肚餓了串燒烤焗專門店 (已結業)

平時在尖沙咀只懂在商場覓食這次朋友帶路到亞士厘道想不到這座商廈很多食肆而且這間串燒店非常多少女光顧六點正剛開門營業店內裝修頗有格調芝士蟹籽玉子燒 - $38或可選肉鬆餡料玉子燒軟熟得像海棉蛋糕，甜甜的富有蛋香脆口的蟹籽配上香濃芝士，口感豐富惹味蒜蓉燒扇貝(兩隻) - $68扇貝大粒啖啖肉既保留了扇貝的原汁原味又不乏燒烤的蒜香蒜蓉燒原條茄子 - $49茄皮被燒得爽脆又不帶焦茄肉充滿水份、嫩滑多汁滿滿的蒜蓉帶起茄子的香甜鹽燒厚切牛舌(五件) - $68牛舌豐富的油花非常醇香厚切富有彈性又軟嫩多汁孜然粉羊仔柳 - $32肥瘦恰當、軟嫩多汁的羊肉一點羊羶味也沒有，充滿香氣獨特的孜然味自家製惹味燒雞肉串(兩串) - $39鮮嫩的雞腿肉經炭火烤熟每串都充滿濃香炭味肉汁份量非常多，性價比最高肉汁香燒餃子雞翼(兩隻) - $49明太子及蟹籽釀入已去骨的雞中翼煎封後皮脆肉嫩，外層雞味濃郁，餡料飽滿帶有濃濃的日式風味、鮮味香燒原條日本鰻魚 - $62肉質酥軟甘香，入口即化，醬汁鮮美可口川式燒韭菜 - $25有少許的孜然粉和辣椒粉燒得翠綠香甜的韭菜，口感清脆罐裝華元堂涼茶 - $18/罐植物涼茶不寒不燥清熱

【 烤焗串燒專門店 】夜晚同朋友去開尖沙咀行街，到左晚餐時間但又唔係好肚餓，朋友又突然好想食串燒，上網搵下附近有咩餐廳，原來亞厘士道有間深黃的串燒專門店 - 肚餓了串燒烤焗專門店！深黃店當然要去幫襯下啦！我地兩個女仔點了一份燒豬頸肉，羊仔柳，燒蠔拼盤(6隻)，黃金薯條，蒜蓉茄子同兩罐可樂。黃金薯條真係非常好味，好香脆，鍾意食薯條的我完全停唔到，不停食。蒜蓉茄子有非常多蒜蓉，所以好香口！燒豬頸肉就有點失望，因為肉的質地好"鞋"，我覺得一般。羊仔柳好林，味道唔錯，唔會有陣羊"SO"味。燒蠔拼盤都幾驚喜，幾種製作方法都好吸引，好好味！其實D食物都偏鹹，我地食完都飲左好多水，鍾意味道重的朋友可以試下。

• 勁辣餃子雞翼 | 冬陰公翡翠螺 | 鹽燒牛舌 | 燒豬頸肉🍡•-係尖沙咀發現左間抵食又好食既串燒黃店💛野食方面都幾多選擇，餐牌睇到我花多眼亂，必食嘅當然有我最愛嘅燒牛舌同雞翼，個牛舌好厚肉，中間呈粉嫩色，熟度岩岩好，爽脆彈牙，好食到爭啲想再encore！🤩.餃子雞翼燒到表皮金黃但內裡嫩滑多汁🤤翡翠螺大大粒個汁好香濃，金菇索哂汁好惹味阿！不得不提係個燒豬頸肉，$69勁大份，好厚切但又爽嫩香口，肉質鬆軟彈牙，完全唔鞋口，非常推薦🌟🌟.野飲方面佢有好幾款特色手工啤，見到好多台都有人點，不過唔飲啤酒既我就無試到lu🍺.我個日weekdays去但都八成full所以上菜速度有待改善，如果時間唔趕，想同朋友慢慢吹下水飲下酒食下串燒既不妨去試下！💛

朋友好想食串燒，見到這家串燒店好評十分多，決定來吃吃啦～餐廳位置都方便，裝修不算好特別，但食物就臥虎藏龍啦！首先出場的是燒蘆筍，不得了，燒得剛剛好！好Juicy，醬汁不會太咸，好好食！聽聞呢款厚燒牛舌都是必試的，肉質非常彈呀，好有口感！這款辣燒蠔都不錯，是較中式香料的辣味，燒得剛好，充滿肉汁，又鮮～白酒煮蜆是必點必點！未食過酒味如此濃烈的煮蜆，飲湯底鮮又清甜，入口後會有濃濃的酒香！另外蜆肉十分多，夠3-4人食啦，價錢都只是五十多元，性價比超高！燒翠玉瓜，感覺同蘆筍差不多，都是燒得剛好，好Juicy。美中不足就是茄子，香料味不夠重，份量再大多點就更好！燒尖椒，喜歡吃辣的都要試試呀，好過癮！

收工同朋友食住串燒飲杯啤酒仲要係黃店真爽好多選擇配啤酒我就試咗Tangerine Wheat Beer $78好香幾好飲先講啲好食嘅先芝士蟹籽玉子燒 $38芝士同蟹籽配玉子，依個配搭真係好難出事黃金薯條 $62好香鹹蛋黃味微辣肉碎茄子 $49唔似普通燒茄子咁齋，加咗啲肉碎，惹味好多燒韮菜 $25都好好味仲嗌咗好多款質素都係中上以下幾樣我就覺得一般燒蠔拼盤 $178 🦪啲蠔同啲醬唔係好夾😂白酒焗蜆 $58🍶啲酒味濃到以為自己飲緊酒😂蜜糖雞翼 $30燒得好靚但太鹹牛油粟米 $38依個反而又唔夠味店內仲有文宣支持黃店

呢到呢間專食串燒既舖頭，串燒種類繁多，差唔多有成1,2百款，所以鐘意食乜既朋友都可以滿足到喇，呢間舖都算幾多人下，夜晚黎都要排一陣隊先入得，點解喎，因為大家鐘意佢d木枱夠曬「黃」。環境方面，用左傳統燒烤舖會用既實木枱，睇得出老板都比左唔少錢去裝修間舖，從來環境都係一個重要評分因素，所以米芝蓮先會用環境評埋，用木枱可以加強左燒烤既感覺，唔錯。野飲方面，當然唔少得啤酒汽水喇，今次仲有茶，三寶齊曬，應該夠滿足90%既人。燒烤方面，一般都等得比較耐，因為係收單即燒，咁上枱先有果種焦香味，唔會擺到凍曬，咁先係燒烤應有既水準。蒜香茄子就係本人最愛，今次見佢有肉碎茄子，所以一於試下佢，肉碎夠曬香辣，惹味，肉d汁流曬去茄子度，好正！！

推薦指數: 🤩🤩🤩好惹味的樓上燒烤串燒店！今次真的肚餓了🤩🙈黃店之選✌🏻黑椒牛仔骨!超好味，份量極多！😎每塊牛仔骨都燒得岩岩好，唔會太乾無哂肉汁，而且牛仔骨本身帶點油香，燒好後油脂同牛肉分佈岩岩好，食唔停！另外好推薦仲有蒜蓉廣島蠔，燒完後蠔仲係大大粒🤗上面的蒜香好香，勁襯廣島蠔！蠔味濃郁配合蒜蓉好夾呀。冬陰功翡翠螺，另一驚喜🤩冬陰功酸酸辣辣，翡翠螺大大隻，岩岩燒焗好熱辣辣，一碟有成十幾隻！翡翠螺肉質彈身，非常新鮮，非常推介鐘意食海鮮嘅你呀～其實食串燒唔一定油膩熱氣，仲有好多都係健康的選擇！今日就嗌左各款蔬菜🥬食得飽又健康！係屋企成日都整唔出同樣的莣味的燒茄子！超好食呀！茄子肉燒到淋身，上面鋪滿蒜泥，再滲入係茄子肉當中，每一啖都係茄子蒜香！另外燒菠蘿當然都係必點啦～菠蘿鮮甜無渣，真係串燒的感覺係將菠蘿燒到有少少焦糖感🍍甜到入心！甜薯串、燒韮菜、汁燒BB露筍 !!全部都水準之選!!!所以食串燒唔一定啖啖肉都同樣咁滋味呀💙

自己一向都好少去串燒店食野, 原因係可能以前中伏中得多, 好似食親都係食一大堆孜然粉咁, 今日收工個FD話去尖沙咀食串燒, 我即刻SAYNO, 但佢拍哂心口話依間好OK, 又真係好耐冇食過串燒店, 就比佢拉左上黎, 一試之下又真係好有驚喜, 對串燒店又有番D好感喎!上到去感覺幾好, 位與位之間隔得幾開, 因為串燒店多數好迫, 依度算坐得好舒服, 而且一D油煙味都冇, 加分。見佢有賣好多款手工啤, 幾有特色!鹽燒厚切牛舌 HKD68 睇賣相就即刻心心眼, 第一次食串燒牛舌會比到咁大粒咁厚, 仲要燒到個口感岩岩好, 咬落彈牙帶軟腍, 咁鬼厚既牛舌食落勁滿足!自家製惹味燒雞肉串（兩串）HKD39雞肉串又係大大粒, 有焦香但又好嫩, 調味又唔會過濃。安格斯牛柳粒 $79堅有牛味而且一D都唔韌, 食得出唔係渣貨。羊仔柳 $32軟腍有羊香, 冇臭酥味~~勁辣餃子雞翼 $49漲卜卜, 咬落啖啖肉, 但我就覺得唔係好辣, 反而佢雞翼既表面有D蜜糖燒過, 食落甜甜香香好好食。冬陰公錫紙包蜆 $89超足料! 勁多蜆, 雖然佢唔係好大隻, 但係份量撘救, 而已隻隻都冇沙! 依個又辣又惹味, 熱辣辣食得好過癮

最近天氣麻麻，搞到個人啲心情都有啲down…，不如搵個friend食餐好嘅開心下啦﹗今日收工要去尖咀買野，順便就係喱頭食埋，朋友話佢唔係好肚餓，想食啲小食，結果上網搵左間串燒店，見入面啲食物相都幾吸引，一於去試下!首先黎個黃金薯條，睇相以為好細份，但原來份量都唔少野，每條薯條都沾滿鹹蛋黃，好香好脆，平時食薯條我都要點茄汁，但喱個薯條本身已經有好香蛋黃味，就咁食都好滿足，唔怪得之眼見幾乎每枱都有叫啦﹗跟住叫左個餃子雞翼，牛舌，燒雞串，扇貝。本人平時唔會係出面食雞翼，因為唔鍾意 “LEAR骨”，但而家喱個係冇骨，雞翼本身皮脆肉嫩，仲釀左啲泡菜餃子餡，變得好香濃惹味，正﹗一般係餐廳食啲牛舌多數都薄簿一片片，但喱度啲係勁厚!!! 肉質嫩滑、肉汁鮮甜，大大粒夠份量，咬落去好有口感。接住個燒雞串又係好大粒，啲肉嫰滑多汁，一啖一件，好滋味﹗食完咁多肉，試下啲海鮮，蒜蓉蒸扇貝，未食已聞到好大陣蒜香味，熱辣辣好正，啲扇貝大大粒，肉質彈牙鮮甜，一啲腥味都冇，烹調時間控制得剛剛好，唔會煮得太生或太熟，完全食到扇貝原有嘅鮮味，唔錯﹗我係個食肉獸，對蔬菜興趣不大，但朋友想食，就叫左個蘆筍同秋葵，黎到見個賣相顏面

呢間串燒即叫即燒 上枱熱辣辣 仲要燒得好靚 係值得推薦嘅黃店 大家可以去同fd啤啤佢 吹下水👻💛-1️⃣「微辣肉碎茄子🌶🍆($49)」肉碎肥瘦岩岩好超香口 唔再係🧄味都咁出色Grilled eggplant with spicy minced pork-2️⃣「鹽燒厚切牛舌👅🧂($68)」有5大舊 多汁爽口 Beef tongue with salt- 3️⃣ 「燒雞腎🐓($32)」極爽口 一定要試下！Grilled chicken kidneys-4️⃣「金菇牛肉卷🥩($39)」必食🤘🏻超juicy 燒汁香甜 牛肉香嫩 Grilled Enoki mushroom beef rolls-5️⃣「牛油粟米🌽🧈($38)」粟米香甜新鮮corn with butter-6️⃣ 「燒玉子🥚($38)」芝士蟹子味 Tamagoryaki with cheese crab roe-7️⃣「黃金墨魚嘴🦑($69)」金莎鹹蛋黃超多 夠油香 份量頗多💛 Deep-fried cutter-fish heads with salted egg yolk

食物質素好麻麻，價錢偏貴，平均每人二百幾蚊但係食唔飽嘅。職員都幾冇禮貌，舉手叫極都冇反應，講嘢永遠冇尾音。如果食串燒黎講，一啲都冇串燒香口嘅燒烤味道，調味亦唔係好夠，唔係話冇味，但一啲都唔好食，同一價錢有更多好選擇，不值得再幫襯。

今日同朋友約左食串燒朋友一早就BOOK左位呢間串燒店係樓上鋪我同朋友準時7:00 去到, 已經差唔多FULL HOUSE見到個MENU, 有D花多眼亂應該有50幾款串燒可以揀仲有香港製既手工啤酒可以揀 朋友同我揀左呢幾樣食物:燒墨汁墨魚丸: 入面真係有一粒粒墨魚肉粒, 加埋墨汁, 味道幾香濃鹽燒牛舌: 呢個係厚切既牛舌, 入口啖啖肉燒雞軟骨串: 正常水準勁辣跳舞雞翼: 呢個真係唔講得笑, 辣味好勁, 真係會辣到跳舞,鍾意食辣既朋友一定要試原條鰻魚: 鰻魚燒得幾香, 如果大條D仲正蒜蓉扇貝: 蒜香味好濃, 滿滿一層蒜, 同扇貝好夾免治雞肉棒: 入面有雞軟骨又熱辣辣, 正!係呢度飲酒食串燒真係好暢快!

呢間肚餓鳥已經食過幾次，每次諗唔到食咩又咁啱係附近就會去食佢。但最近越黎越多人食，而且佢地方又唔大，所以最好都係book定位，有次walk in去到冇位。呢度除左有串燒，仲有好多其他炸物小食，串燒一串串份量同出面差不多，雖然呢度既食物比出面貴少少，但估唔到其他一碟碟既份量都幾多，尤其係豬頸肉，大大件，肉夠厚實(不過個人鐘意食簿同比較乾食既)，兩個人食晒都係有難度。特別推介有燒牛舌，咸蛋黃墨魚嘴同辣味雞翼。

今日去左一間餐廳名幾得意既串燒黃店 係尖沙咀泥講 價錢真係幾抵食💛餐牌睇到我地花多眼亂 有好多選擇🥰 我地就試下以下既食物🤤1. 芝士蟹籽玉子燒 大大件玉子燒上舖滿芝士同蟹籽 睇見都好興奮😍2. 鹽燒厚切牛舌 有5件厚厚既牛舌 熱辣辣食好好食👍🏻3. 芝士燒廣島蠔 可惜今日無黑松露 芝士份量好多好邪惡👅4. 自家製芝士金黃醬燒扇貝 自家製醬汁好出色 加上粟米同沙律醬 酸酸甜甜 必試😋5. 黃金薯條 份最十足 每條薯條都被鹹蛋包圍 好惹味😚6. 蒜蓉燒原條茄子 必點抵食之選 有齊乾濕蒜 茄子唔會好乾好juicy🤩7. 蒜蓉牛油烤焗雜菇 有大量金菇同雞髀菇 牛油可以再重手d😆見到佢地仲有好多款手工啤 下次要試下🌟

今次係我第二次黎依間舖頭食飯覺得環境幾好又唔會趕客走，啱晒朋友聚會。本地手工啤唔錯我叫咗冬革亞里啤酒幾特別麥味重。今次再叫黃金薯條、燒豬頸肉、雞翼同蒜蓉燒茄子一樣咁好食。我有surprise 到佢有文宣攞🥳。唯獨今次唔滿意既地方係地板好污糟癡粒粒同埋廁所好污糟，衛生有待改善。