肥哥車仔麵

营业中

休息中

與友人參觀「賽馬會創意藝術中心」，一心打算品嚐中心內薄有名氣的「琉金穗月」咖啡店，途中經過肥哥車仔麵。當天天氣冷冽，看到寒風中散發著車仔麵暖氣的店舖，決定先在此用餐，填補冬天快速流失的熱量！車仔麵店大都是鋪外坐位，鋪面的嬸嬸一看到我們走近便熱情地招呼我們坐下。正值午餐時份，雖然是星期六但也免不了搭檯。這裏是先付錢再吃麵，點餐紙上的選擇不算多但包含所有車仔麵最熱門的配料。我點了牛腩、豬紅、蘿蔔和魚片配公仔麵，友人則點了豬紅、蘿蔔及豬腸配油麵。甩漏事件（一）出現，嬸嬸找漏錢了，為什麼這麼簡單也會計漏數？等候的時候，隔壁食客叫了一碗小辣麵，吃了兩口喚嬸嬸過來，說：「太辣了！」換轉是一般車仔麵檔大概也只會說「係咁架啦！」怎料這兒的嬸嬸竟說「幫你換過碗啦！」服務態度很好啊！麵到了，一看，配料挺足的！先吃了一件蘿蔔，沒有渣、入味，很好吃！豬紅份量亦足，也是可試之選；牛腩則入味但肉質口感一般...再飛象過河夾了一件友人的豬腸吃，若論車仔麵其實豬腸是本人最愛之一，然而很多店舖清洗不足，常吃到豬腸內不好的味道，因此不敢貿貿然點。不過這裡的豬腸洗得很乾淨，沒有異味，爽口很好吃！有點後悔沒點這個點了牛腩。公

一口子要去JCCAC 上堂未到上堂的時間又想食點東西於是說去了另一口子說的車仔面食下車仔面鋪面細細...靚姐見一口子停步了兩秒就開張台招呼不錯..不用跟人家搭台好街坊的坐在"OUTDOOR"車仔面的份量比較少超適合一口子要了生菜, 蘿白, 魚旦同腸仔粗面 (清湯底)蘿白好入味, 夠稔, 沒有根, LIKE腸仔有煎過的, 魚旦生菜沒有太特別整體來說不錯的

尋日同班fd打完波, 行去隔離肥哥度食麵。呢個都算係我地經常開餐既地方。雖然熱辣辣唔想坐街邊，但禮拜日呢頭又確係無乜選擇。今次要左豬腸蘿蔔雞翼粗麵加可樂，味道夠濃，粗麵索晒d汁，正合我胃口。雞翼味道好到連亞姐都要一路做野一路篤住黎食！唔知係師傅太勁定係天氣太熱，我encore左可樂。天時暑熱，灌可樂係最爽不過。

My colleague invited me to try out this stall.So far so good and nothing special.The environment was bit of strange and the ventilation was not so good.(the room with the wooden door)The food was too oily even with the boiled vegetable.

我去之前有心理準備係好辣.個環境好細,要坐門口食.....我點了三個餸.雞翼.腸仔.豬腸米粉.....雞翼鹵水的.我係一個好鍾意食雞翼的人,貴貸,平貨我知....呢度係最接近屋企整的....豬腸.爽口,味道剛剛好.....腸仔炸過.好有心思個湯都左辣又肥又油.......其實個湯味道唔錯架....係有質素車仔麵.仲大大碗先20元,我想不到一個理由不給笑臉

同少爺仔連續2星期山長水遠去食都係俾“辣”吸引。哈哈，本身 D 餸係冇乜特別。不過加埋個辣就唔同晒。

就在石硤尾創意藝術中心行去不多遠，有這間「肥哥車仔麵」。這檔車仔麵舖面不大，食車仔麵的人客都要別有風味地坐在馬路上。不過呢度其實係有間細房仔嘅，裡面雖然不大，只可以放得落三張桌子，不過就勝在夠隱蔽，又有電視睇，仲有風扇同冷氣添，不過就要係熟客先知道呢個秘密架步。呢日行開呢頭，在Golden Cafe嘆過咖啡後意猶未盡，見近近地，就去整番個車仔麵食下。叫了兩碗麵，一碗粗，一碗幼，車仔餸呢就叫左豬腸、豬手、蘿白、牛柏葉、油麥菜同鵝腎等。本來係想叫雞翼同鳳爪的，不過已經賣晒，所以無嗌。加了腩汁的車仔麵味道都過得去，牛柏葉夠爽，不過無咩味，鵝腎都淡得滯，蘿白就無渣好食。油麥菜都幾多，豬手同豬腸就整得幾入味，可以一試。最後，要奉勸想去肥哥食車仔麵的人一句，呢度嘅小辣其實都已經幾辣下，唔食得辣的人千祈唔好叫小辣甚至大辣，否則後果自負。當然，食得辣的就梗係無所謂啦。順帶一提，呢日招呼自己的阿姐好好人，有問必答，d車仔餸賣晒又好客氣咁講唔好意思，解釋詳盡，服務態度同劉其建議一樣呢！

呢間肥哥食過一次之後次次o向屋企附近食車仔麵都係佢湯一定要辣 (個人喜好)小辣就已經會出晒汗(個人問題)係個咀會麻麻地o個隻成個麵食完唔會口渴~好味道叫左豬腸 ($5)、豬紅($4) 、 紅腸($4)、 支竹($4)、魚蛋($4)、油麵($5)外賣加一蚊豬腸11-12小舊有淋 + 煙"un"兩個質感個人兩個質感都鐘意因為味道好正~豬紅4粒勁入味無血ge臭味油麵竟然都好入味唔太淋唔太硬岩岩好支竹4-5片普通水準有咬口入味紅腸4片魚蛋4粒無特別......紅腸淋左d魚蛋實左d......自從白田購物中心電梯旁ge婆婆轉左手之後呢區就再搵唔到好味ge魚蛋腸仔牛丸.....好在仲有好味ge車仔麵下次要食車仔麵肥哥仍然係首選

我唔係好食得辣....但係又唔想食野D湯冇味...SO點左小辣....開始個時都唔覺得辣..但係食耐左就開始黎料啦!!!冇野飲下都唔得啊!!!!不過真係好正...另外,佢地的腐魚通菜..都係我的至愛...就算唔食佢D車仔麵,都會ORDER通菜..(不過都係辣嫁!)

呢篇食評應該係20號打.因為openrice未有呢間餐廳資料已經食過好多次.因為佢d湯底勁辣勁正.點都要打個食評每次去到都會要兩個麵加幾個餸.要特辣湯辣佢d餸吸晒d辣.食個陣時夠過癮.佢d湯底係自製.特辣夠晒辣.食到成個人出晒汗自認為食得辣就一定要試.包你話正