肥牛粉 (已結業)

之前睇雜誌,話呢間係加拿大有幾間分店,已經好想試.因為去過加拿大旅行時,食過既越南粉,真係覺得好好味,成日希望係香港都食到呢種味道.終於前幾日有機會去一試.叫左一個生牛肉粉.首先見到d牛肉,點解生牛肉都咁熟既.真係奇怪.跟住就試下啖湯,一飲就覺得係味精湯.粉既份量好夠,不過牛肉既份量就唔太多.牛肉同粉都一般,無咩特別.呢碗粉都要成$29喎,連芽菜都無碟,我見有d客人有既,唔通要叫$40的特別牛肉粉先有?如果係咁,就真係小家左d喇,芽菜都唔使好多錢咋掛.服務方面,我見有兩個女waitress,年紀大d果個好nice,另一個就唔多理人.我見到有甜辣醬供應.就問後生果位女waitrss比隻碟仔,佢好奇怪咁望住我話,我地無家喎,你用隻碗食咪得囉.跟住頭也不回的走左去.真係多謝晒.我都知用碗食d粉,我都唔係白痴既.所以我唯有用隻spoon去裝住d甜辣醬,全程拎住隻spoon咁食囉.一句講晒,我諗我以後都唔會再去囉.

放左工~行返去渣甸街食下晚飯先反屋企尋日去左食四川粉今日轉左過對面新開呢間肥牛粉試下~~我點左招牌牛河,同青檸梳打個牛河湯底幾好~夠濃味清甜~但係望上去好清裡面有熟牛肉~成碗裡面最好食係呢個同湯底~(味好好又鬆化~~)(湯底好過越盞)可能我去果時好夜啦~所以招呼都ok~無之前食評講得咁差啦~不過杯野賣到18其實係咪可以再大杯小小呢...碗粉 $40我覺得係cwb差不多價了...

對上次來辦貨，已留意裝修著的越南河店，是日別過朋友，吃碗Pho才回家。老闆同阿姐兩位招呼客，說是招呼，其實是自助式的，由放下行理到魚露都要自行拿取，期時只得五成滿客，難以想像如果客滿的話情況會如何。要了生牛河，吩咐牛肉另上，湯未幾上來，一碗還選得上暖熱的湯河，生牛肉放下很快就熟，沒有金不換等越南香料，怪，湯底味很薄，隱約喝到微微肉的甜，藥材味很薄，亦有師傅的味道，不算好難飲，但絕對是喝三口已經夠的質素，牛肉幾嫩又無雪味，不錯，最好的是扁細的金邊粉，煮出來條條分味，非一早煮好隨意擱置之作，口感略軟，是不錯的。魚露偏甜，很易入口，卻吃不到鹹鮮，很港式。埋單廿九元，阿姐對客的口吻是侍應大過客的，老闆態度又似是客「求吃」的樣子，希望只是自己心理作用，相信無再來的日子。

太傻太天真! 因為一本飲食周刊的食評(線稿) ...特意去了這間食店試食...說它是一間"無知食店",..真的無錯...1) 店員不知什麼是"檬汁" , 以為是魚露+指天椒2) 甜醬溝水,以為客人食不出嗎?3) 生牛內河的牛內是全熟,如要熟牛河....那就.....可能給你幾片牛肉乾4) 龍眼冰是幾粒龍眼+龍眼罐頭的糖水+珍多冰綠色一條條(但很硬..) ...我未飲過這種配搭5) 蝦粉卷無蝦味...真的是蝦嗎? 無檬汁,被迫用他們"特製"的醬汁(甜醫加辣椒絲加莞茜)用黎點粉卷更是"另有一番風味"6) 越南食店無檬汁放在台面...當客人是傻嗎? 還是食店負責人太無知..7) 中年男WAITER....麵都未開始食就以為食完...想收走台面上原封不動的芽菜....唔知他睡醒未?食物煮得唔好食,唔緊要,因為仲有機會可以進步,但是如果連誠意都懶得付出,那真的是絕對無得救.

今日行過入去試試, 叫了雞絲扎肉湯糘同熱越南咖啡. 服務生共三人, 服務都不錯. 但湯糘的雞絲同扎肉(2塊)份量太少, 味道一般, 食不到越南風味. 唯一咖啡有特色, 蒸餾咖啡慢慢滴下杯子, 再配一個六七十年代好興的水壺讓你加水, 幾得意味道唔錯, 不過價錢應調低一些.

我叫左生牛肉丸粉, 味道就一般普通, 完全唔似越南野. 最大問題係服務很差, 人手嚴重不足. 我一入到去, 呆左企系門口都無人理, 個阿姐淨系sao左我一眼, 然後就去serve 其他客人. 我知你多人你忙, 但你都可以同我講聲, 唔使我好似舊木咁企係度, 跟住坐低好耐都無人黎落order. 跟住我係倒檬汁個碗入完發現有頭髮, 當堂無西胃口. 一句講西, 價錢又唔係平, service 好差, 食物普通, 唔值得去.

行過捻住去食壽司, 點知見到越南河都好播, 味入去試吓囉, 食咗生牛肉湯河$29, 湯底唔ok, 仲比較甜, 肥牛就冇計, 因唔係貴, 順化湯河 $40, 就真係好唔抵, D料唔太ok, 春卷痲麻地, 近排開越來越多越南餐館, 比較之下呢間真係比較差!!!!!

很久已沒有試過這樣差的服務.坐下後沒人抹枱,沒人給menu,要叫先做.我未叫埋單就自動波拎張單嚟趕客.就算啲嘢好食都冇用,況且唔係得.雜誌線"告"害死人.我叫咗招牌牛肉河,正如樓下所說,d餸真係少得可憐.四份一粒牛丸,三條比雞腸還細的牛柏葉,三塊half size牛肉,幾條銀芽,五塊葉仔,冇辣椒,冇青檸 ---＄４０ !!! 我是但揾間都多過佢啦,有冇攪錯.我一定盡我所能叫所有朋友唔好再中計!!!

尋晚同老婆, 仲有個fd去食, 叫咗招牌牛肉河, 生熟牛肉檬, 熟牛檬+扎肉...首先d越南魚露唔正宗, 好似只有醋+糖+些少辣椒絲, 仲要問幾次先至有.d河同檬黎咗, d配菜問咗幾次先肯俾 - 乜而家d嘢真係咁貴, 乜都唔捨得俾咁.而且份量又少到爆, 諗住招牌河, d份量多d啦, d餸真係少得可憐.同區都有差唔多價錢, 又正又好食到多多聲架啦..總之食物同服務態度唔得, 咪駛旨意再幫襯!!

足於搵到間越南粉似樣D, 沒有咁"港式"嘅! 叫了一碗生牛肉粉, 湯底清清地, 好味, 粉又幼又滑. ok la自己點了點了越南咖啡, 試了一口, 咖啡都幾香, 下次要叫齊成家來食, 回味返"老溫"嘅正宗越南牛肉粉!!

看過雜誌的介紹，心想這間過江龍的味道應該不錯!放工盲順道來嚐嚐。雜誌除了介紹牛河外，還有介紹順化豬手肥牛麵，心想就點它。裝修新淨企理，服務員態度友善，而且手腳很快。有點口渴，叫了杯芒果沙冰止渴。一喝，有芒果味但糖水的味道更重，溫度也不夠凍。麵一來.... 碗很大，但份量很小;顏色好看，但沒有想像中的辣和香.... 豬手很瘦，得皮沒有肉...更差的是豬手的毛也未刮清.... 著實有點嘔心。牛肉不肥很瘦，味道不差但老了一點。說實話，湯底不錯，但極似農心辛辣麵的湯底.... 只是酸一點，甜一點，麵很很爽，但味道口感未至於頂級... 很快KO完便走了。同區以這價位還有更多的好選擇。

行過見到新開，門面叫乾淨，入去試下啦，點之好失望總括黎講都係同其他評語差唔多, 叫左個招牌牛肉湯粉, 黎到，好少料, 好細碗, 收$40 , OK, 算, 叫得招牌，試下味道, 哈, 一D特別都無，D牛肉勁唔得，勁失望另外食左個蝦卷, 係完全無味, 係蝦都無味。講杯青檸梳打仲谷氣, 個杯已夠窄，多冰到, 兩野飲晒, 洗唔洗賺咁盡, 超唔抵... 服務: 一般，侍應好生手，又唔主動俾水，擺明要你叫野飲... 小家左Do羅總結: 唔會再幫趁

放左學同BB去食下午茶, 見呢間新開ge越南餐廳, 咁就去試下啦...我叫左香茅雞扒撈濛...個waitress一拎碟撈濛過黎, 我即刻O哂嘴...我從未見過咁細碟ge撈濛, 係小食碟ge size...之後再睇真d, 兼食埋落口, 原來o個碟根本唔係濛粉, 係米線黎ge...咁叫正宗??唔係掛~撈濛變左撈米線, 有被騙ge感覺... d雞扒都ok ge, 同出面食o個d分別不大...另外, 正常撈濛ge葱係經過調味,咸咸地ge...但係佢d葱係冇味ge, 就咁切完就放落去...BB叫左牛肉湯粉...份量都係少左d, 但係冇撈濛咁少得咁驚人...d粉唔係河粉, 係金邊粉, 但係menu冇寫清楚...BB話d湯根本唔係湯, 係水黎ge, 一飲就知係頹野...以後都唔會再幫襯, o係CWB, 好過佢ge越南餐廳有大把啦

以越南牛河來說﹐可以講已在港濫開了很多間。見這店外還放了多個花牌﹐就知這店剛剛開了不久﹐所以就入內試試。店鋪與其他大型連鎖牛河店一樣﹐顏色以黑綠為主﹐但這裡的設計另顧客沒有一種溫暖感覺。本人叫了招牌牛河(生牛肉﹐牛丸﹐牛帕葉﹐牛筋)﹐而老婆要了熟牛腩河。仕應先上一碟芽菜&九層塔 – 但份量很少﹐芽菜只有幾條﹐一人份量也嚴少。牛河粉量以及各款牛料亦比其他大型連鎖牛河店少﹐但相信因這店位於銅鑼灣商業兼遊客地區﹐所以就算質素不太好都會有人幫襯。不知是否這食店剛剛開張或這店聘請一些沒太多經驗的仕應﹐他們的服務不太夠尊業。