肉餅哥小炒料理 (已結業)

之前去左荃灣嗰間分店度食龍蝦肉餅, 睇唔到有龍蝦肉又冇龍蝦味,肉餅仲要乾柴柴,都唔知係咩肉餅,啲肉餅扮晒特別，但完全唔夾，這個價錢唔洗食肉餅啦！咩五大素球，不知所謂

今日嚟咗荃灣呢頭探朋友 原來佢屋企附近就係呢間肉餅哥 不過如果要喺地鐵站行過嚟都算幾唔就腳㗎 不過因為上次食過覺得好食 所以唔就腳都要再嚟🤤朋友就話呢間嘅午餐抵食啲 晚餐會貴幾蚊 但係都一樣係有湯同又有野飲配嘅😮 其實喺出面我好少食肉餅嘅 因為外面茶餐廳嘅肉餅質素真係好參差😢 一係好多晶瑩剔透嘅肥膏 一係就成嚿肉餅好林 似係過量用鬆肉粉🤮 不過呢間嘅肉餅真係好值得推介 口感一流加上口味多變👍🏻首先會有碗中湯俾我地飲 唔會太鹹 仲會有少量湯渣附送埋🐷金沙蛋黃煎肉餅 一般肉餅配咸蛋黃麵係以蒸嘅做法 而嚿咸蛋黃都係得一細粒喺面 呢間嘅蛋黃肉餅係煎嘅 啲蛋黃塗滿成塊肉餅真係好吸引 外脆內軟 一咬開有好多肉汁 咸蛋黃醬真係起沙嘅 而且好好送飯😻芥末沙律醬煎肉餅 煎炸野配沙律醬一向都係絕配 估唔到配煎肉餅都係一樣夾 不過利申返先 本人好鍾意沙律醬嘅🥰呢間餐廳仲有好多唔同口味嘅肉餅 下次想食啲咁有口感又啖啖肉嘅肉餅嘅話 一定會再嚟🙊

想食肉餅嘅話，第一時間就會諗起呢度；今次係第2次幫襯。餐牌有各式各樣嘅肉餅，連素肉餅都有真係肉餅專門店；下次Green Monday時又多個選擇。今晚我就點咗金沙蛋黃煎肉餅配白飯 ＋ 乾土魷蒸肉餅配白飯。濃濃嘅咸蛋黃蓉，完全覆蓋住整個肉餅；見到都覺得好邪惡。再加上煎嘅關係，肉餅好香口。土魷蒸肉餅，有海鮮嘅咸香同肉餅有彈性。一坐低就送嘅湯，濃味係足料煲出嚟；而且仲有好多湯渣。但係＋$2送嘅菜心，份量好小囉...得4條；下次可以比多小小嗎?

以為係小店，點知原來都有幾間分店店面啲位略為擠逼，午膳時間人多，我親眼目睹有食客同朋友分開左坐，之後自行調左位同朋友坐返埋一齊，女員工一臉不滿，串串貢地話佢地自行調位搞亂啲單，仲話「我有話比佢調位咩？」態度超差。見佢同其他食客落單時一樣粗聲粗氣，有人問佢「呢個小辣得唔得？」佢答「呢個寫到明係辣嫁喎，你食唔食到嫁？」到我叫既墨魚汁魷魚肉餅上枱，結果一食就係重重味精味，除此以外毫無特別。食物唔值得我黎食，員工態度又咁衰，點會再黎？

肉餅哥, 聽得多, 所以就同男朋友試下係味真係咁好食😋 我地7點幾鐘去到, 人流都幾多, 餐廳唔算大, 位唔係太多。我地聽聞肉餅哥嘅肉餅款式多, 而且好多特別口味, 所以叫左一個正常嘅, 一個就試伏嘅😂🙈🙈 店員會先比兩碗湯你飲嘅🥣, 個湯味道ok, 一般老火湯嘅味道😊足三兩花膠肉餅⬆️⬆️ 花膠都真係幾大塊, 味道唔錯, 都ok滑, 有埋d汁所以唔乾, 肉餅唔錯👍🏻桂花蜜糖煎肉餅⬆️⬆️ 一嚟到, 本身都諗緊有幾伏, 但完全意料之外, 因為我真心覺得幾夾, 桂花蜜糖清香, 甜甜地, 煎肉餅幾香口, 加埋一齊就好似一個柔情姑娘遇上粗獷大漢咁, 聽落好似唔夾, 但食落兩樣野又好似互補不足咁, 夠哂特別!😋😋 推介👍🏻👍🏻題外話, 如果飯量🍚多d就好😂

鋪頭位置有啲偏僻 有地鐵站行過去大概十令分鐘 本來被佢個龍蝦肉餅飯吸引以黎 不過作為午餐個價錢有啲令人卻步最後點左鹹蛋肉餅同蝦膏蟹蓋肉餅午餐每個餐送一碗老火湯 依到鹹蛋肉餅比平時茶記多好蛋黃 整得幾靚 一層金黃色差唔多蓋過成塊肉餅至於蝦膏蟹蓋肉餅都整得幾靚 限於個蟹蓋大細 係唔減少肉餅嘅份量下 佢突登打到塊肉餅好厚 又塞得落個蟹蓋 蝦膏味唔算突出 反而有啲蟹味兩份肉餅都打得幾林 而且有菜飯同油飯揀 各適其適下次再機會黎會再試其他肉餅

第一次去食仲有1個鐘佢地就收工。甘我照坐底食。落單個時叫收銀員過來佢同我點點頭都算。行2步你都懶。到佢地收工差不多應該就仲有15分鐘左右。個個叫哂自己d男朋友過來好似開party 甘。講野又大聲。播歌又大聲。好似當d客透明。又大叫又無禮貌。當時仲3台客系到架。如果食物的話。都算好食。

見有d人氣既肉餅店，今次就黎試下啦。入到黎環境都算尚可，唔算太擠迫但舒適度係一般。因為自己都鍾意食下蛋黃，所以就點了 金沙蛋黃煎肉餅， 不過味道係幾失望。湯方面都算清同可以接受，但黎到梗係想食特別既肉餅。金沙蛋黃，食落去係有點乾既感覺，而且蛋黃同肉餅都無混為一體，算係兩個分開既肉餅同蛋黃，所以唔太吸引。蛋黃味道有少少鹹，正常的，但食唔到吸引既味道。肉餅上面有一條條既絲，唔知原因，朋友食既就沒有，味道沒吸引之處，整個配搭感到失望。飯就大碗不過唔夠熱。服務態度方面，一般同侍應傾計比較大聲講同笑，希望改善。總結太乾，失望味道，態度要改善。

由大窩口港鐵,經悅來酒店,行過嚟差唔多要15-20分鐘,去到門口,見到有幾個人企係到,以為要等位,完來係食完等朋友畀錢。入到去,人唔算多,仲有好多位。睇吓個餐牌,都有好幾款午餐,價錢都好扺。叫咗個煎麻辣香茹肉餅餐,嚟到賣相都幾靚同都幾大塊,食落其實都幾辣,但好好味,跟咗嗰菜飯,加湯,飲品,都係$55。見到好多檯的人,都點金沙蛋黃煎肉飯,應該唔錯,下次再去會試吓。

肉餅哥的地理位置有點不方便，無論是從荃灣地鐵站還是荃灣西站過去，都一樣要步行一段距離。從「肉餅哥」這個名字就能知道餐廳是主打肉餅的，每個食客來到這裏除了肉餅，還是肉餅。肉餅的配搭和烹調方法非常多，是次選擇了金沙蛋黃煎肉餅（$75），芫荽煎肉餅（$72），再加了一碟白灼菜心（$12）。每份肉餅都可以選擇白飯白粥或者米粉，又或者加錢轉為菜飯或者油飯。最後我們兩個都選擇了菜飯，比較香，又沒有這麼油膩。兩種肉餅都非常足料，肉餅很厚身，煎得很香。特別推薦金沙蛋黃煎肉餅，外層煎得有點脆，但咬下去裏面不會很乾，還保持着肉汁，再配上上面的鹹蛋黃，十分惹味，配飯一流。

以為呢間小店有D特色，諗住撐下小店，點知原來D員工係倒米既，想話要杯水(因為個湯勁咸)，個女員工叫我出門口自己斟，都算，個態度其實可以好少少，我以為啲員工好忙所以唔得閒斟水啦，點知我哋一路食，佢哋同埋廚房嗰啲員工一路喺度傾啲男女關係，傾到講晒粗口，根本冇人做野。個老闆有心搞飲食真係冇用，請着倒米員工，真心唔會食第二次食物方面，肉餅肥肉多，重味精，菜苦既，湯仲咸過鹽水，價錢又貴，連基本野熱檸水都冇。冇下次呀！因為最基本嘅肉餅都令人失望！

第一次來吃，記得對食物味道的印象比較差。今次是第二次來吃，依然多人。叫了兩個肉餅，我的是土魷蒸肉餅$62，雪味強烈，而且口感很像是肉碎攪成的，不像是手打的黏彈。另一款老干媽肉餅$65，煎的肉餅，味道普通。雪碧$5。坐中間的臺很迫，和對面的陌生人很親近。

老公上網search，找到了這家新奇肉餅餐廳，專吃肉餅的。一坐下，就端來兩碗例湯，好夠火喉，好味！不過...最好味只有這碗湯了，其他都真的很一般。菜心 - 完全是白淥的，我們自己加了桌上的豉油。菜不嫩。足三兩花膠煎肉餅 - 花膠是多的，有兩塊半，可惜完全是渣的花膠，不滑，不好味；肉餅更加攪笑，完全是漢堡扒味道，我都會煮得好味過這間，還好意思是專做肉餅的，開漢堡扒店吧！成為99元。不會再來了！漁民麵館的花膠還較它好味，價錢還便宜些！

呢個肉餅哥開左咁耐，一直都好想試下，究竟呢款家常小菜-肉餅，可以有幾fushion既配搭。雖然話係想試fushion野，但係其實個人對啲太過九唔搭八既配搭唔係太接受到😂所以都係揀番啲偏正常系列。先黎個流心芝士肉餅，唔好睇佢面頭有塊芝士以為就咁就完事，裏面都有夾心芝士，重點係，會拉絲架！另一個係金沙蛋黃煎肉餅，呢個相對麻麻地，因為肉餅本身已經鹹，再加埋鹹蛋黃，有啲over左。呢個加$12既油菜有啲少得可憐。老火湯無特別。

當日約左朋友系荃灣行街，所以揀左食呢間特別肉餅既餐廳位置唔系特別近地鐵站，唔熟荃灣既我地都要開住google map 行，由地鐵站行過去大約10-15分鐘。當日兩點幾去到，一入就有位但食食下之後就開始好多人我地叫左一個麻辣香菇肉餅、一個墨汁魷魚肉餅。等左一陣湯黎啦，個湯唔系淨系得d湯仲有d湯料可以食下，當日系冬瓜之後兩個肉餅都黎啦，呢個系麻辣香菇肉餅，對我唔系好食得辣既人黎講都接受到呢種辣味，而辣得黎唔會蓋過菇既味道而墨汁魷魚肉餅就味道相對麻辣香菇無咁特出，但食完呢個墨汁肉餅個咀同啲牙都唔會黑加唔洗擔心總括黎講，呢間我會再黎食，因為有好多特別既肉餅，唔系平時就咁齋蒸