影片
本身自己超钟意食虾，但系超级唔钟意食云吞，唔知点解觉得云吞好臭，但近排返工成日经过呢间云吞面都会闻到劲香，留意咗成个月，见到佢价钱又唔算太贵，朝早买个早餐$33-3粒云吞3粒水饺试吓😃竟然佢个云吞我唔觉得臭，系几好食，不过佢嘅水饺更加出色👍🏻👍🏻水饺里便加咗大地鱼粉，唔怪得知劲好香🤤 连续食咗佢嘅4日早餐🤭 因为太好食嘅关系，放假都要专登搭车过去买两打水饺返屋企食🤤虽然可以急冻储存，不过急冻咗之后确实冇新鲜咁好食😃 不过啲阿姐唔优做，问一句闹一句，唔好预佢服务态度好😂😂
继续阅读
我带住两个小朋友去食，他们两个各自叫了三𩠌面，哥哥跟豆浆，细佬唔饮野，我本人无胃口唔食，咁我念住细佬个餐跟一杯红豆冰，佢地话唔得，要原价，因为我地三个人，我无叫野食，都唔紧要。后来哥的豆浆黎到，细佬饮左一啖见系室温不太冻，又想叫一杯，咁我就话跟餐加多一杯豆浆，但原本跟餐饮野加$4，佢话这杯加$7，我又问佢点解哥的加$4，另一杯是加$7，佢地又话因为我地三个人，除非我唔坐系到，即是要我离开，另一杯野饮就是加$4😱😱😱连对面坐的阿叔都话佢地赶客，我同我两个小朋友讲，我先回家冲凉，叫他们食完自己回家。$3我系点都唔会比佢地😡😡😡于是我比埋钱就走，仲大大声声话冇下次。我行紧番屋企，再whatsapp哥哥，叫佢哋无论如何唔好再比钱，我怕人地阵间又话加$7唔系加$4，呃佢地细路仔唔识野，我仲叫哥哥如果人地要佢地加钱即刻打电话比我😡😡😡
继续阅读
原本谂住同 BB 去中山纪念公园玩，但时间就得唔好，啱啱中午，个太阳太晒，就不如去食个午饭先，中山公园泊好车，行到去德辅道西，东边街交界，唔知食乜问 BB，BB 就指我哋入去皇后大道，行入去见到条街都几多嘢食，卤水店好多，又有烧味，又有日式料理拉面咁，兜咗个圈，发现呢间肥仔记个门口飘咗一阵虾子味，好香，同埋佢有一种我以前喺澳门珠记水饺嘅回忆，所以就入咗去啦。唔知间舖本身系唔系食肥牛嘅呢？佢好似有好多牛嘅菜单，但入咗去就唔谂，叫咗个水饺云吞面，我老婆见到有鱼肉春卷就嗌咗个春卷墨丸米，茶水唔讲啦，其实呢啲舖头都冇乜特别㗎喇，街坊生意舖头仔你想佢镶金咩？咁就讲吓啲水饺云吞，水饺嘅大小唔错，都够大只嘅，每粒都包住差唔多要爆出嚟嘅馅，入边有木耳、虾同猪肉，猪肉好味，虾新鲜，木耳爽口，个面系碱水面，不过就冇乜碱水味啦，碱水味我麻麻，反而觉得几好，个汤好香有好浓郁虾子味，但冇虾子㖞，真系唔知佢点整，饮咗两三啖都唔觉口干应该冇味精。而佢啲云吞都好大粒嘅，不过水饺同云吞除咗个皮有分别同埋冇咗木耳之外，就真系唔知有咩分别。我嗌双拼嘅，有两粒水饺三粒云吞，份量都几好又啱价。而我老婆𠮶碗春卷墨丸米，系鲮鱼春卷，块皮好味，包住嘅鲮鱼完全冇草腥味，又冇碎骨，好味，墨丸好弹牙，咬落口就知唔多粉，又有粒粒墨鱼肉，足料。腐乳通菜就真系好一般，系可惜在腐乳应该系来货唔系自己沟，通菜都系就咁渌一渌，但，菜，清清地已经好食。唔知呢间系咪连锁嘅呢？好似都有好多分店，不过呢啲舖头我都几钟意去嘅，装修唔系话好旧式，坐落又几舒服，啲木枱又几靓，两个双拼面，加个通菜再加两杯冻饮，一旧水都唔使，又食得饱，质素又唔差，够啦!
继续阅读
今时今日想喺香港食碗$2x嘅面，一定无可能？唔系！2023年都仲有$2x嘅鱼蛋河、云吞面，呢个价钱其实真系无野可以弹㗎啦，基本上只要份量唔系细到2啖食完、啲味道唔系咸到入唔到口嘅话，已经系无敌！我当日系收工，大约6:15pm入去食，食客唔算多(5成左右)；环境四正企理；面档位置靠近皇后大道西，煮面过程一览无遗，透明度极高。出品快，落单唔使5分钟即到。味道不过不失，正常云吞正常鱼蛋；不过虽然讲到咁好，间铺都有少少野唔系咁理想：就系啲阿姐几有性格，如果你想问佢攞杯水，佢系唔会show你，所以：你一系自己出去拎、一系就唔好饮。整体而言，肥仔记面家系一家平到爆嘅抵食中式粉面档，追求价钱大于质素嘅朋友可以一试！喺今日日本拉面郁下就要100蚊嘅市道，对比返肥仔记嘅价单，我觉得真系要多多支持返本地面食！
继续阅读
今天，我和朋友去吃云吞春卷河粉，一进门两位服务员正在包云吞，我们点了餐之后，我的餐上来了，一口咬开大惊失色，虾是青色，肉是生的，我拿给其中端盘子的服务员看，她说熟了，我说你仔细看？！明明是生的，这时那个煮云吞的人也坚持熟了，马上拿了一个新的给我。我很生气，问他们是不是换了老板？她们说开了很多年，我说我之前一直帮衬你们，从来没有这种情况。你们有这么宝贵的招牌竟然给客人上一个生云吞？还坚持已经熟了。虽然继续吃，但是我越想越觉得不合适，我走到煮饭台跟煮云吞的人说你觉得我在无理取闹吗？是我看错了吗？我确实对刚才的事情感到无法理解，我觉得非常不开心，我不知道该怎么继续吃下去。她说我帮你换两个云吞，就算我错了，给你道歉。我说OK，那我可以接受你的道歉和两个新的熟了的云吞。在餐厅服务的另一个服务员态度很不尊重人，她全程在嘟囔，我也顾不上跟她理论。总之这一顿饭吃得低于预期，以后可能不会去帮衬了。希望店家好自为之，别砸了自己的招牌。
继续阅读
您可能会有兴趣的...