影片
港铁元朗站 A 出口, 步行约8分钟
继续阅读
开饭介绍
由冠忠南区球员刘浩霖开设的餐厅，供应多款港式及西式美食，份量颇大。
继续阅读
营业时间
星期一
12:00 - 21:00
星期二
全日休息
星期三至日
12:00 - 21:00
公众假期
12:00 - 21:00
公众假期前夕
12:00 - 21:00
以上资料只供参考，请与餐厅确认详情
晚餐想试下新野，是晚就叫了肆悦外卖速递，就煮餐到送餐都系15分钟左右十分快速，可能系6点叫晚餐厨房还未太忙吧。自己点了肉酱意粉，卖相就一般啦，条菜可能因为盒住所以已变黑。肉酱味道偏咸偏酸，非常杰身。意粉还不错，有咬口。屋企人叫的蒜香杂菌炒意，同样较重口味，杂菌亦不多。另一份就点了肆悦香煎鸡扒配火腿薯菜，鸡扒系煎得香嘅，很大块，但薯菜失了踪，完全不够饱。鸡扒个酱汁拣左黑椒汁，咸到一个点就无加落去份扒到食了。餐饮叫了热柠茶×2同热奶茶，柠茶又苦又涩……哈哈，深色都咁都知唔简单，奶茶正常。仲加左小食香脆虾多士同薯仔丝炸虾，呢两样几好食。作为同路人当然会支持，但食物实在有待改进。听闻最近餐厅改了名，也有了新餐牌？揾日再比多次机会佢啦，期待下一篇食评。
继续阅读
黎到元朗原先想食拉面不过拉面店未开饺子舖又劲多人唔想等见对面间餐厅有位就入左去试下舖头门口同入面装修都系好普通睇得出都系做街坊生意多餐牌原条日本鳗鱼炒蛋紫菜饭鳗鱼好干炒蛋好老d汁好咸老实唔系几好食芝士鲜牛肉汉堡配沙律呢个水准差好远好食好多七十八蚊份量都叫足料一个人基本上食唔晒不过都等左成十五分钟先上菜有d耐除左汉堡扒之外仲有烟肉奇怪系个酱有少少黑松露味唔算特别好食但以小店水准黎讲唔差不过餐厅嘅侍应水准有待改善落错单之余卖晒嘅野响冇通知之下转左第二样上黎
继续阅读
强推哩个有惊喜嘅意粉，意外地超好味!!!(忌廉滑+西椒香 =原来甘夹)，份量够多可以分两餐，爆足料外卖自取有折，$5X哩个质素好抵,不妨一试哩间新店第二次试咪外卖西冷配薯菜外表味道,繁忙中食到甘嘅外卖好
继续阅读
Dinner可以食到10点啦👻今次都系 #黄店 推介！元朗鸡地真系有一堆黄店围住，呢间地方细细，但食物绝不马虎，又平，又坐得耐，我坐左3个钟都有🤣🤣芝士鲜牛肉汉堡配沙笔🍔拿拿拿，牛肉要juicy系基本，但酱汁可以再多啲🧀我最想讲既系薯条🍟好好食！幼身既，炸到脆一脆，有啲似m记个脆薯圈咁，但呢个好食好食😍😍😍 食肉兽既我就无食沙律了原条鳗鱼炒蛋紫菜饭🍚坦白讲呢个系朋友既，为免交换口水唔觉意中武肺，我系无食既🤨 但原条鳗鱼就货真价实，炒饭望落都唔差，朋友都清左碟饭，大家可以去试吓☺️店名：肆悦地址：元朗建业街80号联发洋楼地下4号舖
继续阅读
我好少写食评，但今次真系忍唔住要写，同我平时一定会相机食先，但呢次相机都唔想食先。而卖相真系同其他食评post 的差唔多。话说男友妈妈话想帮衬黄店，就拣左呢间餐厅。叫左四个餐，餐汤面包都麻麻地，不过呢啲唔多讲，反而想知点解叫汉堡包餐有汤无餐包，虽然个包都唔太好食，但都觉得好奇怪叫包餐无餐包。🙃叫左两个意粉，一个黑松露意大利饭，一个牛肉汉堡包。一个意粉系蒜香蚬肉意粉，都算系简单易煮的。赞系份量系大份的，但系...第一啖食个蒜蓉味，系似用李x记𠮶啲蒜头，二系啲蚬肉有雪味，三系啲意粉”淋”左啲同意粉本身质素都一般。如果收费系40-50 蚊，以上三点系无问题，但如果我俾108蚊(唔知有无加一，点解唔知？系后面有讲) 我就觉得好唔值。😌我食左两啖无食。另一个意粉系青口意粉(HK$128) 我食左一啖就无食，都系咁啦，好咸，完。鲜唔鲜味唔多讲啦。🙃到我叫𠮶个芝士牛肉汉堡(hk$98), 个包一般，无咩特别评价，但我记得包唔系热的。🙄 但我唔想同面包好食𠮶啲比较，所以跳去个肉到讲，个肉系无牛肉味，同又系好咸。🤭 唉...而我食得最多系幼薯条，唔系因为好食，系我钟意食香口食物。做得唔好个位系炸到好干厚粉咁。系好脆丫，但食唔到薯仔啰，可能你会话，幼薯条当然会少啲薯仔啦，但真系好食𠮶啲幼薯条系炸到皮薄馅靓，就算幼都食到系薯仔黎。😌希望大家明白我的意思。最后系黑松露意大利饭，赞系好大碟，一定够饱，但系，完全唔系意大利饭黎，似系黑松露忌廉烩饭。🙈 由于我钟意食忌廉，所以我系食左三啖。😉 饮品叫左樽装酒，所以无特别comment。听男友讲返原来埋单系无俾单我地，行埋黎讲个银码，因为我地都觉得系500蚊到都啱数，所以无理到，同唔系我俾钱，所以我唔知系有无加到一。其实食物唔系真系咁差，但收120 up一个人希望有返少少质素。返到屋企睇返lunch menu 大约60蚊一个餐，呢个价就接近今晚晚餐的食物质素。Btw 我返到屋企到瞓前饮左劲多水，唉.... 我谂呢啲身体反应无得呃啦吧？我系真心想餐厅改善下先写咁大篇文，完全无恶意。😌 希望可以认真有原则地制作食物。
继续阅读