肥仔銘茶餐廳

营业中

休息中

難得星期六放假無野做，試下呢間茶餐廳，因為佢收3點半同埋星期日唔開十二點半左右到餐廳，都要排一陣，證明餐廳好受歡迎👍雖然係茶餐廳，但係佢係快餐模式，坐位唔會好舒服，不過野食都好快到，可以好食完💪天氣比較熱，所以今次叫唔到茶走，叫左凍奶茶，茶味都幾濃沙爹牛肉麵餐，可以加2蚊，將火腿煎蛋和多士轉做熱香餅👍沙爹醬都幾濃，果然關注組的推介不錯熱香餅好香，不過同平時麥記有少少唔同，我都係鐘意麥記多少少🤣干炒粒粒通粉，唔記得加XO醬，之前見有人推介🤣不過原味都好正，好多火腿粒，紅腸粒，好有鑊氣，好香，果然係餐廳名物😉值得再去朝聖👍👍👍

個炒通粉加咗$8轉XO醬炒 兩個字 < 和味 >😋😋食完應該肥過肥仔銘!熱香餅果然好有蛋香味，但係係軟熟度就唔係好夠比較偏硬 、豬柳同埋炒蛋就正常發揮、個茶走就出奇地夠奶味！

‼️ 高 人 氣 茶 餐 廳 ‼️·① ［ 乾 炒 粒 粒 通 粉 （ + 𝐗𝐎 醬） // 熱 香 餅// 茶 走 ]| 「 乾 炒 粒 粒 通 粉 」好大鍋氣，唔會過鹹，大大碟，建議大家一定一定要加$要𝐗𝐎醬 ！至於 「 熱 香 餅 」，都幾有驚喜♡(๑♡ᴗ♡๑)出面係脆脆地，而入面好香牛油味～ ｜𓋪8/10•肥仔銘茶餐廳 (新蒲崗)新蒲崗錦榮街9號地舖

❗️肥仔銘茶餐廳 (新蒲崗)❗️Lunch time 12點半去到，排咗一陣隊就有得入，舖頭有三張圓枱，每張圓枱坐4-5個人，小店格局地方唔算大。試咗麵餐E，沙嗲牛肉麵，沙嗲汁醬炒得香濃好出色，牛肉質感軟腍但唔係用梳打粉乸過果隻腍，牛肉方包軟熟。總體嚟講如果去開果頭都會建議去食，40幾蚊一個沙嗲牛肉麵有呢個質素係貼地既街坊生意。♦️麵餐E $42(沙嗲牛肉麵、火腿炒蛋跟牛油方包、凍奶茶）🏠：新蒲崗錦榮街9號地舖

本人中意濃味的沙嗲牛肉麵，最怕坊間將沙嗲牛肉放入麵湯，將味道溝淡，完全失去風味。朋友推薦這間的沙嗲牛肉麵少湯，味道不錯。2點左右去到，人不算多，排了幾分鐘就可以入座，雖然坐得迫少少，小店來說，完全可以接受。沙嗲牛肉麵餐$40，跟麵包，煎蛋，火腿，全日供應，價格合理。沙嗲牛肉味濃，是我杯茶。跟餐的火腿有煎過，荷包蛋亦煎得不錯，抵讚。唯一美中不足是麵包，如同一般茶記，HEA住做這份麵包，牛油只是求其搽一搽少少，唔怪得對面有位小姐，相信是熟客，要求走包。各方面都見到廚師很有心機去做，為何一份簡單的麵包不做好呢 ？希望店方可以將麵包做好，咁就是完美的一份套餐。

𓍯 Cha Chaan Teng Pancakes | 🥞 Fat Ming 🍜 𓂃@fatmingrestaurant has recently been all over social media as a must-visit Cha Chaan Teng in town 🇭🇰They have several really popular dishes, one of them being the 𝗦𝗮𝘁𝗮𝘆 𝗕𝗲𝗲𝗳 𝗡𝗼𝗼𝗱𝗹𝗲, a local staple 🍜 they have a 𝘩𝘪𝘨𝘩𝘦𝘳 𝘴𝘢𝘵𝘢𝘺-𝘵𝘰-𝘣𝘳𝘰𝘵𝘩 𝘳𝘢𝘵𝘪𝘰, resulting in a really rich and thick sauce that coats the noodles 🤤 beef is also nicely tender and generous in portion 🥩 What’s special about this place is they serve 𝗵𝗼𝗺𝗲𝗺𝗮𝗱𝗲 𝗽𝗮𝗻𝗰𝗮𝗸𝗲𝘀 🥞 their version is 𝘧𝘭𝘢𝘵 𝘢𝘯𝘥 𝘳𝘦𝘢𝘭𝘭

見好多人排隊就試下外賣個炒通粉雖然睇得出幾有獲氣，但其實食材都係D火腿啊紅腸啊果D野，唔知點解會賣成$57 一盒仔（熱飲+$7、凍飲+$9）好啦試下個味係咪有秘密的技巧，可以令D食材夾埋一齊會有驚喜點知得個「咸」字！失望但見落單姐姐忙到個態度都差埋，咁真係唔明點解咁多人排隊都要食

首先入到去店員嘅態度已經好不屑，唔講以為自己入咗高級名牌餐廳，侍應們覺得自己高高在上，而且講晒粗口唔講以為自己去咗黑社會，而且餐廳衛生情況都麻麻哋。自己落錯單反而作出表情及反應俾人感覺係顧客自己講錯，其實落錯單好平常，真係冇必要西口西面。侍應們行為粗鄙送餐到枱面時不是放上枱面，而是抌上枱面，俾錢買難受，本身想試吓一啲地道嘅小店，下次一定唔會幫襯，極失望。味道方面水準正常，沙嗲牛麵水準中上，炸豬扒水準中上，唔算特別出色，但都算唔錯，但係咁嘅服務態度真係勸退。

食物OK價錢OK但是店舖太細，不斷咁叫人貼人才坐，一張八人枱差不多坐到10人。本人大食叫兩個餐但是要在30分鐘內完成不然逼到你走，阿姐仲要黑你面，半個鐘食兩個餐仲要連煮真係趕過打仗。本人因為太趕所以並沒有時間影相只有不斷把食物放進嘴裏。本人叫咗個粒粒炒飯同埋沙嗲牛肉麵餐，炒飯新鮮即製所以都沒什麼挑剔啦只是味道有點鹹，沙嗲牛肉只是醬多湯少所以覺得濃味少少。當然係冇位擺袋或者其他物品啦要攬在身上。如果介意坐到非常迫的話就不要來，同埋不值得千里迢迢來試，不是想像中的那麼好味和特別，還有十分之擠迫，食得落都消化唔到。

感覺食物只有咸，沙嗲牛麵十分普通，招牌通粉太咸，豬扒也比較咸，唯一麵煮得剛剛好，不難食只是比普通好些，但可以減鹽，實在很咸又不健康，食評不可盡信，希望可以改善吧。

一直想去食人稱沙嗲牛肉世一兼沙嗲牛肉關注組常客嘅肥仔銘，今日終於有時間朝頭早十點幾到新蒲崗食肥仔銘沙嗲牛，未去之前都知道要排隊，所以預咗排隊嘅心情去到餐廳，未去到，遠處已經見到條人龍，但係排得唔算耐，入到去唔使諗，叫咗沙嗲牛肉麵早餐，一個配火腿煎蛋，一個配火腿奄列，另加一個茶走同一個凍奶茶，叫完個早餐都要等一等先至到，因為都係即叫即整，先嚟嘅牛油方包火腿煎蛋同火腿奄列，牛油方包就真係麻麻哋，普通方包加上未融嘅牛油，之後先知道價錢可以轉丹麥多士，可惜，至於個火腿煎蛋，正常，當然一個火腿煎蛋亦都唔會期望有啲乜嘢特別，火腿奄列係普通茶餐廳嘅奄列，薄薄嘅蛋漿包住火腿絲，凍奶茶同茶走亦都冇咩特別，唔會話茶味好濃烈，但總算合格，當然，主菜係個沙嗲牛肉麵，食得出個沙嗲係有心整，唔係一般茶餐廳沙嗲，而牛肉係腍，而食得出唔係鬆肉粉，個沙嗲唔係好重花生味，我比較鍾意濃味沙嗲湯底同重啲花生味，另外沙嗲有好少嘅辣味，本人唔鍾意辣味冚過沙嗲味，所以呢方面係好嘅，我覺得係啱啱好，見啲宣傳話個面嘅湯較少，因為老闆想個沙嗲濃味啲，唔夠可以加湯，冇特別要求之下，嚟嗰兩個沙嗲牛肉麵，一個個湯少啲，一個個湯多啲，我覺得唔太

啲嘢食幾好味都冇用，企鋪門口個呀嬸態度奇差知道你哋細舖每次飯市時間一定要等位每到忙嘅時候 門口嬸嬸就會派飛 呢間餐廳我同女友每星期會食到三至四次 所以都明白佢哋舖頭嘅運作係點樣今日照常攞飛企埋一邊等位幾耐等咗大概15分鐘 突然聽到次序喺自己之後都係兩位嘅食客入咗去於是即刻行上前同嬸嬸講「我哋7號，點解9號會入咗先？」點知個嬸嬸反而同我講「頭先自己已經嗌咗好多次7號都冇人應先叫9號入去」但係其實我同女友都完全冇聽到叫7號 反而仲理直氣壯話我點解喺佢叫號嘅時候唔出聲真係㗎，你餐廳出品嘅嘢食幾好食都好態度咁_我以後都唔會再幫襯！

早排喺網上見到有關於沙嗲牛肉麵嘅推介，心裏面突然間好想食沙嗲公仔麵，我冇食牛肉兩年（非宗教原因），今日時間安排到，終於扚起心肝去試吓呢間網上熱店。 入到去好多特色選擇，不過好簡單一心決定就係沙嗲牛肉麵套餐。 嚟到急不及待就要試吓，沙嗲湯底非常好食（好食到飲咗啲湯），公仔麵唔太腍，啱啱好，大滿足！心大心細食唔食埋個牛肉試吓，結果都食咗，好嫩滑，亦都入味，好正不枉此行！因為見到好多唔同特色嘅食品，已經諗定下一次再嚟再試過，亦都好食到夜晚即刻推介屋企人下次帶埋佢哋過嚟試下

【肥仔銘】嘅食客總係多到爆炸，但係呢，仲有咩比得到一餐好食嘅快樂？今次試嘅係干炒通粉同烏冬，加埋熱香餅，求其嚟食都咁滿足😚。通粉嘅每一條都包住咗XO醬嘅香味，炒到曬油又唔會太膩，嗰啲豬扒粒咬落去彈牙得嚟唔硬朗，淋到盡！👍🏼 烏冬比起通粉嚟就更加Q彈，口感一流，豬扒就係嗰種夾落去唔洗大力咬嘅嫩滑。而件熱香餅，真係心臟跳：外皮微焦香脆，入面嘅麥香帶點甜，清新得嚟暖笠笠，完美配搭早晨嘅茶香。茶記一定要試吓粒粒爽滑嘅喇，唔係街邊無難食嗰啲。唯一就係成件事讓你唔停嘴，食完已經期待下一次！🤤🍽️✨

啱啱食完一頓超正嘅炒通粉，簡直係大滿足！我點嘅炒通粉，一上枱就聞到嗰股鑊氣，撩撥緊我嘅味蕾🤤。第一啖，嘩，質感掂晒，粉爽滑得嚟唔會太腍，燶燶哋嘅底真係正！啲豬肉腸啊，又香又彈牙，洋蔥同青紅椒炒得啱啱好，夠哂爽口，再加埋嗰啲芽菜嘅清甜，完美平衡晒油膩感。真系想喺呢度表揚下嗰位阿姐嘅服務，係忙到不得了嘅狀況下仍然保持笑容，令人心情都舒暢咗好多。醒目嘅你可能會問我「點完呢啲之外，仲有咩推介？」肥仔銘嘅餐單選擇多到爆，但我嘅私家推介係佢哋嘅咖啡☕️，咖啡香濃而唔苦，個人覺得呢杯咖啡能夠幫你提神之餘，又能喺炒通粉嘅基礎上帶來喜出望外嘅味道層次。要講返嗰句，無論你係唔係咖啡控，都應該試吓！食物質素、服務態度以及環境氣氛，呢啲因素湊齊咗，就係今日呢個小小探險嘅成果。別鬧，我會再嚟！👏💯