肯德基家鄉雞 (KFC) (已結業)

年多前同朋友仔決定要走勻全港，搵出整雞最好味既分店出黎。可惜都因為大家月巴左好多而要擱置落黎。今次突然心血來潮，加上之前報紙送左疊coupon，更重要是減月巴成功，於是就走黎獎勵下自己。4件巴辣雞(雞上脾2件，雞翼及雞下脾各1)+ 薯格 + 蘑菇飯2碗 + 汽水2杯 = $55後再追加mocha mousse (有coupon，所以只需$5)巴辣雞，無論係咩位置，都比從前既細了，仲要係痴左好多粉。最恐怖既係，超級多油，一路食d油就一路流落我隻手，感覺到果度至少有一兩湯匙囉。另外，雖則話係巴辣，但真係食唔出辣味，睇黎佢俾錯左。薯格，成日上網都見到d人投訴話薯格太少，明明話有80g，但都只得小小既3.4舊。可能今次都叫得多野，佢要另外俾個碗黎載薯格，所以少極有限。由於係食飯時間，人流多，所以薯格都夠熱夠脆。本來是蘑菇飯同咖哩飯各一，不過佢話咖哩飯無曬，所以黎2個蘑菇飯。好失望，一來2個飯都係唔滿(一個得7成full，另一個更係得5成)，二黎d飯溫溫吞吞，朋友仔食左啖就唔食lu...mocha mousse 細細兜，分2層，上面係咖啡，下面係朱力，雖然幾有咖啡味，但朱力無味，而且唔夠細滑，貪

上個禮拜六入珀麗灣前醫左肚先,家人話要試食新產品黑椒特檸大雞翼套餐.黑椒特檸大雞翼：都係普通雞全翼,但加左黑椒香辣惹味,配青檸一片，可隨個人喜好滴多少在雞翼上,減低油膩感雞寶：好似食緊炸粉咁磨菇飯：同平時一樣,都係好食嘅薯格：保持一貫的水準唔算太驚喜,亦唔係太柢食.可以唔使特登試

七月三十日(星期三)原先諗住上星期食KFC,點知我腸胃炎,要廷遲到今日先可以去食,都好閔,仲差兩日今個月就完la今次選呢度,因為Peak Season,所以去唔到遠,呢度以前只有上層,下面係間拉麵店,不過大半年前就關門大吉,KFC就連下面都租埋,不過就close左係蘭桂坊果間…我地好早己經來到,都唔算多人,所以我地可以食得無咁閃閃縮縮(話晒我地兩口子人都係食一個四人份量既桶餐!)嘩!野飲剩係得雪碧,我轉左一杯做凍檸茶,而老公仔就轉左一杯柚子蜜…開餐!D雞好似比以往的細左少少,不過咬落無乜油,肉質又幾鬆軟,唔知係唔係無咁多人既時間會炸得好d…雞皇飯,磨姑飯都係一貫水準la…好味…完成今個月既任務.老公仔係KFC既fans,食完桶餐做lunch都唔夠,今晚又”騙”多兩位同事同我地食KFC!因為佢話要試新出既”黑椒青檸炸雞”,個真身同相入面既相差都幾遠,不過食落都唔錯,既有黑椒既辣味,又有青檸既微酸…兩種味都不太濃烈,都幾夾…和同事講開食經,Pierce Chicken新分店就來開業la,地點仲就腳好多…期待中

同媽咪食了個4號下午茶套餐: 葡撻+2隻雞翼+咖啡, 另外加8蚊試左個新出既珍珠巴辣雞粒成個茶餐都縛滿意, 不過個珍珠巴辣雞粒就認真麻麻...得6粒, 好細粒之餘, 個皮仲厚過雞肉... 8蚊真係好唔抵! 原價$9.8更加係唔值!

五月九日(星期五)今日暫別前last day in office,要食番個早餐先!老公仔話黎呢度食!有coupon 18蚊就有一個餐:我要左蜜糖鬆餅,蕃茄通粉同埋pepis!呢度既scone唔錯,好大,而且夠honey!通粉都唔錯!不過蕃茄湯不夠濃!老公食左牛角包,腸仔通粉同熱奶茶!牛角包如果係熱d會好好食,而家都唔錯,幾鬆軟!腸仔就一般啦!

中午一個人去食KFC, 好耐冇黎呢邊食野, 原來KFC已霸埋樓下檔丼. 前面有大order, 始終是令人頭望望, 大問點解條隊唔郁既.....發覺此舉可增高. 男男女女都要"gak"高, 睇下前面個搞乜.多了一層, 以往有得食, 冇得坐情況大大改善, 上面冇好坐既位, 下面有. 以往丼的格局裝修未改, 但檯檯凳凳已是KFC style, 同埋已經Maximise capacity. 雞, 冇話好唔好食, 1號餐可改一辣一唔辣, 但想改粟米唔得. 淡淡肉, 有少少過火...不過, 這是美國人Style.

三月二十日(星期四)番左去搵老公,諗住之後去做gym,所以都係食個tea先!叫左佢個新出既雞腿包餐+雞脾+薯格個包幾好食呀!件雞炸得唔錯!薯格亦有水準!同埋有coupon送salad,仲有葡撻....所有都好好食!!慘喇~~因為老公仔中意食KFC,而家我都好中意食tim-.-

叫左兩件雞,一個雜菜湯雞(上肶,胸,唔辣)-勁鞋口,d皮個邊太脆,我唔係expect去kfc食呢d質素的食物!雜菜湯-個味都啱啱好,但係d雜菜好似煲得唔夠耐,仲係幾硬!

5點幾, 路經呢度食個下午茶人頭湧湧... 好多菲傭呀!幸好仍在一樓找到2人位用coupon食了2件雞, 巴辣雞上脾同下脾, 再加一杯咖啡巴辣雞真係好味, 其他快餐店既炸雞實在比唔上咖啡都ok呀, 不過用紙杯裝, 比以前的杯細

(13/11/07)通心粉引發作,食左個蕃茄雞絲通粉,配上次飲唔到既mocha。雪雞味,蕃茄就是蕃茄,不要妄想做出蕃茄湯。香腸通會好食過蕃茄通o羅。Mocha(+$5)幾大杯,味道平平。

是另一個在公司吃飯的下午，同事去買肥佬上校，不想吃得太熱氣，就囑託其買了樓下的便當。汁燒雞扒便當，是一塊煎雞扒淋上燒汁，當然那濃濃杰杰的燒汁，我是避之則吉。雞扒不熱，飯又太濕，不用多評，總之不好吃。隨飯還有沙律及咖啡一杯，埋單46蚊，貴得令人難以置信。早知叫同事買吉野家好過。

朋友仔近來有好多麻煩事煩擾佢，為左令佢開心d，兼且突然想起kfc出左新產品，當然帶佢黎試下啦。要左2舊脆爆雞槌。買完都未食已經覺得麻麻地，因為唔同平時食開果種皮，而且得雞槌而唔係雞上脾。食落去一d都唔juicy，另外係外形上覺得好熱氣。我地一致決定巴辣雞上脾係最好食既。

上星期同朋友仔係ifc睇完1408就黎呢度食野，叫左2隻雞2隻蜜蜜燒雞翼同2杯cola。雞，明明係要巴辣味，但俾左原味，而且油稔稔，似係翻炸過。蜜蜜燒雞翼，好普通。cola，用膠杯，夠環保，而且無叫少冰但主動俾好少冰，值得一讚!!

(7/6/07)新出咖啡、早餐。熱烘牛角包,ok幾香,而且仍頗脆。本來想要mocha,但店員說咖啡機壞了,咖啡做唔到泡。既然不是原本風味,便要番原味亞拉伯咖啡,很一般,無特別,更無驚喜。原價值$21??......咪玩啦!

(15/5/06)牛肝菌汁雞排意粉,牛肝菌汁唔錯,很有菇味。炸雞排炸得過火。雜菜湯怪味,薯粉攪到杰晒。沙律有菠蘿,椰菜絲,雜亂的一兜。越來越沒熱誠的一間快餐店。