影片
有时唔想食饭面做晚餐嘅话，第一时间都会呢间舖头。成个街市嘅食肆嚟讲都算多人帮衬，又可以Whatsapp落单，好方便。🐻大大碗肠粉基本上系自选几个𩠌再同肠粉一齐去蒸。肠粉口感好滑几烟韧，唔同一般嘅猪肠粉嘅口感。肠粉会送两包酱油，有时一包慢慢捞都够食，仲可以加啲麻辣酱落去捞，辣度适中唔会太抢，几过瘾。🐻蒸米粉食咗一排佢哋嘅肠粉先知原来都有蒸米粉拣，口感好得意几弹牙，同一般嘅米粉好唔同。鸡丝又唔会太老太韧，每一啖都有啲菜同粟米，口感好丰富。佢哋盒米粉都会配咗包豉油，不过我就钟意肠粉跟𠮶款酱油多啲喇。总评分：🍯🍯🍯🍯（4/5）
继续阅读
街市入面一间家庭式经营小店肠粉配料有劲多选择✨之前食开 鸡丝葱花肠✨ ，贪佢够健康，而且配搭佢个辣酱（应该都系自己整嘅）非常惹味，食完条脷麻痹得好过瘾😛🔥点知有一次试左佢个 斋肠✨，一试爱上😍因为原来冇配料更加突显到佢地自家制肠粉嘅滑而佢个麻酱都好香，每次都忍唔住叫多酱🙈当然老板娘都有求必应☺️住附近嘅我 多数都会自携外卖盒落去买，环保啲🥳真心好希望呢间舖可以一直做落去，因为咁我先可以长食长有☺️☺️
继续阅读
香港唔系好多地方有石磨肠粉以前好钟意去油塘街市度买肠粉食但自从毕业之后就已经冇去𠮶边好耐自己好钟意食肠粉但又唔系成日可以去酒楼食今次就经过青衣街市见到间好评如潮嘅石磨肠粉就忍唔住试吓做午餐$20唔使就有一大盒肠粉性价比极高👍🏻👍🏻👍🏻我自己就拣咗肉碎蛋肠粉其实拣完之后都几后悔因为通常肉碎蛋肠粉啲肉碎都好少最后就好似食斋肠咁但点知佢嘅肉碎超级足料😻😻比想像中多劲多🤤🤤除此之外值得激赞嘅系佢嘅豉油佢唔系普通豉油应该叫佢做酱汁佢既酱汁里面明显有冬菇碎同埋重点系唔会好咸！通常豉油到埋落肠粉之后都会变得好咸但佢嘅味道啱啱好唔会好咸到晒成包落晒之后个味道啱啱好👍🏻但讲明先我系即叫即食如果拎咗返屋企再食先嚟到会唔会有啲唔同🤭
继续阅读
自家制肠粉，呢间肠粉好有特色，会唔同你平时喺酒楼食𠮶啲😂 我自己个食法亦好奇怪，通常都叫叉烧蛋肠粉都净系会落豉油，但呢到会落埋麻酱甜酱，听落去叉烧肠又咸又甜好奇怪，但食落去个感觉一啲都唔怪，我仲觉得几好食！😂 同埋份量真系好足，当一个午餐/晚餐完全冇问题！不过温馨提示，一系打落去叫定/WhatsApp 佢，除非系𠮶啲下午茶时间，咪千祈唔好喺𠮶度等，我试过等半个钟😂 始终佢即叫即做，又普通肠粉浆变固体系需要啲时间
继续阅读
放假唔知食咩好，落去楼下街市美食城行一圈。最后拣咗呢间舖头，买咗个肉碎鸡蛋肠粉大大份超级抵食，比料好足。另外有自家制豉油，味道唔会太咸而且有少少甜。良心小店两公婆用心经营，极力推介。
继续阅读