肯德基家鄉雞 (KFC)

营业中

休息中

依家$28一個下午茶仲可以喺邊度食？冇錯，就係肯德基喇佢價錢平，但唔等於嘢食少佢個配搭必然會有一嚿雞啦, 自己揀炸雞定燒雞我個人嚟講就鍾意食佢嘅燒雞, 呢一個係燒雞翼都唔會整到好乾身, 好柴皮嘅感覺, 雞皮亦都會有燒過嘅香味, 算係做得比較好嘅一間跟住嘅薯蓉就正正常常普普通通冇特別啦葡撻就一如以往嘅好啦, 食得肯德基，有時都係為咗佢個葡撻另外提一提大家記得記得一定要用app 嗌, 因為我嗌兩個餐食夠$35就會送一個葡撻, 食多一個葡撻即刻感覺圓滿曬

做完嘢行過諗住買個外賣，老實講都唔期待會有咩服務，但都唔好係咁囉我企係點餐處想點餐，無人，隔左一陣有位哥哥走埋嚟落單，面黑黑我坐左係取餐處附近位置等外賣，沒有新單，只有三個人在等食物，首先一位男士取餐，仲有三份外賣係枱上面已放好幾位員工就圍埋傾偈，我同另一位女士行埋去睇下食物得未，啲號碼就對住佢地自己，我地睇唔到，我知係正常，做嘢係佢地，又唔出取餐號碼，又唔叫號碼叫人攞無服務，我預左，仲要係咁樣，真係好差好差

其實都唔知幾耐冇食過KFC😂 今日會吸引我去係因為有好多yuu積分，用嚟換嘢食係最抵嘅！換現金係冇咁抵😂 我就換咗兩個葡撻加一個薯格😆 一蚊都冇用過😋 咁樣換葡撻係最平葡撻同薯格一直都係KFC嘅招牌食物， 我會行入去嘅原因主要都係因為個葡撻😚 質素嘅保證，真係好好食😋不過有啲油，但係喺香港來講KFC嘅葡撻真係好食🤪薯格都係🥰 薯格同普通薯條或者新年麥當勞獨有嘅扭扭薯條都係兩種食法🤪 不過我今次食有兩塊黐埋咗，所以中間就唔脆🥲 之前有芝士醬會更加吸引

早兩日先食完KFC嘅TABASCO新雞，唔夠兩日又出新野😏😏今次共叫咗$110，用佢個app俾錢$70減$7🥳🥳～～～美祿恐龍🦖迷你鬆餅～～～多咗美祿口味嘅鬆餅，正常😗😗～～～美祿恐龍🦖～～搵返資料‘美祿恐龍🦖’來自新加坡，係凍嘅美祿飲品上加上美祿粉而製成！的確比普通嘅美祿濃郁好多，撈勻後其實都係一杯濃縮左嘅美祿🤣🤣～～～燒雞扒雞皇芝士焗飯～～～大大塊雞扒，配埋芝士一定好味過普通雞皇飯，起碼呢個飯唔會乾，推推👍🏻👍🏻～～～狂野香燒雞～～～今次嘅香燒雞超出預期，焗得勁靚又食得勁Juice，肉質柔嫩！好耐都未試過喺KFC食到呢個質素啦！希望佢其他店都keep到啦🥰🥰

甜蜜草莓系列～～～朱古力🍫草莓🍓葡撻～～～上幾篇我就淨係比咗一粒星🌟，咁呢款同系列嘅新款式我又比幾多粒星🌟呢?🤓🤓～～～玫瑰🌹荔枝草莓🍓迷你鬆餅～～～玫瑰🌹+荔枝+草莓🍓咁多隻味擺埋一齊會係咩味呢？🤔🤔$12會有4粒細細粒嘅鬆餅仔，面積大約$5大少少，拎上手熱辣辣香噴噴！😊😊面上會‘淋’有淺粉紅色嘅醬汁，香味就係玫瑰🌹+荔枝味，甜甜哋！草莓🍓味有嘅但係非常啲淺！😓😓鬆餅配上醬汁一齊食就唔會好乾，同埋佢真係細粒d容易食，但如果啲醬汁可以多番啲會更好！😍😍呢款草莓🍓鬆餅好食過朱古力🍫草莓🍓葡撻好多、好多、好多，起碼佢唔油先啦🤩🤩

一個人食野緊要放肆! 第一時間念起炸雞!到食市門口，要檢查體溫先入得!堂食人不多，只有三、四枱。叫左一個雞餐，員工推介升級加$5有杯新出既荔枝火龍果梳打特飲，聽落都吸引，而且天氣很熱，汽水又唔想飲，一試無仿!! 員工好有禮貌，而且好快手就執好order，只係用左約10分鐘就執好。返屋企只係行5分鐘，拿拿淋拎D雞出黎食，炸雞仲熱辣辣，第一口咬落去，嘩... 相當脆口，D肉汁流出黎，而且很鮮嫩! 梳打特飲，有荔枝果肉同火龍果粿子，有口感，不太甜，好清! 不錯的選擇。外賣食炸野，都能食到堂食質數，呢間分店的食物水準相當高!!

今日到青衣城睇戲前行左過長發商場食野先。叫左個雞扒肉桶飯餐再用會員積分換左6件雞。雞扒拼厚切餐肉桶飯因為冇晒雞扒俾左燒雞我仲正，餐肉都香口加埋蘑菇汁仲好味道，要七喜少冰咁就唔使咁多冰。6件辣雞好多雞胸比較鞋口，雞腿比較滑，辣就都唔錯。

其實都知道依家既kfc 水準已經不如從前，但長發商場呢間唔單只食物質素差！連員工，經理，管理，都非常之差！！食物：烤雞烤到層皮乾曬！似翻烤咁！食落好似食緊紙咁！炸雞就已經非常耐無食過脆既雞！管理：已經試過好多次無論係下午茶時間，午餐時間或夜晚（8點左右）時間，長期供應不足！好多樣食物都話已經無貨！唔係應該定期補貨架咩？點樣管理架？kfc 出名食炸雞，但無炸雞？？仲要係經常咁樣！上website 寫意見....留曬email, 電話，無人理！無人回覆！！員工：服務態度差不多講，已見慣！員工一路執食物俾客人一路同時係counter 食野，飲野？？有無搞錯？執左幾個餐就食足咁耐？仲不時拎部電話出來按！經理：對以上所有野視若無睹！仲不時出去食煙！！以上行為實在看不過眼！！太差！！