影片
今日见赶时间呢间冇人排队买咗个细元蹄饭。 出到嚟吓亲😱个碗仲细过例汤size! 元蹄又干又硬，猪皮有毛! 完全不值40元!如果只做海南鸡咁就唔好将呢个摆系menu 啦!40蚊唔知食咗啲乜!😤
继续阅读
唔知咁打会唔会令姐姐们难做🙈 但真心好想好想好想表扬下佢哋👍🏻 2023嘅香港，湾仔呢个商业区，竟然仲有一间小店系有满满嘅人情味，真系非常难得❤️.事缘我去到买外卖已经6:30，我想买一只海南鸡，唔记得确实几钱，应该要$200左右（姐姐有讲到我影呢个menu嘅价钱未更新），但我身上得$100现金，但佢话清咗八达通机净系收现金。.正当我惆怅点算之际，另一个姐姐话唔紧要啦，听日返黎俾返钱就得啦。但今日系星期五，我同佢最快都要下星期一先返工先俾到钱。佢话得架啦，下星期一就下星期一啦。我问佢咁好人唔惊人走数咩？佢话做嘅都系附近啲人嘅生意，大家都系讲个信字，真系我听到热泪盈眶🥹.我谂一谂，喺个袋度拎自己张公司卡片俾佢，虽然佢咁信我，但我都唔想佢难做。卡片上面有我个电话号码，如果星期一我真系咁大头虾唔记得咗找数，佢都起码可以联络到我。咁当然我都会提醒自己一定一定一定要找数😂😂.前几日睇咗套香港电影「全个世界都有电话」，正正就系讲述啲人唔愿意借电话，每一个人都有各自嘅原因去拒绝，反映出香港人越嚟越冷漠。但今日遇到呢一个小确幸，令我依然坚信其实个社会仲有好多热心嘅人愿意帮助其他人，但更加希望嘅系大家唔好滥用呢种人与人之间嘅信任，将呢种善良继续传承落去，咁样先系我哋熟悉嘅香港。.讲返啲嘢食先，呢间肥仔海南鸡食咗好多年，系我其中一间饭堂。通常我都系食海南鸡例牌，下面会有青瓜垫底，对于唔想食饭嘅我，都有足够嘅菜确保饱肚。啲鸡又滑又嫩，就连鸡胸都食唔出系鸡胸，鸡皮唔会太肥太油，又有齐三种好好味嘅酱汁！.再加埋满满的人情味，真心强烈推介！❤️
继续阅读
我都几钟意食海南鸡饭，有时唔知食乜我都会揾吓附近有冇海南鸡饭😋劲开心就系附近有间好抵食又好好味嘅，解决咗好多个唔知拣咩野食嘅时刻😂我最钟意就系叫呢款双拼：⭐️海蜇鸡转鸡髀+ 元蹄 跟白饭⭐️每个𩠌下面都会跟一款配菜👍🏻海南鸡就系配青瓜👍🏻元蹄就系配酸菜😋海南鸡非常之滑～转埋鸡髀当然系爽啦！不过试过唔记得加钱转，鸡胸肉都系一样咁滑！转白饭系因为费事成日食油饭，唔小心肥咗🫠仲会送一杯冇味精嘅例汤，$58真系冇得输！😂
继续阅读
平时粮尾想食平d个lunch，都又想兼顾味道，就会拣肥仔海南鸡饭。海南鸡够多肉够滑，而且有两大兜酱料。饭亦有油香味。40几蚊非常化算！香茅猪扒饭好美味抵食，都系40几蚊。仲有一杯汤送，汤里面亦有瓜or萝卜，小小味精味，正常例汤水平啦。冇谂过原来佢仲有''轻盈''版嘅海南鸡同香茅猪扒😱，30几蚊咋！！其实轻盈版，就系minibsize, 笑左，饭同肉都少左，但美味不减呀！！汤都依然有，海南鸡嘅酱料都系两大兜，不过会小酱d。小胃女生，or 减肥期，真系mini size都OK填肚，7分饱。cp值超级高，推荐！
继续阅读