影片
以上资料只供参考，请与餐厅确认详情
车仔面是香港地道美食之一，而肥公车仔面系其中之一，太子站C2出口再行一阵就到，在旺角维景酒店对面，旧式茶餐厅门面，厨房、收银设在门口，客人全部都是一个个在门口排队流水式高效率点餐，整个过程到付款大概2分钟左右，所以温提一下需要先想好要点甚么，不然会阻到下一位客人。首先会有位阿姐问你要甚么面、要不要菜、要不要辣，紧接就会跟另一位阿姐点𩠌及饮品，再往前便跟阿叔结帐，低消HK$35，净𩠌每款HK$10。给完钱后便需要将热辣辣的车仔面自己找位置(圆凳)坐下，吃完便可以直接走。总体来说，量多、价钱亲民，味道亦很有诚意。1️⃣ 车仔面（幼面+ 西洋菜通菜 + 牛腩 + 鱼肉 + 鸡翼 + 鱼皮饺)💯 4.5/5.0 🌟🌟🌟🌟✨📝评语：面及菜：汤底呈深啡色但不混浊，带有卤水香与微微辛香，味道甘甜不腻。幼面弹牙不糊；今次食的菜是西洋菜+通菜，清脆爽口，第一位阿姐煮面及菜都很棒；整碗饱足度、性价比极高。(4.5/5.0 🌟🌟🌟🌟✨)牛腩：厚切切粒很入味，有筋位但唔韧，炖煮时间掌握到位，虽然偶然还是会有一两粒较韧。(4.0/5.0 🌟🌟🌟🌟)鱼肉：外形手造感重，有少量胡椒提味，鱼浆鲜甜带具弹性。(4.0/5.0 🌟🌟🌟🌟)鸡翼：色泽光亮卤得通透，皮滑肉嫩，卤汁渗入骨边，个人推荐必点。(5.0/5.0 🌟🌟🌟🌟🌟)鱼皮饺：可能放久了，虽然味道正常，但饺皮较厚较鞋、不建议 。(3.0/5.0 🌟🌟🌟)🧽【餐厅整洁、气氛及服务】街坊、学生为对象，游客可体验一下香港怀旧感，但由于人蛮多流转速度高，所以预计不会让你可以慢慢坐很久，基本上吃完便要走的快餐类型。
继续阅读
真系好食到痹！面好有嚼口，种类都十分之多，用料又十足。我哋分别点咗牛腩、牛肚、大肠、猪脚、鸡翼、鸡爪、鱼蛋等等。点知每样都好掂，完全冇踩雷（强烈推介炆得好腍嘅牛腩！）人均 35 - 60 蚊，好啱学生党，份量好大。车仔面都算系香港食特色面食嘅，呢度真系超级值得推荐！最后，亦都系最重要嘅，店入面只收现金架💴！！！
继续阅读
几年前朋友介绍，初次接触留下相当好的印象，品种多味道好，继千色之后又一大爱的车仔面。上年佢哋搬舖休息咗几个月，之后重开都未去过。今日带哥哥去，主要原因紧系食面啦！另外一个原因系同鸿运冰厅拍照留念，佢哋25/12光荣结业。猪红 牛腩 萝卜 芽菜 油面加豆浆盛惠$54，牛腩继续高质！猪红 萝卜正正常常。哥哥就叫咗 猪肠 肠仔 牛腩 水鱿 河粉加豆浆共$73。新舖冇咁好坐，不过食物水准保持，值得继续支持👍🏼👍🏼👍🏼是日消费：老豆$54 亚仔$73 共$127
继续阅读
12点45分去到，见到大概10个人排队，以为应该真系正嘢啦，排咗5分钟，终于到我，可能我又生得矮细少少，前后都排咗2个高大亚叔！我望住煮面亚姐，(我同煮面亚姐系eye level高度)佢都望我唔到，直接用对筷子指住我后面个亚叔叫佢点面，去过嘅就知，煮面亚姐系隔住大玻璃叫人点面，所以大嗌都无用，后面个亚叔点完面，我忍唔住fing手示意我系到，佢仲妙口妙面，真系火都嚟，ok..成功点到面加菜，再点埋一早谂好嘅菜，传菜姐姐好好，帮我拎去其中一个位到食。。先食菜。正常啦，菜好难煮得衰猪皮，碱水重腐皮龙虾卷，同食面粉无分别，口感差，食咗一啖，就无再食牛肚，系唯一好食嘅𩠌面，正常啦，又系好难衰应该系我叫嘅𩠌有问题，我觉得呢间嘅车仔面，平平无奇，用50蚊去食碗鱼蛋粉好过！费事受气！
继续阅读
搬咗新舖嘅肥公明显贵咗，不过声幸好仍然好似以前咁好食。叫咗酸斋、猪大肠、猪同律牛筋腩四个𩠌嘅油面加菜芯底，加多罐Coke Zero，盛惠$72，我都比呢个价吓咗一吓。不过个牛筋腩又真系炆得几入味，个猪大肠干净得黎又唔会乸走晒啲猪大肠味，猪皮又爽又入味，酸斋都系正嘅。另一碗净𩠌唔食面，白牛柏页、冬菇再加个菜芯垫底，加腩汁，盛惠$35。冬菇虽然细粒咗少少，不过都仲算厚身。白牛柏页都够爽脆，算系食得过嘅。
继续阅读