自在軒

营业中

休息中

四月上旬•晴 香港仔區有幾間社企經營的餐廳，除了壁網中心的匡智廊，還有的就是這間在設在香港仔文娛中心的自在軒。這裡是東華三院社會企業模式承辦的餐飲服務，目的是為弱能人士提供餐飲業的訓練及就業機會。而跟其他幾間社企餐廳相若，這裡也希望透過真實的工作環境，為他們的未來公開就業奠定基礎。 這裡是半自助的形式營業，餐牌就寫在牆上的膠板，客人選好食物，在收銀處付錢購票後，就可以找位置坐下，餐點就會由服務生送上來。有意思的地方，也來過幾次，早餐、午餐、下午茶也都吃過，食物水準也可以，價錢也是市價。不過最好吃的，就是一味豬扒包。 這是下午茶餐的項目，豬扒包連飲品，賣19元，幾經濟的。豬扒包做得用心，豬仔包烘過，內裡除了豬扒，還有切了薄片的青瓜及蕃茄，還加上自製的沙律醬。豬扒包脆脆的，豬扒不經鬆肉粉醃過，也夠味不太韌，還有青瓜及蕃茄，是做得用心的下午茶。 因為這個豬扒包出色，這裡有另一味下午茶餐是吃「香脆豬仔包」的，連飲品只15元，更經濟。而熱咖啡如果加3元，就會換成即磨咖啡，味道甘香，也不錯的。如果周未要找地方去，到香港仔大街行下，再來這裡吃個下午茶，真正的take a break，有意義又不錯。

今日同事要留在數碼港，但係自己想逃出數碼港，於是自己一個人去左香港仔食晏。去香港仔食乜好？想起自在軒，因為：1. 一定有位2. 地方寬敞，坐得舒服3. 可以見下村長以前d 學生4. 食物質素都唔錯上到去，果然有位，叫了一個咖哩雞意粉，唔係太辣，但幾香咖哩味，啱哂我口味。其實呢度環境同食物都幾好，但係生意似乎麻麻，仲要係街派優惠卷，真係令人擔心。希望佢地努力加油，可以的話在餐廳加d 特色同人情咪，令餐廳更多「人氣」。希望各位多多支持呢間智障人士有份營運的餐廳！

公司快將搬, 要好好試試在香港仔還未吃過的餐廳, 這次選了街市樓上的自在軒:吃飯只有一小時, 要快, 急步到了樓下, 因為是5樓, 不想走樓梯, 只有等電梯, 但很慢...到了5樓, 看看餐牌後選了最平的午餐: $25燒汁雞扒火煺配著菜, 飲熱華田買完可以揀位坐低, 有人送餐的:全場只有一半滿, 很空, 大概是位置問題吧, 那兒有免費報紙放在架上, 你在自拿回位慢慢吃慢慢看, 的確是個hea的好地方!一位女弱能職員為我送餐, 但感覺她手腳有點慢, 放下所有東西後, 郤又突然走回來放下一包糖, 如是外面的餐廳這服務當然是不行, 但這兒就算吧! 食飯還可以, 但著條份量少, 又炸得太乾, 早知吃飯好過, 店員送餐時還放下一個黑色碗, 心想這是什麼? 用匙一探, 哦, 原來是黑加倫子啫喱, 還好, 熱華田也是正常! 快快吃完便回公司, 如有時間想hea一hea, 這兒是不錯, 我這些趕著吃午餐的人郤不太合適了! 而且價錢偏貴, 在香港仔, 這個價錢可以有更好的選擇!

去到香港仔既自修室或者圖書館搵唔到位~又或者溫溫下書肚餓~ 就最好去香港仔市政大廈既自在軒食下野^^"仲可以坐勁耐~呢次我就同個fd坐左2個幾3個鐘…XD一個餐又有湯,又有餐包, 又有甜品, 又有餐飲..全部都好好味~ 同幾抵食*不過朋友就話覺得個肉醬闊條麵比較少~唔係幾夠飽~肉醬意粉就多D抵食D~聽聞呢度既staff係自力更生既弱智人士..不過我冇留意呢點.. 靜係覺得service幾好丫..

最初會食下佢地d set lunch,後來無咩變化,轉左tea break去食下三文治,佢地個炸雞翼好好味,又夠size,連drink都係十幾蚊!Hotdog好鬼大隻,加左芥辣,配菜又夠,好抵食!拉麵就差d啦,試過兩三次都係要再煮過。呢度勝在係無煙區,雖然waiter/waitress係輕度弱智人士,但係佢地d笑容比我感覺係最真摯!如果大家經過都可以去感受下!

早幾日上去試左個下午茶，明知係東華三院弱智人仕做都上去，但比想像中好好多，見到佢地自力更生，我都好開心，叫左個炸雞翼薯條，凍檸茶，女友就叫左個豬扒包，又係凍檸茶，食物夠熱唔在講，連茶飲品都好足料，值得再來，而service比起椰林閣好n倍，綜合黎講，我好滿意。