臨記

营业中

休息中

放假四周圍逛下，有d d肚餓。當唔知搵d咩食時，朋友建議前往临記.由於下午時間，並不是太多人，终於，我哋揀咗腸粉及原味格仔餅。腸粉出乎意料滑，而格仔餅外脆內鬆。好满足的立食

~Food: Freshly baked to order, hot when it's served. The thickest waffle I've tried so far. Black truffle flavour is strong and good combination with waffle and ice cream. Hot waffle with cold ice cream on top is definitely the perfect match. The portion is big and it's good enough for two people to share. And the price is really decent~~ Environment: It's a tiny store located on a street with quite old appearance so you might somehow block the walkway while you're waiting for your food. There's

街頭小食來説，我細細個已喜歡在街邊同推著車仔既伯伯買雞蛋仔，糖蔥餅，臭豆腐etc果陣沒有特別味道，只有原味，伯伯只用扇來撥涼雞蛋仔。仲可以買半底不用買一底。今時今日，口味推陳出新，一底底賣仲去到廿幾蚊底，所以我會留意各店究竟有咩吾同。呢間臨記sell用日本麵粉，少油及少糖，成功吸引到我呢個偽健康既人試左雙拼，一邊原味一邊朱古力味我想是麵粉的關係，外層係鬆同脆的不似坊間較實淨內裏較似蛋糕，不似坊間的帶點煙韌少糖似乎亦令蛋香比較不明顯總括來說有好有吾好，但我喜歡它的鬆脆，而吃罷也沒多內疚（少油少糖嘛）感覺輕鬆，咁冇理由吾再食吖

已經吃了多於十次依舊是最愛的芝麻格餅他們的格子餅真的獨一無二！入口味道清 相信係用咗非傳統嘅麵粉 而且沒有很甜的感覺 配上煉奶和其他醬 味道恰到好處 卻有不失蛋味 不像普通街頭那樣的厚薄，這裏的足足有街邊的3倍！5係呃你！如果夾住一齊食，個口應該不夠大。所以我每次都分上下咁吃，一係就堂食，叫老闆切開4份，方便好多！一定要襯熱吃！凍了真的浪費老闆心機！懂的人會懂 不懂的人吃了即刻懂！但佢不停加價，從前17蚊，現在竟然要25蚊。。。其實心底裡有點不服氣。。。如果減價會吃得更頻密唷

週末散步，從銅鑼灣走過維多利亞公園到了天后，不經意走到一間貼滿食物相片的小店，有很多款不同小吃，當中發現了多款夾餅！女兒最愛朱古力，二話不說就點了朱古力夾餅。問過老闆娘，原來朱古力夾餅夾着的都是朱古力醬，想必是很濃郁！但我內心都會有害怕中伏的一剎，所以只買了一份，先試試再說。因為是即叫即造的關係，是要等的☝🏻。在等的期間，發現這店有散賣雪米糍，可以每種味道各買一粒，原來很受小朋友歡迎的呢！終於到手了！女兒急不及待要即刻嘗嘗！拿在手，已看到外層的香脆，陣陣朱古力香氣撲鼻而來，女兒咬了一口，就急著說很好吃！我也急急咬了一口，真的很香濃！外脆內軟！我和女兒都在爭吃！哈哈哈！實在太喜歡了，所以幾天後，特地去臨記買了2個朱古力夾餅，拿回家和女兒一人一個！😋😋😋

天后其實真的有不少臥虎藏龍的食店，臨記就是其中一間！店舖有張大大的海報，標明他們用的麵粉是從日本進口，而且雞蛋仔和夾餅都是少油少糖，很適合愛美又嘴饞的女士們。 本想吃雞蛋仔，但看見格仔餅能一次試四種口味，所以最終還是選了格仔餅。 格仔餅的四款口味分別是：原味，咖啡味，朱古力味，以及奶茶味。四種味道都頗濃郁真實，雖然少油少糖，但味道上絕不會輸蝕，甜度上剛剛好不會死甜。 而且，他的質地與平時的不同，他是十分輕盈的，內裏不是實淨紮實的口感，但又不是空氣般偷工減料，內層很濕潤，外面微脆，配以少量煉奶，很是滋味！

美國近年瘋傳用格仔餅及雞蛋仔夾雪糕，令格仔餅及雞蛋仔呢D地道小食再次紅遍海外。如果真係要揀香港NO.1 格仔餅及雞蛋仔，我只可以推薦臨記，沒有其他的。即叫即製，佢o個種香味同鬆化的感覺，無得傾，絕對係米芝蓮的級數。用料據稱係用左日本高級雞蛋，但真正的奧妙我相信係特厚的夾餅。你以為佢好厚好難一啖食曬兩層的夾餅咩? 但當你真係要食的時候，個口會自動relax到最大最大。另外，佢地的雞蛋仔同樣出色，味道一流，不過我相對地比較少食。主要係，我覺得佢地個餅底唔夠厚，係同格仔餅最大的分別之處，令佢地比起格仔餅失色。每次去天后都必定要食的，希望你可以頂住，等我成日可以食到你。

本身超鐘意咖啡奶茶嘅我行過天后見到有人排隊,原來係買雞蛋仔,呢度D雞蛋仔個袋整到成個紙包飲品咁,又原來佢真係有奶茶味同咖啡味.兩者真係好難揀,但奶茶味超級少見所以我揀左佢.由於好多人買+即叫即整,大家真係要耐心少少等候一拎到手已經聞到超香濃奶茶味,的確係呢款紙包飲品嘅味道,而且咬落去都好厚實,店鋪講到明少糖少油,甜味真係唔係好重可能因為係奶茶所以顏色都比較重,不過我覺得佢可惜嘅係好快會"林" 我自己鍾意脆身雞蛋仔~但味道係好味gei~

响HK駕駛學院上完堂，行去港鐵時路經此地，見好多人排隊，以為又有隱世美食，仲要係我至愛既雞蛋仔喎，點知原來係一個伏！新口味奶茶和咖啡，唔係周圍有得食，我貪心D兩隻新味要晒，雙併加$3，等咗廿分鐘先有，期望好高。兩個口味分開袋，唔好以為前面深色係咖啡，後面淺色係奶茶，深色一入口完全食唔到咩味，只係食到燶味，餘香先有淡淡奶茶，非常失望！我敢肯定係失敗咗！！至於咖啡味，我覺得好香濃，好好味真心話：燶咗就係燶咗，咁都可以比客食，我自己都有焗曲奇同蛋糕，過咗火燶味會即刻嗅到！唔老實，唔會再幫襯

好耐冇去過，原來轉左做特色味度嘅雞蛋仔，奶茶味$25。午飯過後，冇乜人，叫咗一份是一時佢龍與鳳。等候期間，老闆話加＄2可以有盒奶茶紙包飲品，見佢誠意拳拳，就加埋啦。等左幾分鐘，見老闆已經放出嚟，但係又行去搞其他嘢，可能佢見我個樣太疑惑，笑笑口咁講，啲雞蛋仔要嘆一嘆先入袋，咁樣先外脆內軟㗎。噢，又上一課！講返個雞蛋仔，質感確實幾好，但個人認為，奶茶味可以在濃烈一點。未試過嘅朋友絕對可以一試，但坦白講，價錢就略貴

去開天后，諗住試下依間新派格仔餅。叫左個奶茶味，等左陣，佢拎出黎果下發現都幾厚幾大底。第一啖，唔... 都幾脆，淡淡嘅奶茶味，唔錯喎好似。食左幾啖,發現唔對路,好難咬,所以就撕成細份咁食。一撕開加左煉奶（我冇expect過,雖然唔太甜）,但好似浸濕曬個餅咁咁,好快變左好淋,定唔知佢係焗得唔夠耐,總之成3/4 個格仔餅嘅感覺都係食緊浸濕麵包一樣咁差😤佢個質素係街邊$10一份格仔餅都唔會差到咁🙄

上一次經過食過一次呢間既夾餅，果陣已經覺得好好味！一試難忘之後想再去買黎食 但一直唔記得佢間鋪頭名同位置今次終於俾我搵到喇！嗌到原味夾餅。非常大份 非常厚身！外脆內軟 太好味喇！大力推薦！

路經見到 典型既港式乜都有小食檔「口痕」點左個格仔餅，大約等左10分鐘....ok啦 即叫即做 點知好有驚喜！首先係個外觀 嘩！激厚 有外邊普通既一倍厚最大既震憾係「咬」落去個下！嘩！竟然係「脆」架！同食開「軟諗諗」既好唔同、口感好特別而且蛋味十足，至於店舖聲稱既日本麵粉.....um...老實講我就唔識分喇！不過只係試佢既獨特脆口感同厚度十足既外觀都值回票價

今次淨係可以俾ok雖然腸粉超級滑超級好食但係魚肉燒賣未能達標燒賣蒸得太耐皮亦都爛爛地亦都冇魚肉味以後只能食 腸粉不能食燒賣燒賣除咗冇魚肉味之外亦都好實證明好多粉一間鋪冇得 所有刀張張利

腸粉極滑極滑每一次我都叫 多甜走芝麻走辣芝麻可能對所有人嚟講係好香但係每人口味唔同我真係唔鍾意食硬係覺得咁滑嘅嘢入面有啲一粒粒好奇怪你睇下老闆幾咁重手落得甜醬幾多真係溫柔體貼善解人意其實食腸粉對我嚟講係食口感同埋醬料 如果腸粉唔夠滑會影響成個 感覺醬汁呢講呢間算係非常好味亦冇溝淡甜醬稍為重手左少少鼓油可能再加少少會好味啲會再不停回頭this is so pretty!!!