影片
屋企楼下呢间自家乌冬，间唔中都会去食，多数都系晏昼自己一个踢拖落去食。服务算唔错，就算啲servers几忙都好，态度都好友善，唔会俾人唔好嘅感觉，不过当然有好大嘅进步空间啦。食物质素值得一赞，至少我食咁多次，水准都好平均，好好又未至于啦，但本身都唔系为食山珍海味而去，只可以话不能要求更多。最欣赏系个挂乌冬，整体配合得好好，个麻酱几爽口，乌冬够弹牙,系唔错嘅选择。
继续阅读
今日突然好想食乌冬 呢间开咗咁耐真系第一次系到食 呢间好特别系自家同板长联营 第二间系咪咁就唔知 但胜在可以order下啲寿司唔驶咁dry啦 我哋每人叫了个乌冬 但份量并不多 吃了亦不会觉得饱 上面系吉列猪扒咖哩汤乌冬 咖哩味好淡 而猪扒亦炸太耐好硬身 下面系海鲜蕃茄汤乌冬 蕃茄味亦不久 青口有点苦 而乌冬质感亦不久弹性爽口 整体乌冬水平普通一般除了乌冬 亦叫了几款寿司分别有亲子丼(三文鱼厚身 几鲜甜) 火灸三文鱼 火炙酱油三文鱼(第一次食挺好味的 可以一试) 香芒软壳蟹卷(香芒好酸 无咗香芒仲好食 但无意思了)另外仲叫了个海鲜沙律 蟹子颇多 落足料 系个不错既开胃菜!!!
继续阅读
在冷冻的天气下,任何时间都想来一热辣辣的食物.令到身体更暖笠笠,所以我多会在冬天吃面类,米线,鸟冬,拉面,米粉,最重要是配上热辣辣的汤底.1)特价午餐-照顾不同客人的口味,有乌冬/定食/炒饭等,热的乌冬只有2款.2) 干净的餐具3) 套餐内包括有三文鱼寿司和飞鱼籽寿司.4) 豚肉辛辣汤乌冬-我要的主角来了,来一口汤先,带有少少的辣味和浓浓的猪骨汤,立即胃口大增,而豚肉好嫩和淋身,再来一口汤,饮出葱的香味.乌冬入口弹牙,喜爱这里的乌冬,难怪那么多人要吃乌冬5)牛肉番茄汤乌冬-像肥牛的牛肉比较肥了一点,但牛肉都满多的,加上有数块的番茄.而番汤更是酸甜甜的,识合不吃辣的客人和小朋友都吃得到.6)二人午餐的帐单
继续阅读
同事一行三人，中午时间1：30去到，望入去人唔多，只得8成人左右，但系都要等成15分钟先至有位，唔知点解。坐低左之后发现楼面只得3个人做野，睇完menu跟住想落单，叫左个午餐咖啡汉堡扒饭跟汽水，我另外两个同事叫左其他午餐，炸鸡乌冬，落完单之后，我两个同事分别等左15钟同20分钟先至到，我叫的咖啡汉堡扒饭要成30分钟先至送到，真系唔知点解，咁简单嘅食物都要等咁耐。碟饭送到面前，多左个味噌汤，以为系餐跟埋，谂住先食饭之后再饮，一食碟饭，淋嘅，一旧旧痴埋一齐，个咖哩又冇味，最惨系个汉堡扒竟然系又冻又硬，心谂已经唔会再有下一次帮衬 ，食左2/3，已经放弃了，冇几耐，跟住有个女仔走埋问我收唔收得碟饭，我叫佢收左佢，点知一时冇留意（睇紧手机）佢收埋我仲未饮个味噌汤，佢行转背，我已经叫住佢唔好收，点知佢好似听唔到咁，已经行左入厨房，之后我叫另外一个女仔同佢讲话佢同事收左我仲未饮个味噌汤，跟住佢行左入厨房，之后就一直都冇人理我。我开始火滚了，好大声咁叫左个应该系高级小小嘅女仔同佢讲呢单野，之后佢行左去，再返转头同我讲话，我个餐应该系冇味噌汤，所以唔会比返我，跟住我先知道原来第一次个女仔夹硬收左我个味噌汤系因为佢地发现比多左个味噌汤我但系又唔好意思拎返，于是就趁我食完饭就走埋黎收野，谂住顺便收返比多左我个味噌汤。其实你拎多左黎，咪直接同我讲比多左我跟住扲返啰，唔好当我儍，一个就叫佢当听唔到，另外一个就走左去冇理你。呢间自家乌冬之前已经听朋友讲出左名等野食等得耐，宜家仲要啲侍应生劲冇礼貌。一句讲晒冇下次。
继续阅读
同朋友都想食日本野，行开见到就入左去，有寿司有乌冬都唔错，叫左个蕃茄汤底嘅乌冬，朋友就叫左个有天妇罗嘅乌冬，汤底都算浓，个乌冬嘅口感本人几钟意，但朋友个天妇罗就好似细只左少少，其他整体都可以，午饭跟餐有汽水，不错。
继续阅读