣成碗嘢係完全冇味 完全唔知食緊啲咩求吓大家唔好再排隊中伏。。。仲要有加一，完全唔知接受咗啲咩服務

近夜晚5:45pm左右去食，個牛骨湯清到同飲熱水冇分別，社交媒體網站廣告話有五片牛，結果嚟到得兩片仔，谷鬼氣！明明係煎餅，但係個底嘅韭菜同埋蔥奇多，而且韭菜亦都冇韭菜味，上面啲料好似係咁以抆少少落去咁，又係谷鬼氣！俾錢嗰陣見兩個餅（68+68）一個麵（78）共$214，結果原來自己用QR code掃落單，最後都要收+1服務費，變成$235😬

新開一段時間，無咩負評，就决定一試，約7點多去到排咗20人，心諗食碗姐應該好快會有位，睇反其實佢唔使排咁長龍架，因為佢通常4人枱只會住2人無搭枱，門口有張紙寫住8:30後有機會要搭枱。終於7:40先入到座，無咩選擇，我地3人，各自叫咗個麵，小食就叫咗餃子、煎餅，其實都係得尼啲嘢食選擇。餃子望落好得，好啱打卡，食落無特別，就係一般韓式大餃子。海鮮煎餅就非常有落差，唔知食緊咩，只有講句難食。湯麵就係湯夠熱，有牛味，麵質唔係我鍾意既口味，再試老公啲花甲湯都係夠熱，好有味既，都算合格啦！食得飽！最後埋單睇反，原來要收加一，我就覺得不值啦！一間小店食麵，自己QR Code 落單，每張枱有壺水自己斟，點解要收加一？諗唔明☹️總之，我唔會再去支持佢囉！

$78一碗所謂的牛骨湯刀削麵，只有兩片薄過紙既牛展，都算，個麵明顯唔算什麼自家製，更像是一包包的即食麵$58一碗既鯷魚刀削麵，淨係得上邊講既即食麵，加一個湯包，簡直係無言，還以為會有一兩片魚肉，真的痴心妄想海鮮韭菜煎餅，海鮮份量少不在話下，就連蛋漿都覺得唔落，全程得韭菜，$68食碟韭菜，不知所謂全店唯一可取嘅就係餃子，其他簡直係災難最大問題係間舖頭係冇冷氣嘅，仲要好多烏蠅飛來飛去，衛生環境都感覺惡劣，不可一不可再，真心難食，自己煮好過佢

❤️元朗美食 | 📍自家製韓國刀削麵🇰🇷🔪🍜🔹️發現係元朗開左間韓國人自家製嘅刀削麵😃山西刀削麵就食得多，韓國刀削麵第一次食原來呢間係尖沙咀都開左幾個月，呢間係新開嘅分店‼️星期六12點多啲黎到已經要等十幾張枱😵🔸️午市套餐-花蛤刀削麵套餐 $88午餐都算抵食，成個套餐有麵、有泡菜、一隻韓國餃子同埋飲品🥤佢個刀削麵好大碗😵，一個女仔未必食得晒😂刀削麵有手工麵嘅口感，但唔係煙靭個啲麵，但亦都唔係淋個種感覺😂😂對比起個麵，我會鐘意個湯多啲，好鮮甜，花蛤都有十幾隻，冇沙👍😃🔹️午市套餐-牛骨湯刀削麵套餐 $88牛骨湯刀削麵感覺冇咁抵食，得3片牛肉，口感一般🤔反而個湯清清地，好多人話唔夠味要自己再落鹽同胡椒粉，但我覺得唔洗落其他調味料都已經夠味😃跟餐餃子好大隻😵‼️一款係泡菜餃同豬肉🐷餃，皮薄餡多‼️成個餐食晒超飽🤰仲要包埋飲品同泡菜‼️都算抵食 jan_foodie

元朗雞地新開自家製韓國刀削麵🥳🍜🎊本身總店係尖沙咀已有唔少人專程去食🏃‍♂️🏃‍♀️🚶‍♂️去到門口已有好多人排隊，真係韓國人打理，所以中文麻麻地🇰🇷📝，拎飛等位時有小小混亂🎫🔄。🪑等左一陣就有位，叫左一個英甲刀削麵 $78 同一個牛骨湯刀削麵 $78，仲有個海鮮煎餅 $68🍳🍲。🥗每個麵都有跟個泡菜，不過我就略覺得淡味，可能係新醃關係🥒🧂。🍜個麵就好大碗，好多蛋絲同紫菜絲，個味同我係韓國食過嘅一樣，不過鍾意濃味嘅朋友可能要自己再加少少調味🥢🔥。👍整體唔錯嫁，想念韓國嘅朋友都可以嚟一試！💕🇰🇷📍元朗鳳攸南街3號好順景大廈地下6號舖

見到樓下開咗間新嘅自家製韓國自家製，要即刻入去試吓，好多人都係唔使排隊，用QR code落單，裏面人客都幾多我嗌咗豆汁冷面🍜麵有咬口，冷面咬口彈牙，份量都算大，且有豆漿嘅味道，好濃郁，豆漿味，岩我口味。蜆肉刀削麵很新鮮很鮮味，麵質剛好，不過如果比冷面稍為淋啲，但湯底比較清甜每個刀削麵配搭泡菜，啲泡菜都幾好食。雙拼餃子🥟雙拼餃子也非常好吃，夠大隻，餃子皮薄而有嚼勁，裡面包住豬肉白菜餡或泡菜餡，好豐富。