影片
由入店到离开都系好差嘅体验，同埋唔建议香港人入去食，门口个收银姐姐听到你讲广东话都要用普通话招呼你1. 本人入店有吉位但唔比坐，用广东话询问点解，收银姐姐用流利嘅普通话回答我提问：「那里是给几位的客人坐的，你一位就要拼桌。」搭枱唔紧要，但系明明我系香港嘅食店，员工系强迫讲广东话嘅顾客听佢地嘅普通话。2. 到我用餐期间（接近食完），有两位内地游客同埋一位香港顾客入左黎，事关我坐紧四人枱靠走廊位置食紧嘢，两位内地游客已经坐左系我对面，然后系我食紧嘢期间（带紧耳机睇电话），操流利普通话员工示意叫我坐入一个位，当时我带住耳机，尝试理解佢讲咩，继续用普通话示意我坐入一个，甚至对面两位内地游客都协助该员工示意要我坐入去？？？当刻我怀疑自己系咪去左内地消费？？？此时我用广东话表示我差唔多食完好快走，会唔会系安排其他顾客坐入面，起码唔会影响到其他顾客用餐体验，该名员工又以普通话回覆我。3. 食物质素本人点了牛腩+水饺河粉，水饺都唔错好食，可惜牛腩干到食紧牛肉干咁，河粉完全唔入味，需要加辣椒油中和成碗车仔面嘅味道，味道有待提升。4. 埋单埋单走嘅时候，呢名操流利普通话嘅员工继续以普通话进行对答。5. 总结希望以上留言可以获得 贵店老板/投资者正视，推广留港消费+市道唔好前提底下，呢啲基本待客之道要做好，基本上尖沙嘴除左游客旺区，同时都有操流利英文的外国游客以及大部份上班人士/放假休息嘅香港人会系尖沙嘴任何食店包括 贵店用餐。如果 贵店主要目标客户群系操流利普通话之游客，建议可转用简体字餐牌，参考内地物价价格，只使用内地电子支付平台/人民币，一定可以针对到 贵店期望嘅客户群 - 内地游客。
继续阅读
唔知所有职员都系老细定系真系呢间嘢嘅老细都钟意请埋啲态度咁差嘅人！我未写过食评都要出手警世😂除非大家都有铺比人串，比钱买难受嘅瘾，如果唔系我奉劝大家千祈唔好去呢间垃圾食嘢！入到餐厅好多吉位都叫我哋搭枱ok嘅，但之后发现差唔多每一个入嚟嘅客都会比佢哋串！有几个大陆客人入嚟，听到有个男人问呀姐有咩推介，呀姐好唔耐烦咁答佢「你钟意食乜咪食乜啰！我点知你钟意食乜？」咁就走左去！一直有人入嚟个呀姐都用啲唔好嘅态度叫人搭枱，之后我对面客人走左，嚟左两个女仔，可能有个睇唔清楚个套餐系菜/鱼皮二拣一就问左句，个呀姐好大反应态度好差好大声咁讲「梗系唔系啦！两样都有你就想啦！」搞到个女仔好尴尬讲左句「我唔知先问下啫」。仲有，食食下听到有个应该系我之前就入左去嘅女人叫左云吞面，点知个呀姐净系将写左几钱嘅单放喺枱而冇落到单比厨房，之后个女人催单，两个呀姐竟然大大声喺度斗卸膊话系对方冇落！最后一句唔好意思都冇就咁同人哋讲好快整好🙄🙄最后，我同朋友食饭大家都想用alipay比钱想分单，另一个态度极之差嘅呀姐话唔得，但明明佢哋𠮶啲只系一张手写左有数字纸质好差𠮶啲嘅纸（似拍戏𠮶啲茅厕纸～惊大家冇画面😂），完全唔系𠮶啲咩热感出单嘅纸🤷🏻♀️都被拒绝，算数！呢间嘢食物唔算好食，但又未去到好差，真系好一般！墨鱼丸冇乜味，炸鱼皮系劲碎嘅！真系唔会有下次！
继续阅读
收工又是一个人，但是夜晚的时候真的不太想吃多太饱，于是就在金马伦道随便找间面店吃碗面吧！经过肥仔记面家，见到写着全日32蚊，于是便走左入去了。入到去竟然坐无虚席，好彩都还可以搭枱，见到菜单上写着有部分是32蚊，一些配料是36蚊的，最后我就选择了鲜虾云吞粗面。咁等了一会儿，面到了，有4粒云吞，都算是合理，而粗面都煮得弹牙，没有碱水味，口感不错，而汤底是大地鱼汤，加些少辣椒油非常香口，最后好快食完回家了。
继续阅读
约了朋友晚上去文化中心看表演，未看先医肚，走去尖沙咀区找到这间店。店内位置不挤迫，有圆台又有卡座，由于不是繁忙时间，一个人也可以坐卡座，吃得舒舒服服。面店最便宜是32元一碗面，全日供应。除了散叫又可以加12元有碟菜和一杯豆浆或只加6元配饮品。在尖沙咀区来说不贵了。面食种类多，常吃的云吞面，水饺面少不了。我喜欢吃鱼肉春卷，就要了鱼肉春卷河粉，配上一碟菜芯和一杯热豆浆。面上台，份量适中，有三条鱼肉春卷，春卷皮是腐皮做的，质感软软绵绵，腐皮内包裹著的鱼肉口感厚实，可慢慢咀嚼，味道不错。河粉偏窄身，吃起来也是爽爽滑滑，容易挂汁。汤内有葱花和韮黄，带出淡淡香味。汤底也不咸，吃完没有感到口喝。菜芯每条已切半，菜身油油光光，易吃入口嫩。豆浆有热度，豆味可以。简单一餐，除了吃满意，店员服务也有礼，餐后慢慢度步去文化中心欣赏演出。
继续阅读
本身只系叫个汤饭+0茶..等等下食品途中..黎左个菜.无为意.食左….跟手店员直接系我张单到写埋多左既食物钱..话我食多左.要比埋钱….真系好唔顺气！感觉好似被屈钱咁….理论之下..最终都无收黎多左既食物钱..果下感觉好差.hard feeling…以后唔会帮衬！！另外好奇怪..叫个冻0茶走冰少甜…但个店员同舖头D人讲话佢唔识正..叫返佢地正…心谂冻0茶好难正架咩？唔咪只系唔放糖浆？少D冰就可以？？
继续阅读