影片
营业时间
今日营业
07:30 - 21:30
星期一至日
07:30 - 21:30
以上资料只供参考，请与餐厅确认详情
招牌菜
相关文章
食记 (50)
KFC食咗咁多年都系辣汁蘑菇饭同鸡皇饭，今次终于有另一只汁，就就系日式咖哩汁，配上原本嘅鸡扒跟汽水，就变成日式咖哩鸡扒捅饭餐，但价钱呢就贵过辣汁鸡扒捅餐两蚊。但系今次第一次试食，个咖哩汁都唔错，以日式咖哩甜味为主，唔系东南亚式太多辛辣，所以都啱小朋友食，而且辣度相比辣蘑菇汁无咁辣，但唔知系咪块换鸡扒换咗，好似同以前有啲唔同，有D似大块既麦乐鸡，如果有其他foodie或者其他朋友食过，可以留言畀我，话畀我知系咪同以前唔同咗
继续阅读
突然炸鸡引起，近近地去KFC食吧，顺便试下新口味。晚饭时段都多人等拎餐，好彩自助落单机又唔多人排㖞。⭐台式三星葱脆鸡满足套餐试新口味台式三星葱鸡，炸鸡还好系热的，皮够脆肉也嫩，但个新口味好似某牌子嘅即食面味粉，哈哈，下次都系食返巴辣鸡得啦。仲加咗钱由葡挞转做珍珠葡挞，珍珠确实系有咬口嘅，但惊喜不大，下次都系食普通葡挞㗎喇。个餐仲有蘑菇饭同汽水，又真系几饱肚嘅。⭐巴辣鸡腿包滋味盒朋友叫咗鸡包套餐，包括薯蓉、薯条、饮品同炸鸡一件，价钱上就几抵喇，不过味道强差人意。个鸡包唔知系咪做左好耐卖唔出，入面块炸鸡炸到又干又硬，连𠮶两块汉堡包都系硬班班，咬落去𠮶下真系怀疑人生。薯蓉味道正常但微温，薯条都仲热嘅，但系发觉佢唔记得咗畀包辣粉，返转头问佢拎态度当然就好有性格啦，包辣粉都唔辣，落同唔落分别不大。意外惊喜系杯冻咖啡几好饮，汽水就正常啦。间中食下ok啦。
继续阅读
是咁的，KFC曾经推出过阿华田葡挞，之前食过系好食既，所以见到佢人气回归就买左几只返公司同同事下午茶。点知同事食上瘾，连续几日Lunch都去食KFC，我就顺便试下伏咁啰。① 麻辣口水鸡排桶饭餐 $29桶饭餐一向都几抵食，呢个桶饭有一块炸鸡扒，粟米以及两个酱汁。将甜豉油同口水酱淋落炸鸡上其实无乜违和感，因为食开黄埔间KFC都觉得炸鸡唔够脆，唔够嫩滑偏干身，加左酱汁反而较易入口。加上呢个酱少少辣，都几惹味，捞饭几唔错。② 阿华田脆脆葡挞 $13$58/6个或者买其他食品加$10，价钱好似都无变，贵过普通葡挞，但我觉得呢个阿华田挞正啲。除左面层铺满脆脆，咬落仲有流心阿华田酱！见到我同事每日都食3只就知咩料啦！不过都有另一个同事钟意原味葡挞。③ Fing Fing薯条 $5呢个快闪价已经无左，其实推出薯条之后就无左薯格，人地出左咁多年Shake Shake薯条，口味又多，呢款卡真粉又几好味，微辣带香，几似热浪薯片，而薯条偏粗身，口感唔错。.不过我成日觉得KFC食物质素好睇分店，公司附近呢间真系麻麻，之前食过早餐连松饼都唔够松软，炸鸡就真系次次都伏咁济。
继续阅读
食早餐，正，9点多人，依间等得耐d 。 肠有肠味 可乐有可乐味 包有包味。日日黎其实写kfc食评既人系咩心态😂😂😂😂 下次我会写 m记/大家乐。 可乐好好饮😂😂😂
继续阅读
喺黄埔附近行下街…最后一站行到聚宝坊…已经体力透支喇…想揾个地方坐低咬少少嘢…见到kfc咁多位就入去坐啦…呢间分店座位都算干净…而且都唔系好多人…我哋决定叫两个下午茶餐顺便坐低抖抖…好耐冇食过kfc…估唔到而家下午茶都ok抵食㖞…26蚊叫咗个巴辣香鸡翼餐(惹味依然但偏细只), 有一盒普通蘑菇饭(蘑菇汁水准正常但饭偏硬) ，两件巴辣香鸡翼，一杯百事可乐，一件经典葡挞！！ 对于唔系好肚饿嘅我哋嚟讲…呢个下午茶都算够食丫…
继续阅读