肯德基家鄉雞 (KFC) (已結業)

返工時間金鐘一定多人不過最近疫情關係多左人叫外賣lunch hour明顯容易有位好多呢間kfc都幾好㗎應付到超大客量產品質素都keep到好食有保證新出既越南牛油雞餐香料味足牛油香勁濃夠曬過癮而雞件都好夠熱撕開入面係出煙既幾十蚊食好咁滑既雞肉都幾開心㗎今次仲加左蜜糖雞中翼冇炸雞咁熱甜甜既外皮包位入面細滑既雞肉唔錯唔錯好似加9蚊就有2隻都幾正既餐廳夠光多闊落不過order同等餐就要大約十幾分鐘左右坐就唔使搵位

最近見KFC 推出左越南牛油雞，睇落非常吸引，所以去左買黎試一試。越南牛油雞由精選越式蒜茸香料醃製，一啖咬落去，外層脆皮金黃香脆，然後瞬間有一陣濃厚馥郁既牛油蒜香味湧出來，而且內層雞肉鮮嫰香滑，口感層次分明！另外我仲試咗牛油巴辣香雞翼，經典惹味既巴辣香雞翼配搭牛油蒜蓉，除咗辣得惹味，仲有陣陣嘅牛油蒜蓉香味，真係一試難忘！套餐包括： 2件越南牛油雞 + 1件家鄉雞 + 辣汁蘑菇香飯(普通) + 經典葡撻 + 汽水(中)

食得炸雞多，都想轉下口味。一於食燒雞啦！🍗來到KFC 叫咗個新出嘅Y1餐蜜蜜燒雞全翼，蜜蜜燒雞中翼，香熱粟米 汽水蜜蜜燒雞比平常嘅多咗啲蜜糖味🍯香烤甜蜜滋味 嫩滑多汁💦仲有細細個去KFC必食嘅原條香熱粟米🌽原條有竹籤拮住嗰隻呢，再配埋原粒牛油🧈簡直就係童年回憶呀~👧🏻其他一人餐都可以配原條香熱粟米架✨好似去咗BBQ燒嘢食咁 諗起都流晒口水🤤

當日去咗食KFC 好耐無食過KFC嘅炸雞同佢嘅蘑菇飯 於是決定去食一食 點知我同朋友發現個一間嘅雙人餐用恒生卡係平一半以上 於是我哋就叫嗰個餐 100蚊都唔洗有一堆雞 2個飯加杯飲品 好抵食 炸雞不過不失 蘑菇飯仍然係熟悉嘅味道 總括嚟講都係舊時嘅味道 但係呢個2人餐係真係好抵

kfc 新出D24榴槤tart見到廣告已急不及待要去食估唔到係真心好味一個要12蚊 真係唔平 好彩無失望入面有新榴槤果肉 唔係好假有d 甜品只係得d 電油味的假榴槤肉仲有幾粒麵包點綴可以再encore!

嘩～真係好多年冇食過 J先生食完KFC最近新推出嘅椒麻脆辣雞之後話好好味 上個weekend死都要捉我去試吓喎⠀⠀話明要試新產品於是點咗個「椒麻脆辣雞燒鷄餐」(HKD50.5起) - 有兩件椒麻脆辣雞、一件炸雞、一個蘑菇飯、一件葡撻 今次嘅主角椒麻脆辣雞果然冇令我失望😋香噴噴嘅炸雞味道辣辣地但又帶少少麻辣～～好過癮 唔洗擔心味道太辣食唔到 炸雞辣度適中 令唔太食到辣嘅J先生都話好惹味呢⠀⠀趁今次我仲試咗「荔枝火龍果梳打」(+$5跟套餐升級，單點$18) 食完麻辣雞飲呢杯特飲就最啱喇 充滿荔枝香味嘅梳打加埋火龍果肉感覺好清新涼快呢😝⠀⠀怕去到餐廳要等嘅話可以用KFC 手機App預先落單 去到即刻有得攞有得食 咁方便仲唔快啲去試吓！

呢間KFC超大，目測坐到100人！而且裝修比較高級，有自助洗手機，有調味區又有汽水機。今日就黎嘆番個厚切餐肉細桶飯茶餐（$24），有個葡撻添！另外仲有上校雞寶+香蜜鬆餅茶餐（$26）。飲品揀左一杯蜂蜜綠茶，一杯熱奶茶。蜂蜜綠茶好有驚喜，唔太甜，綠茶用個別茶包，超有茶味。上校雞寶點嗰係芥末醬，味道好夾！

公司咖啡機壞左 好灰日日都要揾地方買咖啡來提神starbucks太貴 唔想成日飲我最近先發覺kfc早餐都幾抵wo但單買一杯咖啡要$16早餐反而$14-$16 包埋咖啡有交易仲有幾個餐擇tim有湯粉 芝士腸仔卷 pancake個d叫左個腸仔加鬆餅鬆餅外脆但入面有d乾同無咩味腸仔就ok好食咖啡味道都唔錯 唔會太酸又夠熱以金鐘地區早餐來講 kfc真係幾抵嘅其他都要30 40 蚊 幾貴下唔會話好好食 但係真係平我諗應該一星期會食幾日

平時堂食lunch食呢間KFC質素都唔差，呢日因為秋高氣爽關係，心血來潮想去野餐，就買左KFC外賣，帶去添馬公園野餐。呢間KFC轉左自助汽水Bar之後，都係第一次食lunch，斟汽水先知有soda water，正！唔洗怕甜！過去添馬公園路程都約5-10分鐘，食個蘑菇飯略嫌唔夠汁，味道keep到水準。之後再食薯格同炸雞，覺得質素差左喎，會唔會係因為吹凍左呢？！好似有啲韌！最後食葡撻，仲有少少微暖，都ok！遲下再食返堂食睇下水準有冇下降先！

已經好耐冇食過KFC，因為食個lunch都要$40-50，依家有優惠$39有一個餐，就去試下先！都好耐冇去食，味道冇以前咁好食，但炸髀王就好大隻。依家鋪頭裏面都會有洗手手機，真係太方便了。

咁啱見到呢個餐好似幾抵食，就買咗，都係第一次試！估唔到個通粉簡簡單單都幾有水準，茄湯濃，粟米清甜，通粉質感係箍牙妹食到程度！薯餅就麻麻地，有啲硬，隔住張紙都可以食到一手油！奶茶都係咁上下冇乜特別！

在金鐘上班 >15年，自從政府總部落户金鐘後，天天都切身體會「冇啖好食」又貴！又難揾位！又唔好食！！！但，飯還是要吃的！首選買外賣！近來吃得比較多的是，KFC桶飯 R2，午餐肉、炸雞扒、白飯、蘑菇汁，配飲品 (百事可樂或蜂蜜綠茶，２選１)，37元/份，挺好的！

上次食左冷門啲嘅熱香餅中哂伏啦，今次食返好多人都鍾意食嘅香蜜鬆餅，果然皇牌即係皇牌，食熱門嘅食品係唔會有錯架。呢個熱門嘅香蜜鬆餅，外脆內軟，外面鬆脆充滿蜜糖味，內裏軟熟熱辣辣。香腸亦都好好味，同樣有外脆內軟嘅感覺，平時食某啲腸仔，塊皮我係咬唔入架，我估唔到今次唔洗食片皮腸。我選擇左奶茶少奶，但茶葉味很淡，美中不足。今次呢份早餐好滿意，可能因為好好味，感覺唔係好夠食，希望食多一份。另外，餐廳設計唔同左，店中間改左個位為汽水自己酙，餐具配料自己拎。

難得今朝早左成半個鐘就返到公司，諗住買個早餐返去慢慢嘆，平時返工放假都係m記多，熟就自然繼續幫襯啦！今日大把時間咪搞搞新意思，去左KFC囉！唔試尤自可，一試便中伏！我箍牙妹當然係揀返岩食易落肚嘅野啦！咁多款式，我第一次試當然揀個易入口嘅熱香餅啦！哇，凍嘅，等餐5分鐘，返公司又5分鐘，唔係好耐姐！切落去又有啲硬，食落口又硬，又韌，有啲食擦子膠感覺，係個糖漿同牛油好味啲。餐飲我揀左阿拉伯加咖啡，不過不失啦，個人口味黎講，好過m記，易入口，聞落又提神。有機會都會再試其他野，但熱香餅我下次都係去返m記。

剛巧早上在金鐘有事要辦，人生路不熟，結果便預早了差不多有一個小時去到金鐘。於是便有空可以嘆個靚早餐，入到海富中心去窮人恩物KFC來個抵食早餐，有早餐電子優惠，點了至慳精選B餐$16.5。雖然這個慳精選B餐由以前$15加至$16.5，但在金鐘來看卻是十分便宜抵食。蕃茄湯通粉份量不太多，不過好彩係螺絲粉，吃起來較有口感。湯底味道微酸，十分開胃。金鐘分店質數不錯，難得的是芝心火腿脆卷仲係脆，熱奶茶不錯，頗為香濃，喝完果然醒神，為一天之晨充足電﹗待我吃完後才發現海富中心吃早餐人潮有多麼誇張，幸好較早來到吃早餐，才能避過最繁忙的時段﹗