肯德基家鄉雞 (KFC)

营业中

休息中

今日放工後同左朋友去KFC食下午茶.其中一個餐係：Y1 餐有兩隻蜜蜜燒雞全翼 兩隻蜜蜜燒雞中翼一條原條香熱粟米，原粒牛油，中汽水.蜜蜜燒雞翼🐔係香烤風味 我最鍾意佢既蜜糖味佢又多汁 啲肉又滑❤️之前只係得蜜蜜燒雞全翼 而家有埋蜜蜜燒雞中翼 超正😍 .蜜蜜燒雞全翼🐔相對食得無雞中翼咁方便 熟度岩岩好 啲肉都好嫩滑 好味到我呢啲咁懶既人都要食埋隻雞翼尖😜.原條香熱粟米🌽經典回歸以前先有竹籤拮住個粟米 好有回憶我搽哂成粒原粒牛油🧈落條粟米度 變得好滑牛油的鹹香味帶出粟米既鮮甜 仲要粒粒飽滿仲要依家其他一人餐都可以揀配原條香熱粟米食啦！#KFCHK #蜜蜜燒雞翼 #香熱粟米

樂富外賣 夜晚唔多人 唔仗排隊3件雞餐 + 大百事 ~ $393件雞 1胸 2件雞肶細size百事可樂 汽水冇汽微苦味肉丸雞皇桶飯餐 ~ $25半碗飯份量 唔大碗 飯淋軟雞皇汁好味 金宝湯嘅味道雞絲3小條 薯仔粒紅蘿蔔粒少少

上網見到KFC 新出鹹蛋黃金脆雞，香口野仲要金黃色真係好吸引，今日下午茶要食佢。鹹蛋黃金脆雞鹹蛋黃金脆雞及鹹蛋黃金之翼，鹹蛋味香濃，黃金脆雞有雞件和雞脾位，外層香脆，炸鷄脆嫩，雞件辣得惹味，雞脾啖啖肉好juicy。流沙黃金新地鹹蛋同雪糕奶味好夾，冰凍幼滑雪糕，配上熱香滑溜流沙醬，配搭食好惹味。套餐還配有馬鈴薯蓉，非常滑溜，加埋冰凍汽水，透心涼，這個下午茶好惹味！雖然好邪惡，但係好惹味，間中食下都幾好。

好耐冇食過KFC，今日同老公係樂富一齊食晏，經過見到KFC有個幾抵食嘅餐，所以就行咗入去。諗返起上一次嚟這間KFC食嘢，已經係成年前嘅事😅午餐時間人流都幾多，不過由排隊至買咗個餐坐低食都唔算太耐，亦唔覺好擠擁，座位與座位之間唔會太近，裝修簡單整潔，不似快餐店的格局，反而有啲似西餐廳。我們叫咗兩個餐：A4黃金盛盒$39.91件牛油粟米黃金雞1客格格脆薯塊1客大磨菇飯1件葡撻1杯百事可樂3件雞餐$393件原味雞（老公唔食辣）1杯百事可樂相比起兩個餐，黃金盛盒真係勁抵食，有四款唔同嘅嘢食，加杯可樂，粟米黃金雞🍗更加有香濃嘅牛油粟米味🌽，好特別亦都好好食，雞、薯格都熱辣辣、脆卜卜，蘑菇飯大大盒，仲有甜品葡撻，好豐富👍 兩個人食兩個餐都食到捧住個肚😁正呀！

之前下載咗kfc app, 發現裏面其實有好多優惠，其中一個好似係$68嘅套餐，當中包括左四件炸雞，兩杯可樂，仲有薯格，同埋兩個細嘅飯。另外我哋都加咗$20蚊6隻雞翼，仲有$10嘅兩個葡撻。買單好似都只係91蚊，就有超級多嘅嘢食。兩個人食真係可以好飽。不過間唔中佢哋都會喺網絡有一啲好優惠套餐，包括$50.六件雞等。所以睇吓大家睇唔睇準時機啦。至於口味方面我哋今次都揀咗辣嘅雞，依然係非常之香脆，水準保持得好好！

而家出街食餐晏晝飯閒閒地起碼$4、50蚊一餐，要食得平d慳d最好就係等多一陣，搵下午茶食😆😆😆今日3點3黎左樂富kfc，原來呢個年代仲可以唔駛$25蚊就食到一個茶餐😱😱而且仲要食得飽😱😱😱真心抵😭😭樂富既kfc都好大，而且坐位都好寬闊，亦都有bb櫈提供。下午茶餐有4個選擇，而且款款都係$23蚊。每個餐都一定有雞、葡撻同飲品，再睇下自己想食飯定通粉😋😋叫左一個s1同s3,仲做埋kfc會員送多個葡撻，埋單都係$46，好飽好滿足🤤🤤

樂富間kfc都幾大幾開揚，見有新出口味，所以決定試一試🤤🤤新出口味係黑蒜脆雞，就咁睇圖，好似好吸引咁😍我地有3個人，所以叫左個A3套餐，個餐有6隻雞、3隻巴辣香雞翼、3件葡撻、3碗飯、1盒巴辣雞粒同埋3杯汽水🥤外賣返到屋企先知，原來呢個餐得2件係黑蒜脆雞，另外果4件只係普通既雞😅😅，3個人每人都分唔到1件新口味🤦🏿‍♀️講返舊雞既味先，黑椒同蒜蓉味都唔太重，而且佢既味只係喺面頭塊雞皮上，雖然帶黑白芝麻喺面，但食落小小芝麻味都無，而且無隻雞既芝麻分佈都好唔平均，所以。新口味，試一次就算了而磨菇飯叫左多汁，佢真係比多左好多汁我✌🏾✌🏾而薯格係因為會員關係，買A3套餐，有得送😎😎😎

昨天傍晚有少少肚餓想食少少野，但巳過下午茶時間又要留肚食晚飯，唔想食麥當勞但KFC嘅水準就每況愈下令我愈來愈少幫襯，但在沒有選擇下就入咗KFC買咗一件原味雞胸一隻香烤蜂蜜雞翼同細汽水，真係估唔到件原味雞胸係我近十年食KFC嘅驚喜，肉質亂滑，juicy，美味越食越開心，但香烤蜂蜜雞翼又乾又硬又冇味，非常難食不值一提，希望KFC繼續努力改進，等我有繼續幫襯落去嘅動力

屋企今日無煮飯 天寒地凍 買外賣返屋企食就最好😏😏落屋企附近 樂富商場睇下有d咩食經過kfc 傳黎陣陣炸雞味 聞到流哂口水🤤🤤即刻買返屋企先🍽🍽kfc買野食速度真係好慢好慢好慢🐢🐢🐢可以考慮學下人地「x當勞」咁 自助點餐又得 排隊又得 服務 速度 都提升左葡撻又點少得 焗到熱辣辣焦糖面又香脆一定要食白汁雞皇飯 不過不失一般水準狂野香燒雞 更加係我媽子favourite 無炸雞咁熱氣 燒汁整得好野味雞又夠juicy 👍🏻👍🏻

今次同三位朋友去KFC食晨光第一餐  估唔到200蚊都唔洗就品嚐到一餐豐富既美式全餐首先打頭陣既係薯格同雞粒,  可能係因為我地係全間KFC第一檯客, 雞粒外脆內軟, 薯格色澤金黃  口感油而不膩相信唔少西餐廳都做唔到呢個水準, 當然因為太好食 唔記得左影相. 我曾經去過多間法國餐廳 如:cafe de coral 都做唔到呢種質素.再下一道就係雞皇飯同炸雞, 雞皇飯的飯,汁和雞的比例 可以算得上是黃金比例 即使改名為黃金雞皇飯 再加價10元 仍是超值.  至於炸雞, 相信不是甚麼韓流炸雞能夠相提並論. 難怪KFC伯伯由孩提時代食到年過半百 仍未厭惡.最後必須一提的就是甜品 - 葡撻,  作為本餐最後一道菜, 葡撻給我的感覺有如初戀. 當我在食前觀賞的一刻 已有心跳加速的感覺, 直至咬了第一口才了解戀愛的甜味. 直至食完一刻, 仍能感受失去初戀後的淡淡回味...一切味道絲絲難忘...而幸運的是我有在這場戀愛中 留下一張最美麗的照片...相信數十年後  我回看這張照片 仍能感受當時心跳

無諗過食kfc都咁令我想寫食評😤星期日去完樂富圖書館睇書📚📖突然想食雪糕🍦🍦先發現原來樂富廣場附近係無haggen daz🍨靈機一觸想起kfc都有新地同甜筒賣🍨🍦去到kfc🍗見到好多人排隊🚶🏻🚶🏻‍♀️🚶🏻🚶🏻‍♀️🚶🏻👫🚶🏻🚶🏻‍♀️有時間就排下啦大概五分鐘終於可以買啦😃跟住就同收銀講要甜筒呀唔該🍦🍦個收銀用極差既態度話：「講number呀」我本身有近視睇得唔係好清楚🤓我話睇唔到喎😡😤😡😤有人就即刻幫我講左個號碼個收銀就無出聲收錢然後俾🍦🍦我地講返個甜筒香草味幾重又夠滑但唔知係用咩油呢好似好耐食最美中不足係食食下有冰碎

Tried KFC's new Santorini Crispy chicken because I like Greek food.It was quite disappointing because it wasn't really Greek style.The sauce was not even made of yoghurt and there were no olives.I also tried the soft serve which had a strong vanilla/white chocolate taste but not as creamy as advertised.

放假訓到自然醒，起身唔想煮就落去食個早餐啦。叫左個Deluxe醒晨雞扒餐($29)雞扒好細舊，但都係嫩口，滑嘅。滑蛋份量又小又乾-_____-好鞋，唔好食。多士都係偏乾，唔中意食，多士都係要外脆內軟先好食。連腸仔都係乾，咩料子，表面可以一滴油都冇嘅，自己係屋企整都好過佢啦！成SET野係得件雞同個雞湯通粉OK，感覺唔係好抵。

我係100%KFC粉絲，每逢出新口味總會抽時間試試。儘管KFC已經係知名連鎖店，但香港一直流傳，不同區分，不同分店都會有不同之食物質素，今次，我到了比較少踏足的地區--樂富，試一試樂富的味道。大阪燒炸雞套餐$39.9, 炸雞2件，葡撻，磨菇飯，汽水樂富店環境清潔，但未見有洗手位，中午時間客人不太滿，容易有座位。大阪燒炸雞， 兩件雞意外地迷你，外皮炸漿偏厚身，麵粉較多。外皮沒有辣味，靠啡色的大阪燒醬料調味，口味似"小丸子"汁，份量唔太多，另外，每件雞上都有蛋黃沙律醬，味道跟雞配合，但奈何size迷你，皮厚，炸漿厚，今次感覺普通。

本來想去試下肯德基新口味，點知出曬事。一去到見到有成二十人排緊隊，雖然有開三個櫃台，但每個order都要處理幾分鐘，最終我等左十五分鐘有多先買到野食，期間見到大堂，好多盤食完放o係台面無人執，擺明人手唔夠。新口味脆雞係Pizza味，首先外皮炸得好脆，皮上面有好多茄汁同條狀芝士，茄汁偏酸，好開胃，芝士則有點咸味，由於炸雞既熱力令芝士呈半融狀態，食落去有小小煙韌既感覺，仲可以拉出絲狀。雞肉好滑，而且仲有小小汁同雞油，味道很豐富。另外仲有個小薯蓉，好熱好黏口，呈胡仔狀，個汁有D似黑椒味，但一D都唔辣。