影片
食家推介
今日下午一点钟，个肚饿到似穿窿，去完银行去肥公，离远望见有人龙，急步上前排队中。各式粉面，$7一份，𩠌就主要分$7及$10，叫了炸鱼皮、鱼皮饺、鲮鱼肉及墨鱼腐皮卷，加埋一杯豆浆，承惠$48。炸鱼皮，唔脆。墨鱼腐皮卷，质感怪怪，食落好多粉浆，虽然食到有墨鱼粒，但完无墨鱼胶嘅质感，每一口都只有一团粉。鱼皮饺，$10有3粒，大大粒，弹牙，美中不足系可能天气热，食品长期暴露空气中，食落有好轻微嘅异味，但真系算唔错。鲮鱼肉，系今之叫嘅4款𩠌之中，最有惊喜，虽然整到好似街边车仔档食生菜鱼肉𠮶啲咁细粒，但胜份量多之余仲食得出有鱼味，绝对唔系车仔档𠮶啲粉浆多过鱼可比。豆浆味道一般，豆味唔太浓，但胜在唔太甜，加上只系$7一杯，你仲想点？4𩠌一河，连豆浆都只系$48，咁嘅价钱，咁嘅质量，食到饱一饱，绝对绝对收货无投诉。
继续阅读
通常食车仔面都系去深水埗𠮶两间人气车仔面， 其中有一间真系觉得好食到冇对手，虽然系咁间唔中都试下其他车仔面，见到呢间大部分都系好评， 特登嚟试试。时间早嘅关系，唔使等位。叫咗一个鸡翼猪手墨鱼卷伊面，另加墨鱼卷酸斋蟹柳萝卜米线。首先，个墨鱼卷唔得， 系冇口感同爽口嘅感觉， 只是一团面粉。 伊面最离谱冇煮熟透，得个硬字！ 食到冇心机。 好彩猪手叫做唔差，同埋鸡翼都可以，但系呢碗已经唔系做得出色嘅车仔面😕😕另一碗米线，酸斋唔好期待似出面斋舖买嘅酸斋， 味道较淡， 蟹柳一般， 萝卜系苦嘅 米线亦唔弹口。所以总括以上其实得50分。唯独可赞嘅系厨房阿姐服务态度好，同埋见到啲人话计错钱，我就冇计错啰。 试一次就算😕😕
继续阅读
系社交媒体网站见到有人推介呢间车仔面，今日有时间特登过黎一试，可惜结果不似预期🥲面档系好旧式格局，先叫𩠌后俾钱再揾位坐，舖头有两层，上层楼梯都几斜，拎住碗面上去要好小心。今次试左河粉，鱿鱼，牛柏叶，鱼蛋，牛筋腩，猪红同猪肠，除左河粉食落正常，d𩠌分量虽然几多，但我竟然全部都觉得唔好食，特别鱿鱼收最贵但我觉得系最唔好食🤦♀️另外我觉得车仔面个汤底同辣汁都系灵魂，但汤底食落冇咩味，加辣原来只系剪几只辣椒，真系冇咩特式可言。总结价钱亲民，舖头好有旧式车仔面既感觉，可能有啲人会食回忆既味道，但我觉得味道真系麻麻，应该唔会食第二次。
继续阅读
星期六朝早去开旺角，行过见到有好多人排队，应该冇乜中伏挂，谂住试吓😙面都算多选择，油面，米粉，粗面，米线等等都有，另外仲有几款菜，菜当一个送计，今次选择咗西洋菜。跟住直接喺渌面位处拣送，送都有好多选择，同男朋友每人拣咗几样，好多𩠌都好似好入味好想试😝卤水鸡翼好入味，每碗仲有三只，都几佛心，牛磅金钱肚有出面牛杂舖嘅水准，卤水冬菇同猪红份量算多 ，亦好林，值得一试。成碗米线，份量选多，女仔可能食唔晒😝可以即时买嘢饮，俾完钱之后 ，有楼上位置可以坐，不过拎住热辣辣嘅米线，上上层系一个挑战🤣🤣炎热嘅夏天，上层冷气风扇充足，唔会食面食到流晒汗，地方尚算清洁👏🏻下次想试吓其他𩠌，传统车仔面舖买少见少，埋单人均大约40几蚊，可以一试~~~
继续阅读
好食 但系好似收错钱后面念佐下好似收多佐一碗系 通菜+芽菜+鸡翼+鱼蛋+河粉+萝卜 应该系7+7+10+7+7+7=45另一碗系 生菜+豆腐卜+猪肠+牛筋腩+粗面 应该系7+7+10+10+7=41两碗应该总共买单86但系当时最后收佐我160几最后 牛筋腩 猪肠 鸡翼都非常入味好食萝卜甜 鱼蛋弹牙 出品绝对OK嘅
继续阅读