肥姐小食店

营业中

休息中

忍唔住突登上黎寫個評價。因為經過，3月12號晚上6點幾去買外賣拎走，呢間店幫襯左好多年，好鍾意食，今次只叫左1份大皇牌。返到屋企打開好失望，三串裡每串都好細串，仲要每舊比以前細一半。。。。。我只要甜醬，點知落勁少。。最衰唔記得影相加價加到40蚊一份，如果能保持一向嘅水準，我絶對唔介意比多幾蚊，但變成咁真係好失望。聽講比左親戚接手，換人做所以變成咁？？希望老闆會見到呢個評論，遊客唔係成日黎買可能唔知有分別，但對於多年嘅熟客、成日買過百蚊特快隊嘅客，真係會好失望，等如趕客！拆自己招牌希望今次只係單一事件啦。。。PS: 一向好鍾意你哋嘅味道

【幾時都排長龍嘅好好味滷味】旺角小食店林立，其中不得不提「肥姐」*👅食物短評【Yummy好味】⭐️⭐️⭐️⭐️大皇牌(墨魚+大生腸+火雞腎)$40墨魚爽口彈牙，生腸爽滑入味，火雞腎厚薄度得宜，冰凍好味😋特別醬汁係呢兜港式滷味嘅靈魂，mix咗黃芥末醬、甜醬、甜豉油～***

已經無數次食肥姐，今次迫於無奈要寫開openrice第一次評價！個多月前買了外賣叫了潤返到屋企俾錯腎，以為自己叫錯。今日再買嘅時候，又發生同樣事件。今日因為有了上次經驗，所以搭到去尖東站有位坐就打開望一望啦，點知發現又俾錯。於是浪費了車費時間又搭返去換，點知佢話一早賣晒，咁我話點解頭先買嗰時唔講？你唔可以冇就是但俾串我，於是只可換番其他因為我太太唔食腎。連續兩次都俾錯，加上再之前又係有一次外賣返到屋企發現miss咗一串潤，有理由是差唔多關門博大霧！

講到肥姐滷味，個排隊長龍真係證明左「人多唔一定錯」。撩開街邊燈光嘅騷動，呢碟滷味，簡簡單單地直擊我嘅味蕾。食第一啖墨魚，爽脆得嚟彈牙，啖啖實物，正到彈起👌。點唔記得提個豬心，處理得咁潔淨，食落無多餘嘅味道，實在滋味十足。肥姐嘅滷水個味，要話香唔係得香咁簡單，係有層次、有驚喜。甜豉油淋上頭，同埋佢哋家嘅秘製黃芥末醬一夾，酸甜辣三重奏，為咁多鹹鹹地嘅滷味增添一抹清新嚟。生腸嘛，外皮微微有韌性，裏面卻軟綿而鮮美，呢個對比，真係好正🤤！唔好意思㗎喇，又講多咗兩句，實在係難得食到咁有滋有味嘅港式滷味，所以難掩我內心嘅一份興奮同滿足。如果你都愛好呢種簡單但味道豐富嘅小食，記得要去試一試肥姐滷味，唔好錯過喇！👍😋

大皇牌 (墨魚+大生腸+火雞腎) $40很久沒掃街了, 有點掂掛肥姐的串串, 雖然人龍依然, 但流轉速度快, 美食很快到手。對我來說, 皇牌和大皇牌是必吃的, 其實兩者差不多, 價格上相差$5, 大家都有墨魚和火雞腎, 只差皇牌是細生腸而大皇牌是大生腸而已。是次點了大皇牌, 阿姐會問是否這裡吃和是否加芥末醬, 我的答案全"是"。大生腸和火雞腎很爽口, 唯是日的墨魚有點腍身, 沾滿醬油, 甜醬和芥末醬, 十分滋味, 芥末醬直接沖擊眼和鼻, 感覺刺激。

唔係講笑，原來好多人都鐘意食滷味小食😂 肥姐小食店每次幫襯都排晒長龍，一次比一次多人排隊😂 排緊隊個時，就要諗定一陣食咩好，實在有太多選擇🤩⭐大皇牌墨魚、大生腸、火雞腎配埋特製醬油，甜醬同芥末醬食到舔舔脷😋 呢個組合樣樣都好爽口彈牙，咬落真係Jep Jep聲🤩 個醬汁令到愈食愈開胃越食

依間旺角小食店一向都人流不絕，每次行過都心思思想食番幾串，今晚見到唔算太長人龍，所以買番個🌟肥姐推介:皇牌(墨魚+細生腸+火雞腎$35有3串)三串食材肉質都好爽口又彈牙，配合埋佢甜醬、芥辣同豉油，真係非常好味!咁多年都keep到水準，真心覺得正!

🍽️ I recently stumbled upon a tiny street food store in Mong Kok that might not look like much from the outside, but let me tell you, it's a hidden gem that the locals can't get enough of!💥 The moment I took my first bite of the chilled squid and jumbo intestines, I knew I had discovered something truly special. The combination of the sweet sauce and mildly sinus-clearing yellow mustard sauce was a flavor explosion in my mouth. The squid was tender and chewy, while the jumbo intestines were incre

次次去旺角都要幫襯的小食店人好多但嘢真是好好食魷魚、生腸口感爽脆。雞腎、豬俐、豬潤成熟度啱啱好，但又很好的保留了食材本身的味道，喜歡吃動物內臟的朋友，一定會超愛的。再配上豉油、甜醬，芥辣真是超級美味。我覺得他家每樣東西都好好吃。如果不知吃咩，他家有不同的組合套餐，很方便要預咗時間排隊，但店員都好快手，不會排好久。溫馨提示：提早看好嗌咩嘢食，不想要的醬料，要提早告知。沒有座位，要企在路邊吃，有啲狼狽。

终于吃上了！传说中的肥姐小食 墨鱼巨紧实巨弹牙🦑，重点是一定要加这个黄芥末酱，咸鲜微甜中芥末的清新刺激迅速在口中乱窜，复合的味道让人爽到停不下来⚡️ 火鸡肾的口感会软和些，但依然是相当的q弹，🥩吃起来没有一丝的膻味，配上酱料反而越嚼越香📌每天下午1:00开门，虽然要排队，但是整体还蛮快的，他值得！

早兩日午飯時間，原本打算去食行將結業嘅一日三餐，但去到有成十幾人排隊，見到個天又黑黑地，反正都係要排隊，不如博下傳承清湯腩會唔會少人啲，途中經過名店肥姐小食，不如買幾串滷水頂住肚先至去食麵，雖然呢次有人龍10幾人，但呢類無堂食嘅小店，買完就走，人龍一定去得快，所以決定排。正如我上一個關於呢間小店嘅貼文所講，畀多次機會，睇吓啲豬膶係唔係咁唔掂，所以呢次買嘅嘢同上次一模一樣，都係大生腸、細生腸同埋豬膶，同樣都係小芥辣，同樣都係得肥姐個新抱坐陣，收錢到落醬都係佢一手包辦，肥姐唔見人。今次我好好彩，同一拍攝位置條欄杆周圍無人，唔怕畀人一下唔小心退後一步就成兜無哂，呢次可以安心拍攝。另外，一睇張相就知今次佢啲醬落得啱，唔會好似上次咁鬼多芥辣。食物方面，上次個貼文講話個豬膶偏硬，今次依然係咁，但應該係由於少咗芥辣嘅關係，食到豬膶嘅絲絲甘香，呢個正正係食肝臟其中之一嘅特色，肝，唔一定要滑先至好食，甘香亦係令人著迷嘅地方，大家不妨留意下或分享下，睇吓我講得啱唔啱。上次貼文講到大生腸質感有啲薄，今次食落又正常返，始終大生腸吸引人之處，正正係又厚又脆。今次食物嘅質素令我好滿意。食完之後，我拍咗張相，你會

每次到旺角 另一半都會心思思 考慮要不要吃「肥姐」大皇牌：墨魚、大生腸、火雞腎 $40港式滷味 要吃的話 一定要吃以上三款吧～～三款入口都 非常冰凍 很適合在夏天品嚐大生腸 清爽QQ 配上甜甜辣辣醬料 會忍不住想要繼續咬下去墨魚 比起生腸 偏硬生 更好咬了 更可以慢慢吃了跟甜醬 黃芥末 一起吃 更觸動味蕾😌人也精神起來火雞腎 咬落非常有嚼勁 但更易咬斷 「嗦、嗦、嗦」聲這再配上豉油 整體更野味、濃郁 難怪大家可以為了大排長龍😌在大熱天底下也能忍心等候

要食港式冰鎮滷味，首選一定係肥姐10:20分去到，慶幸趕到收工前買到，咁夜都有4、5個人排隊🙈排隊期間已經聽到雞腎賣哂，所以叫大皇牌餐雞腎轉咗豬心，想加豬潤都賣哂，再加一串大生腸先止到癮🤭水準依然保持到！滷味會淋上特製醬油、甜醬同黃芥末醬，佢哋次次都會事先問下你要咩醬💕內臟處理得好乾淨，呢點真係大大加分唔會食到有異味對內臟菜式嚟講係非常重要全部都爽口，令我喜出望外係豬心，唔知係咪太耐無食，口感同味道嘅都係中上下次早啲去叫佢個大雜錦，樣樣都有得食係最開心💕

兩日前又再出旺角，上次只影到個招牌，今次搵到個好位，連個改良咗嘅紙兜都影埋，雖然可能有機會出意外（前面位姐姐萬一向後一褪，咁就大件事啦😱），但總算有驚無險，順利完成拍攝。🤠新設計唔只比較乾淨俐落，而且仲方便拍攝呢！今次叫咗我以往食開嘅大生腸，細生腸及豬膶，承惠$35。我點嘅時候，要求要少芥辣嘅，但唔知個事頭婆新抱（肥姐個新抱，我點知係佢？咁出名嘅名店，肥姐同佢新抱又點會無接受大大小小傳媒嘅訪問呀？接受得傳媒訪問，又點少得出埋佢哋個樣呢？）唔知係聽錯定唔記得，臨畀我之前，仲唧多少少芥辣上去，變成依家咁。😠大生腸同細生腸，同樣保持到水準，爽口無胛味，但大生腸嘅厚度比以前食開嘅好似薄咗，抑或我已經食到唔記得第一次食大生腸嘅味道？今次體驗最大問題出現起豬膶度，以往食嘅豬膶，熟得嚟軟身，咬落好香，超好食（呢個味道我肯定無記錯），但呢次食落就有啲硬，應該係煮得過熟，唔知會唔會同肥姐放手畀佢新抱主理，功夫未到家有關？我諗我下次都會試多次，睇吓佢哋係一時失手，抑或都仲係咁嘅口感，係依家嘅口感的話，會轉其他嘢，唔再食豬膶。至於生腸，因為係我至愛之一（大細都係，尤其是大生腸），唔會轉啦！

呢間肥姐成日都想幫襯，每一次行過都要排隊，終於我喺旺角開工好順利咁樣買咗嚟食！事實證明呢條女真係好抵排，我食咗佢嘅大腸生腸墨魚全部又乾淨又新鮮，每次經過如果條路唔係好長，我都會買來食🤗