肯德基家鄉雞 (KFC)

营业中

休息中

最近見網上kfc有新產品推廣，所以就想來嘗試下，辣汁磨菇炸魚柳粒飯，磨菇魚柳粒飯夠新鮮，飯又熱辣辣又夠多汁，但個飯唔是全部魚柳粒，仲有雞粒，是不是有少少欺騙成份呢？

有時去愛KFC都會食呢個餐，有一個葡撻、一個蘑菇飯同一杯可樂，另外我會帶多個奶茶俾媽咪。葡撻外皮非常之香脆，中間嘅蛋漿好香好濃郁蛋味，另外蘑菇飯份量適中食完剛剛好唔會太飽，我就鍾意飲可樂，媽咪就鍾意奶茶，佢話好香好滑！

首先 佢個筒已經好食過m記個筒架啦🍦而味道黎講 KFC牛奶味都係重啲既但比m記更易溶 我拎上手 擰轉身已經滴緊如果係想平平地搵杯幾蚊既雪糕食除左m記 都可以試下KFC ok的🙆🏻

見到又推出左新口味-甜蜜蜜炸雞，就放工買左一桶炸雞返屋企同家人一齊食，一桶雞有六件，但只有兩件係甜蜜蜜炸雞，其他就傳統家鄉雞。一來就先食左件熱辣辣的葡撻，接著就到今次的主角蜜糖炸雞，食落第一啖就食到蜜糖的甜味，而雞皮炸得好香脆，由於表面有好多脆脆米，變到雞皮食落似薯片，但可能有點炸到過左火，食到有少少燶味，即刻令到我食慾大減，都係食番家鄉雞好味好多

連鎖店炸雞黎講，我覺得無乜邊間夠kfc好。自己一個食既話通常都係等下午茶食個M3餐，一件家鄉雞一件葡撻，一盒炸雞粒，一杯汽水。炸雞表面金黃偏深色，雖然一早炸好等緊人黎買，但可能人流大出貨快，啲雞keep到香脆，入邊肉質夠滑夠多汁。炸雞粒就比較差，明明自己炸雞好好，但雞粒反而一般。細既雞粒好似得舊粉咁，大既先有少少雞肉feel，總之就粉多啦!葡撻都好正!!我覺得仲正過茶餐廳個啲，鬆化既牛油皮，加上香濃蛋味既熟蛋漿。Perfect

話說小弟經常食KFC因為平又飽 而且依家有埋儲分同唔同優惠 所以得閒都會食個日咁岩係觀塘APM行街 見到有間KFC就9沖啦 同時睇下有咩優惠 最近就推出緊西西里雞 就同個FD一人一個 對上個次個愛琴海雞我覺得麻麻地 陣味唔太夾 而今次比上次好少少 但始終太重口味 可能KFC覺得香港人中意食返D中式味既野食多D 但我覺得反而唔夾 希望下次KFC會出返D味無咁濃既 令人食完唔會覺油同口臭 而排隊時間都需要大大改善 額外一提 D雪糕真係唔錯 可以一戰

食完好嘢，第二日滯左，搵個平靚正午餐突然想到KFC!飯類有磨姑或雞皇可選最後要了白汁雞皇飯，好耐冇吃過幾開心，好耐冇食就重溫下白飯略淋，岩我口胃，白汁份量剛好夠撈飯，味道不錯雞肉不太刄，只是雞鮮味一般加左紅蘿蔔西芹，淋又入左白汁味，幾好

快到月尾 荷包拮据吃完晚飯在APM商場逛街不知道是不是全球暖化的緣故 感覺香港比以往多了雪糕店某家的乳酪雪糕看得我口水直流可惜剛剛晚飯才耗盡了現金但甜品的胃又在蠢蠢欲動朋友便靈機一觸 急步領我來到kfc門口「其實都出左好耐 不如試下 反正都係五蚊姐」說罷便前往收銀台下了單她說得對 只是五塊錢 但試無妨這是肯德基首次推出雪糕 特別選用優質紐西蘭牛乳質地頗幼滑 但較快溶化牛奶味挺香但不夠濃郁 但這個親民的價錢真不應雞蛋裡挑骨頭了感覺會受到許多學生愛戴呢以上。

✨特濃牛乳新地筒 ($5)✨🍼🍦下 點解一拎上手就好似扁咗咁嘅🙄味道非常甜 簡單啲講好似食緊旺仔牛奶糖咁😳新地筒好似麥當勞咁 碰上濕氣馬上軟得可怕😂整體來吧OK但味道雪糕太甜 脆筒太淋 不吃也罷

經常讀報的我已經被免費報紙內的廣告一而再的吸引肯德基繼大阪燒風味炸雞後的又一力作──越南牛油雞嗜雞如命的我當然沒有錯過 找好機會便來嚐鮮了雖然肯德基已比往常花心思創作新口味迎合各位客官但始終沒有一款能讓人一試難忘 這次也不外如是炸雞當然不是現點現炸 但也有保留脆的口感 相信也沒有擺放太久但雞的含脂量驚人 而且嚐不到牛油味也沒有越式帶辣的口感簡單而言就是家鄉雞點綴了一些粉末吧OK是給予葡撻的以上。

大阪燒脆雞餐KFC不斷出新口味炸雞，最近就推出左大阪燒脆雞。食落同想像一樣，係平時食開既炸雞，加上燒汁、蛋黃醬同木魚，好似日式燒餅咁。雖然蛋黃醬痴唔實舊雞，會成條醬跌出黎，不過加左醬既炸雞好食好多，食落唔係只有好齋既油炸感，如果可以落多啲燒汁同蛋黃醬就好啦。

KFC 久吾久都會推出限定新口味的炸雞，今次玩日本風大板燒喔！在脆卜卜的外層加上風味十足的大板燒醬和魚乾的確很大板燒，但係老實講又不是太夾味呢！醬汁令脆皮變成一舊舊的甜醬而賣相也變醜了！不過值得一讚的是觀塘此分店的雞是炸得很好的。外脆內嫩而且熱騰騰！馬嘉烈葡撻...愈來愈細個呢！一啖食哂非常不夠喉！非常不合性價比！白汁雞皇飯本來都冇乜期待的，點知呢度的飯又煲得出期的軟熟，而且白汁夠多夠熱，濃度適中，雞肉和蔬菜也夠足料！薯蓉基本上都是永冇失手之選架啦！又軟又滑，加上磨菇汁令乾乾的薯蓉增添濕潤感，吃起來更香滑

KFC甜筒 $5.哩枝雪糕聽講全香港得三間分店先有🙋我要睇下有幾巴閉❗️賣點係紐西蘭牛乳 講真你俾大陸牛奶我都唔會食得出🙈.幅圖既雪糕係啡色 但出黎係奶白色❗️入口係有明顯牛奶味 可惜太細枝🙈而且好快溶😐 食開平價m記雪糕既我表示m記係抵食d 係甜d但係入口滑d✌🏻️仲有kfc條隊係排耐d .除非係牛奶控 我諗唔到有咩理由翻兜.

中午飯忽然想食炸雞，就於鄰近APM便順道外賣KFC新作-大阪燒脆雞吧。 大阪燒脆雞雞塊被脆槳包裹炸香，外層加上比目魚及大阪燒醬，味道相當接近日式大阪燒，只是換上了雞肉代替餅底，十足日本風味，相比一般KCF的炸雞有著截然不同的新感覺。還另加一客傳統的炸薯格，外脆內軟，水準平穩，到KFC不能不巳食的小吃呢! 套餐還有一貫水準的蘑菇飯，軟棉棉飯底上蓋上一層豐滿的蘑菇醬汁，攪混後每口飯都品嚐到蘑菇的香味，份量雖然不大，但對於已吃掉兩件大阪燒脆雞的我已經是滿滿的了。今個下午完全滿足了食油炸熱氣的慾望。 大家還是趕快試試吧，因大阪燒脆雞是限定新食品呢!

香港KFC竟然有賣軟雪糕「特選牛乳新地脆筒」，廣告標明是選用紐西蘭牛奶。價格售$5一支，相比現在坊間所賣的軟雪糕是便宜很多，但只得兩圈半，是細支了一點點。不過軟雪糕味道濃郁，帶甜的牛奶味道是好像在吃牛奶糖，軟雪糕質地滑溜，無碎冰，雪糕筒是窩夫筒而非威化筒，吃著又多一分甜味。至於有售賣軟雪糕的kfc地址是有點神秘，連店經理也不知道，還叫我逐間打電話去問