肯德基家鄉雞 (已結業)

我都幾鍾意食雞同食家鄉雞，但係呢間分店d食物認真唔得！我尋晚8:45左右去食一個"$21至識揀"套餐(2件雞、細薯蓉、+$1 轉奶茶)。個2件雞又乾、又"鞋"、又唔熱，好似食紙皮咁。個薯蓉一d都唔熱，暖都唔算，充其量叫做『唔凍』，又唔夠滑，食落有d一粒粒細細粒o既野，唔知係粉漿開唔混定係薯仔打唔夠爛(唔知KFC用咩方法做薯蓉)。總之成個餐好難食，好失望！臨走前去左洗手間....救命！成地廁紙碎！亂到暈！總括一句，呢間KFC好令人失望，亦令我對KFC 呢個品牌信心大打折扣。補充︰本身$21價錢幾OK，但抵食抵食俾2分係因為物非所值。服務俾2分--多d 巡下個廁所啦！

有幾次去到蘭桂芳開會, 趕住個lunch, 走左去雞記, 中環應該水準好d架? 係咪? 但係呢間野我食過2次都超勁難食, 個d雞又細件又硬晒又唔熱(我食dinner時間去架!!), 蒲撻又涷冰冰, 有一次個辣雞包重衰, 個雞扒好涷好硬, d油入晒個飽度, 好難食啊間野又熱到死, 我以後都唔會貪方便係個度食, 情願行遠比多d 錢去翠華好過

新鮮出燼好好味!!不過略甜同溜~

格格薯塊真係好好味~~我不嬲都嫌kfc污糟!不過都要去食一食格格薯塊~一個細要$7有點貴, 不過我覺得值!!!

一個鬆餅+兩件雞柳+中汽水=15蚊雞柳好多炸粉, 雞肉要食到好入先有, 所以感覺有D乾. 依個麻麻地.鬆餅, 面頭好多蜜糖, 甜甜地好食. SIZE好似比以前大個左少少.試左朋友既焗西米布丁一啖, 好多西米好吸引, 但自己本身唔鍾意食吉士, 所以麻麻地. 但朋友就話好好食, 唔太甜, 10蚊一個雖然都同個SIZE唔合比例, 同滿記差唔多啦個SIZE, 不過平差唔多一半價錢喎.

好耐無踏足過鬼佬快餐店，尤其係KFC，今日來純粹因為個同事話個早餐幾抵食，同埋個鬆餅好似都唔錯。叫左個「至尊級」早餐，稱得上是至尊級，份量當然唔少，有塊雞扒、一兜腸仔粟米通粉同個香蜜鬆餅，再加任飲的咖啡。我係睇住幅圖畫來選擇，但個outcome的份量係比圖示仲多，雞扒幾厚，雪藏雞胸肉當然味道係麻麻，但食完飽左一截；鬆餅比圖示的大好多，型狀呈三角型，甜甜的外皮，感覺似個大的消化餅，味道幾好，食完又飽幾成；剩下的腸仔粟米通都不能食完，因為已經飽了；任飲的咖啡奶茶味道當然是普通到唔普通，飲齋啡都覺無咩味，不過價錢咁平係咁上下，所以都係無添到。價錢19蚊，以份量計唔算太貴。粗略估計，這個餐其實兩個人都夠食。

蜜汁燒雞翼好好食呀, $8.5一隻, 價錢算ok la, 冇fried chicken咁肥~ 食左3隻, 好鬼飽~~~

The size of KFC's puff is very big - as big as a fist! It tastes ordinary, however. I think puffs of beard papa is the best.

新推出的燒汁雞扒包有欺騙成份,因為包內的雞扒根本完全沒有燒汁,味道又十分一般.

I visited this branch today with some of my old colleagues (my purpose was to buy the Doraemon plush).It's very, very crowded; the number of seats are not enough. The quality of food is acceptable. Service is just marginally acceptable but it's a fast food shop anyway.