肥仔記麵食

营业中

休息中

星期六，天氣超棒，應出來走走。這幾天—直也想吃雲吞，今天就做我的午餐。之前家人買過這裡的雲呑味道不錯，剛好在附近就入去試試它們的粉麵。這裡價格應算便宜，單併 $15 雙併 $20，如點雙拼加—元可飲豆漿。雲吞河份量不多，但以這價格也算可以。一碗有4粒中型雲呑，皮薄，超爽口。豬肉完全沒有一點肥肉，也沒有最討厭的鹼水味。 

今天午餐冇乜胃口，粥粉麵飯也不感興趣，於是來一個淨牛腩，一碗淨牛腩只需要四十幾蚊，其實都算抵食，肉質夠淋，可惜味道卻一般，又吾夠入味。反而在底下的菜芯能吸收左D腩汁，就非常好味。下次不如試下腩汁菜芯！！

現今嘅香港, 出街食個 tea, 買杯嘢飲, 動輒都要 30 蚊... 今日喺荃灣行街, 竟然俾我見到呢間呢肥仔記!! 門口大大隻字寫住 "全日粉麵 $14 起" 喺好奇心驅使下, 決定試吓佢係咪真係咁抵!! 我哋一行三人叫咗兩碗雲吞麵 + 一碗魚蛋河 碗麵嘅 size 有點細, 但都可以接受! 味道雖稱不上極好, 但亦算唔錯~ 以 14蚊一碗嘅價錢嚟計, 真係抵到笑!!

２０１２年十月至今由於工作關係，找到了這間超平宜的粉麵店，吃過至少廿多次。至好味的是雲吞麵，可加腩汁，正！讚：另一推薦的是鯪魚球麵，加上魚露及至正的辣椒油（１２年＄３８，１３年＄４０一小樽），非常的好又惹味！彈：魚蛋粉則屬行貨，魚蛋魚片是街市的麵粉溝雜魚的貨色，死硬無味，河粉又太軟淋！ 彈：牛腩，牛筋是一時時軟淋的，有次見個阿婆吃牛筋麵Ｏ哂嘴對店員說吃不到，於是孤星下次嚐試時，的確是如吃橡筋般的，牛腩亦是。（其實好多食肆也是一樣，看廚師的心情吧！） 彈：江門米粉太行，一陣怪味；炸魚皮擺了太耐吧，又硬又有油膩味，失敗！油菜＄６元來來去去都是芥蘭，至慘的是有菜腥味又硬！雙併加＄１元有豆漿，見店員拿著一大桶豆漿，加入豆漿機，淡而無味，不要也罷！  

前排放工在沙咀道行街，越行越口痕，又唔想吃飯，就望下有無麵食，俾我望到多間麵店，就入了肥仔，但店內肥人都無個，點解會叫肥仔既，真奇怪，既然入了去，就無諗過出返去，南肉豬大腸蘿蔔米粉加豬手汁，蘿蔔入味，大大舊；南肉好un，不夠林，豬大腸可以入口，豬手汁無特別，早知要南汁喇。店內坐得不舒服，食完速閃。

見到下面的食評, 今日特登去試, 下午5點多, 人不算多, 但裡面的枱已滿人, 只有近門口的2張枱, 可能近出麵位及門口通道, 這2張枱跟出麵位有一段距離, 很濶落, 雖然幾個阿姐全都圍在出麵位處, 坐得還很舒服.叫了鯪魚球加牛筋雙併米(HK$16), 一次過試哂我想食的, 不出一分鐘便到 , 鯪魚球應是剛淥好, 咬下去很彈牙很熱, 完全唔腥, 我見有個阿姐在我枱上加調味後吃, 還問其他人好唔好食, 就更加肯定是新鮮做及新鮮煮好, 今次來的時間啱啱好. 牛筋很"淋"很入味, 腩汁好味, 而且個湯都好熱, 但米粉份量比其他店少了些, 不過以這個價錢來說, 有這個質素已很超值. 臨走時見到有個阿姐拿了2袋通菜出來, 不是樓下說只有生菜供應, 我想這店可能是每天只預備一款菜. 如果不是因為個肚唔舒服, 今餐加多碟菜便更完美了.

肥仔記真係好鬼多街坊幫襯，食客流量好似車輪轉咁，快上快落，佢哋出名嘅係牛腩，牛孖根，炆得香濃入味，牛腩、孖根夠晒軟腍，所以好多時都聽到D人落單食咩麵都話加腩汁！佢哋另一出名嘅地方，就係抵食，仲要做到絕對係平靚正，唔欺場，單拼麵食先至係$11（雙拼收$16），粉麵份量同出面嘅麵檔差唔多，但餸料就一D都俾得唔會手軟，唔會因為賣得平就將貨就價，依度少D個度又俾少D！好似我哋今次叫嘅孖根米，D孖根放滿晒碗面之上，而碗鯪魚球河同樣鯪魚球一樣堆到滿，足有5粒咁多，仲唔係話會丁咁細粒喎，份量夠晒有睇頭啦！更難得收你個$11碗，質素無賴皮，孖根係鎮店招牌，上面講過唔再提，而鯪魚球做得唔腥，微微蔥香提起鯪魚鮮味，抵食得無話可說！汽水、豆漿$5支，生菜$6碟，不過佢哋獨沽一味賣生菜！仲有，佢哋好似搵夠就收手咁，未夠8:00pm已收緊檔，想哩食消夜依度就無偈傾喇！

今日去左戴麟趾對面間麵鋪食晏, 好多人, 叫左碗鯪魚球米+腩汁生菜+豆漿一支D鯪魚球好爽好彈牙, 一碗有四粒, 大件夾抵食, 只係$11.00一碗咋, 豆漿$5.00一支, 唔太甜, 唔錯! 食埋碟菜 $6.00 (D腩汁咸左少少)超滿足, 總共$22.00, 抵!唔怪得咁多人幫趁啦, 我見好多人叫牛根, 雲吞, 下次都可試下

今日去左戴麟趾對面間麵鋪食晏, 好多人, 叫左碗鯪魚球米+腩汁生菜+豆漿一支D鯪魚球好爽好彈牙, 一碗有四粒, 大件夾抵食, 只係$11.00一碗咋, 豆漿$5.00一支, 唔太甜, 唔錯! 食埋碟菜 $6.00 (D腩汁咸左少少) 超滿足, 總共$22.00, 抵!