影片
每次喺铜锣湾搭红Van返荃湾，都会去荣记食碗车仔面。其实，好早已经见到佢隔离有间叫做「肥仔记面家」，通常叫得做乜乜记又叫自己做面家嘅，都系有啲料到，但系我每次见到佢嘅装潢，感觉上都系有啲伏味 ... 唔知系咪今次时运高，竟然入咗去试吓，结果 ... ...碗净云吞一上枱，即刻心知不妙，点解会系葱花而唔系韭黄！！？叫得自己做面家，但系云吞食葱花，系咩玩法？(我冇心押韵架) 。轮到粒云吞，唔系全鲜虾云吞𠮶种，而系鲜肉虾云吞，食到所谓鲜肉嘅味精味很浓；再饮一啖汤，都系𠮶啲味精味好浓嘅所谓云吞汤，冇大地鱼味道，亦冇鲜甜味道，咁样叫自己做面家！！？再望返个餐牌，原来佢个云吞叫做「蟹籽鲜虾云吞」，所以我即刻咬开第二粒云吞，仔细咁睇下，可惜，我揾嚟揾去都揾唔到粒蟹籽，但系老老实实，我放大幅相嚟睇，又见到一啲深啡色细细粒嘅嘢㖞，唔通𠮶啲系虾子，咁究竟系蟹籽定虾籽啊？妈，我好乱啊！做面家唔会连蟹籽同虾子都唔识分呀吗？好啦，讲返碟酥炸鱿鱼须，啲椒盐去咗边呀？点解变咗做鸡酱嘅？鸡酱其实系用嚟点炸鸡嘅，源于泰国人好钟意用甜酸酱嚟食炸鸡，所以将甜酸酱叫做鸡酱。我又唔系话用甜酸酱嚟食酥炸鱿鱼须唔得，亦唔可以话唔好食，但以一间叫自己做面家来讲，基本上都应该用返椒盐啰！就好似你去茶餐厅食碗丁面，夹硬加两条菜心落去，唔系唔得，亦唔系唔好食，就系怪d啰！讲番佢啲枱枱櫈櫈，感觉系点讲好呢？好似返左十几廿年前嘅深圳，定系去咗食北方饺子定云南米线咁呢？仲有𠮶块大玻璃𠮶个框，点讲好呢？都系好似返咗去以前深圳咁嚁！仲有，佢仲有啲壁灯，系英伦巴黎街头𠮶啲古典街灯，真系九唔搭八。讲到呢度，大家明嘅就会明架啦！望住佢个金漆招牌，𠵱！？点解系简体字嚟嘅？呢间所谓面家，我都系拜拜你条尾唔会再嚟食架嘞。
继续阅读
食物一般 态度负100！点送佢要冬菇 佢无就算 佢会话 唔识字唔好食！因为返工近 一星期都食一次 不过次次受风Black list! 各位唔信可以search 佢另一间 有更多负评 不要试
继续阅读
铜锣湾好多嘢食，不过平嘅都唔多，一碗车仔面都要$5x！平平地又唔想太饱，肥仔记认真唔错。单拼餐，有面、菜、豆浆，算系咁！每次食菜都会叫"全走"，不过今次唔好彩，一个成晚玩手机嘅阿姐，一pat蚝油咁淋落去，仲要淋得好鬼平均tim😠唯有食完个面，用啲汤过一过啦😑
继续阅读
午饭时间谂住求其快食个面，见到其他铺都满晒，就入依间店食，个男伙记一入去就话自己揾得到位就入去坐，都无咩野，志在填肚。之后叫面叫𩠌讲完听错晒都可以发人脾气。等成20分钟，好声好气问佢个面得未。居然可以话「唔等得可以走嫁，真嫁。」完全赶客，当自己大爷，态度恶劣仲可以声大有自信，怀疑佢根本就冇落单，普普通通比钱食个面都可以受气，唔好话要好有礼貌，基本服务精神都冇，冇礼貌都起码唔系闹客挂，唔想做生意都唔好浪费人食饭时间。见佢对个个客都咁，唔洗谂有回头客。
继续阅读
自己一个系铜锣湾食饭比旺角选择真系少好多行下行下就行到去糖街，自然就谂起有间食好出名既车仔面不过见到门口大排长龙，而隔离2间店就见到呢间新开既肥仔记，入面只系坐左2枱人，不过反正都系想食面，就入去试新野啦新店装潢系光鲜干净枱椅都用上左木纹 颇具特色叫左个双并鱼肉春卷同蟹籽墨鱼丸配河粉，本来想要套餐，可能有d晏，豆浆卖晒汤底又系一贯面店既味精汤再试下个面底河粉先，煮到over左，个河粉淋晒，有d失望再试下个鱼卷，味道都算唔错，不过个人一d特别喜爱，鱼卷个形状系扁身，咬落去既口感就变得好薄弱，如果做到圆柱形就好最后试埋个蟹籽墨鱼丸呢粒墨丸真系比到个惊喜我一咬落去非常多汁，蟹籽原来唔只系装饰，蟹籽味好仲好浓郁，绝对唔系挂个名出黎厄人埋单双并34
继续阅读