肯德基家鄉雞 (KFC)

每次去KFC都要食返件原味雞，香脆外皮加上嫩滑雞肉，真係百食不厭。香港KFC的炸雞炸得不會太油膩，咬開仲有肉汁，非常滿足。配埋薯條或者忌廉汁薯蓉，一餐就夠晒飽。鐘意辣既朋友可以試下辣味炸雞，香辣夠勁但唔會辣到搶味。今次係銅鑼灣分店用餐，環境乾淨，職員服務都幾有禮貌。唯一美中不足係人太多，要等位。不過食物質素冇失望，KFC炸雞果然係經典之選。…查看更多

KFC新出的「開心果脆粒葡撻」試完後感覺幾特別！🥧- 撻皮一貫酥脆，內餡蛋香濃郁，口感滑順。- 入面有開心果醬，入口有淡淡果仁香，但味道不算非常突出（有評價話當普通葡撻食會開心啲）。- 撻面灑滿開心果脆粒，增添脆口層次，整體甜度適中、不膩，成個組合新鮮感夠…查看更多

平但不靚正、我外賣$50/6件辣炸雞＇都預咗係唔熱㗎啦＇返到屋企食又冇味又唔辣得個脆完全唔係KFC嗰個炸雞＇係咪因為平所以要咁樣做出嚟呢？想食好食嘅炸雞啫丶即刻諗起KFC但係食到啲炸雞即刻冇嘢講、咁大嘅集團都係咁嘅出品😂😂😂😂冇計都唔知佢講咩好下次唯有搵啲好食啲嘅炸雞再食吓啦＇我終於發現做得好好唔好食、已經係我乜所謂最緊要有生意🤣🤣🤣🤣🤣寫段食評都最少要80字，你所講啲咩啊？…查看更多

一個特殊嘅緣故，早左出門，去到尖沙咀辦點事，每天都會經過的KFC,今天早上俾佢既早餐吸引左我停低。本身比較少吃早餐嘅，我見到一份"回憶" 鬆餅，所以我馬上就點了蕃茄濃湯扭扭粉餐配滑蛋鬆餅。以一份$25嘅早餐嚟講，我覺得都中規中矩。1.蕃茄濃湯扭扭粉屬於小份，蕃茄味道也夠濃郁。2.鬆餅依舊鬆軟，表面還有些少蜜糖，幾惹味。3.滑蛋方面佢係屬於乾身，同出邊嘅濕炒係有方別。總括而言，以一份$25嘅價錢可以食到扭扭粉，炒蛋，鬆餅，性價比十分高。…查看更多

好久沒吃肯德基，中午到尖沙咀取證，順道進去快速午餐，叫B2餐再另外及2個蛋撻，有雞塊～雞翼～米飯～薯餅，送兩杯飲料，看起來好豐富！:)炸雞腿好多汁，但雞胸肉就好柴，薯餅一般般米飯不錯，兩杯可樂，時日消費135元，性價比高！…查看更多

晨早遠征出尖沙咀，9點幾就到，都係為咗拎PASSPORT…點知條人龍長到…………橫掂有排等拎完籌搵地方食個靚早餐好了，近近地好在有間KFC，除咗平時脆卜卜炸雞，其實我更愛早餐有汁嘅家鄉雞﹗類似磨菇飯嘅味道，雖然唔辣但其實好惹味了﹗不可或缺嘅仲有焗鬆餅，KFC好奇怪，TEA TIME一時時有得買，早餐就必有鬆餅，幾蚊件鬆軟入味，蜜糖面軟滑內餡，點解唔全日供應架……腸仔偏咸、炒蛋有點過老，仲有個茄湯扭扭粉，咖啡如果濃味返D就好了…查看更多

收工嚟諗住買啲嘢食下，一開頭都冇乜嘢，等到一個較高嘅女仔叫飛，我本能諗住伸手去接，結果，佢直接將我嗰袋扔落去枱面！成件事勁唔尊重，我成程一粒聲都冇出過，完全唔明白點解會咁！我明食得快餐服務質素唔會話好到好似西餐廳，但你都唔洗將我啲嘢扔出嚟！佢仲要好似咩事都冇咁，繼續轉身同同事傾計。我唔明白點解唔可以好地地咁比我，要用到去「扔」呢個方式。希望員工可以好好改善下自己嘅態度！唔該！近期內都唔會想再過嚟！…查看更多

同朋友嚟尖沙咀staycation，夜晚見肚餓就去左附近KFC買宵夜🤣🤣落去先知原來KFC出咗新口味，蜂蜜芥末脆雞，聽落好吸引😋即刻買來試試😂😂！我哋叫咗個蜂蜜芥末脆雞餐，加個蜂蜜芥末脆雞卷🥰蜂蜜芥末脆雞同平時一樣有兩隻雞，雞皮上面有啲蜂蜜芥末粉，咬落去蜜糖芥末味好出，酸酸甜甜好開胃😍但雞肉就冇乜蜂蜜味🫠不過kfc有另外配一盒蜂蜜芥末醬，可以點落啲雞肉到😬另外再試埋佢個蜂蜜芥末脆雞卷，個包裝設計得幾好，唔洗徒手掂到雞卷💯不過一打開個賣相就唔係太吸引😮‍💨。。。食第一啖只得好厚嘅皮🫠，跟住先開始食到啲雞肉同菜😮‍💨塊皮偏厚😣味道其實同蜂蜜芥末脆雞一模一樣，不過佢有配埋生菜味道清新啲跟餐仲有沙律，味道一般最好食係個葡撻😂😂😂整體黎講新口味一般，不過不失，得閒經過可以食下😂…查看更多

連KFC都寫食評好似過分咗但呢個蒜蓉包爆脆雞🍗真心好味我估都超過一年無食KFC一來家鄉鷄不太吸引我會寧願揀蜜蜂鷄🐝🐓二來最近好似無咩特別味道所以就無食到同埋最近間KFC搬走咗知道出咗蒜蓉包爆脆雞即刻撲去買今次個鷄係脆架！蒜蓉味恰到好處又有芝士🧀全部都係我喜歡的元素好滿意呢個脆雞🐓可惜期間限定 宜家想食都冇得食lu同場加映：阿華田脆脆葡撻我個人黎講覺得好岩口味以甜品黎講唔算太甜希望KFC可以出多D好味🐔…查看更多

又去左Staycation，Hotel個早餐實在遜色，出去食返個正常早餐先得！走去食好耐冇食嘅KFC！諗起以前初初學人去旅行，好鍾意係當地試下人地啲快餐～今日回味下呢種感覺！Super醒神雞扒餐$34賣相OK～蛋好食過麥記，薯餅普通，雞扒乾左少少！香蜜鬆餅$5呢個如果比多兩包蜜糖我就好啦😂口感係幾唔錯！拍得住大力水手炸雞果個！熱檸茶KFC嘅檸茶一向都Ok，今次都一樣！整體真心抵食嘅！但只限間唔中一次😛…查看更多

見到KFC有新嘅Oreo味鬆餅，作為KFC鬆餅嘅鐵粉，一定要試吓！點知有啲失望🙍🏻… 鬆餅比較甜，原味係蜜糖嘅甜，但係新嘅就係朱古力嘅甜，上面有啲早餐Oreo粒，連埋鬆餅一齊食，口感普通冇特別夾。之後想買多一個原味鬆餅，不過佢話冇… 唔知係停產，定係想推新嘅口味而做唔切舊有嘅原味 試一次就夠啦，唔會再試第二次啦⋯⋯…查看更多

個L2下午茶餐2:30推出、成日都抵抗唔到呢個引誘雖然好高卡路里！但真係好好食呀！佢個雞髀超大隻而且啲肉仲要好滑添！成日都係即刻炸㗎所以真係好熱辣辣熱到要擺一陣先食到！非常新鮮熱辣！我食咗幾次都係好熱騰騰的！開心指數係爆燈仲有個葡撻！仲要配埋可樂你都可以轉其他嘢飲嘅不過好鍾意飲可樂先至襯囉！重點係佢淨係$30咋就可以食到啦！話明下午茶所以嗰個時間先至會有囉！同埋成日都喺呢間買嚟食㗎啲員工都服務OK嘅！咁多間來講比較下都算OK～係食咗五次有一次隻雞髀未熟囉，好腥臭啊浸味，已同佢反映，當然冇換唔會咁麻煩～只係唔想下一次食嗰個又食到囉🤭…查看更多

今日話用Yuu咭可以用$72買2人餐，有4件雞丶2個葡撻丶2個大飯同埋2杯汽水，都好耐冇去KFC，所以見咁抵就好試吓。這間店唔算好大但係應該係新店，見到d裝修幾新淨。脆辣雞好大件有2件，另外2件係燒雞，脆辣雞外皮仍然同以前一樣好脆，𥚃面雞肉係有肉汁，雞肉嫰滑👍🏻燒雞望落去夠色，外皮有少少蜜糖味，肉質都滑但係唔會好似脆雞咁有肉汁，味道唔差嘅。葡撻正正常味道。雞皇飯同蘑菇飯個飯係大飯size，飯就淋咗少少，味道一般。$72嚟講都好合理同好味，同埋真係食到好飽！…查看更多

近排附近新開左KFC 諗住去試吓期間限定嘅~ 燒雞扒肉醬芝士焗飯 平時都係食開雞皇飯同埋蘑菇飯😋-燒雞扒肉醬芝士焗飯 $48喺餐廳大概等咗2分鐘左右就好快咁拎咗個外賣走 一打開個飯盒應該似係擺咗喺度好耐(｡ ́︿ ̀｡) 就聞到好香嘅肉醬味 平時都幾鍾意食肉醬意粉㗎 諗住肉醬飯都唔會差得去邊(≧▽≦)啲肉醬都算幾香 不過係偏酸既肉醬(我自己就唔太鍾意因為覺得太酸配飯食唔好味) 都會食得出有少少番茄醬味 中間仲會食到細細塊洋蔥, 芝士雖然唔算好多都叫做有少少😂😂但係啲芝士一啲都唔香 無拉絲:( 😿但係雞扒就...好細塊 同埋入面好乾 咬落去仲有少少硬 仲諗住KFC啲雞扒會好味啲添(´Д` ) 幾啖好快就食完快雞扒lu 飯嘅份量都算正常 但係雞扒就真係完全唔好味 唔知係呢間分店咁啱焗得唔靚~~~…查看更多