肯德基家鄉雞 (KFC)

营业中

休息中

2025年2月15日晚上9:07有兩名操普通話的紅衫執餐員工表現極不專業，服務過程非常混亂啲餐執到亂晒，呢兩個員工自己都唔知自己做緊乜嘢嘅情況之餘竟然仲有時間兩個喺度有講有笑，然後我哋班食客就喺出邊望住佢哋傾偈等緊我哋勁耐都未有嘅餐。經我檢查之後果然，我果份少咗個蘑菇飯。發現執漏同返呢兩個職員講亦一句唔好意思都冇這並非呢間分店第一次出現此類問題，呢間嘢過去都多次發生執漏事件（接近100%買親都漏），以致令我返到屋企先發現餐點不全又要返去攞漏咗嘅餐點。奉勸如果大家一定要買呢間嘢嘅話，記得check清楚先好走！

唔好再幫襯，等得耐好似係應分。等咗20分鐘，大條道理同你講某樣嘢冇，要等多半個鐘。合理嗎？仲要冇打算提出解決方案，臭面！提供唔到網上落單嘅食物，仲要有理？話人手唔夠，冇辦法？！咩啊，太好生意，唔愁做！？過份到呢⋯⋯

今日唔知食咩嘢好咁啱見佢新出左個紅咖哩炸雞同榴槤葡撻就諗住試下，於是叫左個套餐外賣自取返屋企食叫左個套餐（三件雞、飯、葡撻同野飲）總共四樣野竟然可以執錯兩樣🤔無糖可樂變左柑桔檸檬，雞胸變左雞槌🤷🏻‍♀️咁都算啦，啲雞仲要炸到超柴超乾個新出嘅榴槤葡撻超難食，就好似係將榴槤糖溶咗之後塞落個葡撻度🫠個飯啲米都略乾仲有陣怪味成個餐冇樣野係好食嘅仲要賣六十幾蚊呢個價有其他更好嘅選擇應該冇下次👎🏻

買過幾次外賣 執錯食物機率有八成 今日嗌咗早餐睇少一眼，綠茶變奶茶….另外職員態度極差 企喺度吹水拎個外賣好似得罪佢咁 講野惡眼超超 唔知點train返黎？真係可一不可再 要食KFC出其他區食

今日放工去到KFC, 排隊買野食，等左10分鐘都冇職員出現係收銀櫃檯，全部去哂執野食，我問左個職員（似係女店長）可唔可以落左單先？點知佢答我做埋手頭上嗰幾個外賣先，，，目測有四個職員全部都係執緊外賣，搵一個出泥落單真係咁難？！定係你哋唔想咁多客人，唔想做得咁辛苦答啲客過晒對面大家樂食？職員態度有問題好差，服務態度超級差，唔怪得最近KFC少咗咁多人排隊食，，，愈遲落單我要等嘢食嘅時間就越耐，難道客人嘅時間就唔係時間？太差！係職員服務太差，不會再光顧！

自從太和商場裝修完之後看似多左好多嘢食，但對我嚟講選擇都算好少。嚟嚟去去都係個啲嘢食。今日早收工所以無係公司食到午餐。返到屋企樓下想食少少嘢，於是乎諗起自己某個app有分可以換雞下脾。於是就走左入去換兩隻嚟食。三點零都算多人係餐廳食嘢。而我就選擇拎走外賣。一拎上手。心諗。死喇。點解會係個盒到浪下浪下嘅。係咪超級細隻呢。一路懷住要路要買多少少嘢食嘅心情返到屋企。一打開。好彩都唔算太細舊。應該頂到我去晚餐時間。kfc炸雞我不嬲覺得雞皮咸左少少。但呢兩隻雞脾都ok。唔算乾爭爭。唔洗錢嚟講絕對係ok