肥仔海南雞專門店 (海光苑)

营业中

休息中

今日行去太古坊後面搵間餐廳買午餐，唔覺意見到間新開嘅海南雞專門店。睇佢menu仲有好多其他嘅選擇：咖哩雞扒、口水雞、咖哩腩、狀元蹄，仲有啲炸蝦餅咁嘅小食。感覺唔錯下次都可以去試下嘅～今次就先試下佢個招牌無骨海南雞飯，話晒人哋都係海南雞專門店嚟。姐姐好好人咁比咗個髀我😋仲有例湯跟比我。飯係油飯嚟，仲係珍珠米，所有食落個人都覺得香嘅。雞因為佢去咗骨所以食得好方便，但係今次隻雞麻麻...比較多肥脂，皮都比較肥。總體嚟講，都叫係過得去啦，呢個價位有髀又有例湯跟，同大家樂都有得揮啦。

平時食開官塘間肥仔海南雞..明明好好食嫁wor...今次呢間新開係鰂魚涌,試左海蜇海南雞..比普通雞飯貴幾蚊..有5條海蜇左右啦...好似得陣風咁...佢話飯係珍珠米..好似好正咁..食落咩味都無..食左兩啖放棄左雞..鞋既..又係無味既.周圍有好多差唔多價錢既海南雞飯,比呢間好食好多.唯一好食既就係青瓜.完唔會再幫襯了88

5／1／2021肥仔係新開海南雞飯店我地鰂魚涌打工仔開頭一兩個星期都係keep住食佢其實頭兩次都係一直叫奇味海蜇飯到第三次叫奇味海蜇飯，佢冇比到海南雞醬汁我地。到問佢地，佢地先話奇味海蜇係另外比汁，咁頭果兩次您比左我，宜家先同我講話冇跟汁，都算。今日，一樣叫三個奇味海蜇雞肶飯。拎返上公司，打開，冇海蜇。打電話落去，電話另一邊既姐姐叫我拎返去比佢。好，照拎，一來一回十分鐘。換比我既時候，再三問多次係咪海蜇雞肶，姐姐話係。返到去公司，打開見到係雞胸。其實雞胸雞肶我都食，個問題係要轉雞肶係要另外加＄6。可能會覺得我小氣，但重點係忙既時候，唔係更加要做好嗎？好希望 貴公司會多留意一下員工培訓。

今日本來想去凝香園買可樂雞翼飯(唔知有無記錯名)，但阿姐話賣哂，又想食雞，行咗隔離兩檔，嚟呢間買咗個招牌無骨海南雞飯，包個例湯盛惠49蚊。買飯嗰陣，收銀阿姐仲問我要唔要加6蚊轉髀位，話滑啲，我話唔洗。打開個飯盒，食咗一啖飯，成陣發霉既up味，似係啲白米放咗好耐，或者受潮發霉，味道好怪，十足十以前返大陸食過啲劣質餐廳既白飯，差！跟住到試舊雞，無味，乾柴，仲要斬埋啲雞皮連肉碎俾我，啲雞唔係新鮮雞都算，唔知佢點調味，差！啲雞底下有三四舊醃青瓜，味道正常 啲醬料正常，比雞同飯更出色，不如淨賣醬料算！個海南雞飯仲要差過連鎖快餐集團大xx既出品，十分難得！個例湯試咗一啖之後倒哂，淡味，成堆水溝雞油，有一舊細冬瓜响底。呢間第一次試，然後沒有然後，完了吧，浪費咗49蚊。