職人魂 (已結業)

呢间面包店位置喺正巴士站附近，啱啱一落车就买早餐 🤭早 2 日见有柠檬卷，一向喜爱柠檬味嘅我立刻面包都唔要，一心试吓个柠檬卷。返公司冲好咖啡谂住叹吓，点知咬咗一啖之后完全被失望感包围，一啲柠檬香同酸味都无，可能比嘉顿𠮶只更逊色!其实试过其他面包唔差架，有个牛奶栗子包几好味，不过下次就要乖乖拣面包啰 🤣🤣…查看更多

约左朋友系附近食晚饭，搭小巴中途见到有个几大又醒目既招牌职人魂，原来系卖面包，买左蛋糕仔，曲奇饼，3个面包做大帝既早餐同下午茶蛋糕仔系比较实净足料唔系轻飘飘既，之前食过连锁集团既蛋糕仔或纸包蛋糕都系好似食左阵风咁。 这款蛋糕仔实净几香蛋味同牛油香味。曲奇饼买左原味同咸蛋黄味，咸蛋黄曲奇好香牛油同咸蛋味，咸甜咸甜好松化，好味。食剩几块先醒起未影相原味无咁松化但都几重牛油香，亦唔会好甜，俾大帝食岩晒，大帝都话Yummy,一个4岁人仔招招积积讲Yummy劲搅笑。仲有蒜蓉包，芝士包，2款都松软有弹性，蒜蓉包比芝士包香。我见价钱都几抵食，比起连锁店抵亦足料，唔记得几点后仲有买x送1，我都要支持下小店。我见收银阿姐都几nice会同d熟客倾几句。…查看更多

以我所见，最近呢几个月转左手，名都改埋叫职人魂，店面无变过，但品质更胜一筹。我第一次保守地就系试佢既餐蛋包，觉得惊喜，馅料充足，块蛋好有heart,系厚玉子黎架，味道调较岩岩好，面包实的的很实在，唔会好似食空气咁，价钱仲系$5.5，而家买少见少呢d足料又平既包包喇🥺另外，呢间野间中仲会有新作，试过佢既卡邦尼薯蓉包，几正，内里薯蓉香滑，仲有粒粒磨菇，有心之作。呢个都系新产品，*火腿芝士多士*～外表金黄，有5层包，火腿同芝士都有2片，食完真心饱饱，食落唔会硬掘掘，芝士整到溶溶地咁，$8价钱系觉得抵既，而家出面一个普通到唔普通既肠仔包都卖紧8-9蚊，呢间面包舖系令我几respect 既。…查看更多