聰少甜品 (已結業)

成日係屋企湊b出唔到街但又想食糖水，都會叫下網上外賣平台，最近發覺糖水又減料，今次仲要比得半碗。真心失望，網上外賣平台 $29碗芝麻糊仲有$20速遞費為既都係想食碗糖水，外賣碗夠細仲要半碗... 細碗得可憐

係銅鑼灣食過一次聰嫂後就一直很想再吃。可惜屯門人出銅鑼灣真係好遠，終於有間聰少係屯門出現，當然一吃再吃！黎到聰少當然要吃佢既招牌冰，龍眼冰、芒果冰同榴槤冰我都試過，都係組料好味！芒果雙皮奶都好好味啊！

環境一般，甜品不俗，點了龍眼冰，果然真材實料，一吃難忘！甜品款式方面不太多選擇，所有甜品都價錢偏貴，不過可以選外賣，上甜品的速度一般，要等一段時間才可以吃，不過下次還回來繼續吃龍眼冰。

年初二食完開年飯，準備回家前想甜一下。因為年初二，仲有好多食肆未啟市，少選擇下所以就同小朋友去左聰記食。叫左三樣，合桃糊、薑汁湯丸及芒果🥭布丁。整體份量偏細，合桃糊不合我的口味，只吃了一口，感覺好像是用粉開的，幸好不是我叫的。薑汁湯丸芝麻湯圓好吃軟腍，薑湯過甜，最可取是薑味不會太薑辣。芒果布丁小朋友叫的，花奶另上。分量細，小朋友就剛剛好，小朋友話芒果肉好甜，佢食哂！但布丁就留比媽咪食啵，小朋友的反應真誠實。

|貴價細碗糖水店 唯椰汁燉桃膠有驚喜|Vcity獨家糖水店，在Vcity的店租一點都不便宜，所以店內的糖水標價都偏高，不過就是有一點點不滿就是很細碗，錢已經給了，就好像是3口就吃完。因為老表那刻想吃糖水，所以都冇選擇。點了榴槤和茫果班cake、楊枝甘露和桃膠糖水，一碗很細的楊枝甘露已經要$49，而且不是很特別;不過兩款班cake倒是可以一試，因為入面很足料，而且不是太甜，味道剛好;到我覺得店內一些特色的中式糖水也是很出色，椰子燉桃膠那個料很多，每一口都很味道都很豐富，而且椰汁加桃膠十分滋補，是女士恩物，所以這個十分推薦...

以前會突燈去店到食合桃露，真係幾香。即使放假係屋企都會叫下網上外賣平台。但最近幾次叫都感覺合桃露無之前甘濃，覺得稀左，希望佢地整返濃d啦，我好中意食合桃露。

同朋友食完飯就黎呢度食甜品，叫左個龍眼冰，細細碗，味道一般啦。上面既透明珠原本以為係荔枝味😂😂，原來係冇味既。什錦水果有蜜瓜香蕉芒果等等，水果普通啦，但粒士多啤梨真係食唔落口。整體好一般。

我想落單時叫左服務員過泥問左個問題，佢答完就二話不說轉身走左，我未講完咖wo😓我好普通落個單叫左三個糖水，但總共要分開4次叫個服務員。重點系，佢有咩做要甘趕呢？全場得兩張枱有客，合共得4個客。原來佢趕住返去玩電話😓玩電話吾問題，我落個單要分開4次落先系問題。ha

之前要去琴將軍澳先有，而家周圍都有。龍眼冰d冰好滑 周埋另外個三色都好食 有個陣水果味 雖然應該都係化學野味 但耐唔時開心下唔緊要啦 之前好飲可以一次試曬4色 但而家好似無左 唯有食返龍眼味la haha

去屯門探朋友，個 friend話帶我去一間出名又好食嘅甜品店，就係 V City地下嗰間聰少甜品。入到去都見到好多客人，我見到有我最鍾意食嘅芒果，即刻叫了這個芒果特種冰。呢碗冰放在一個日式托盤上，好顯貴氣，跟價錢一樣 - 有點貴。冰上面有些椰果，芒果肉和西米珠，連埋冰一起食感覺好正，芒果味好真，但真係好細碗，收$39 不太值。

自從佢開左之後，一同my boyfriend nothing to do既時候就會去個度坐下食下甜品。好彩宜家冇以前咁多人lu。每次我都係食mango雙皮奶。係真係好好食架！一定會再黎食！

見依間糖水鋪開左咁耐，又多人幫襯，所以約班朋友一齊黎try try佢。我地每人點左一個，真心講份量真係好少，擺係日式托盤度感覺高級d，味道唔係特別出眾，唔值咁貴。我點左個芝麻糊，$26，味道正常芝麻味，口感黏黏地，唔係水咁。朋友話芒果系列幾正，見佢要40蚊左右，我心諗：「值依個價咩？😂」-總括黎講真係有d小貴，味道唔係差，但認為同傳統甜品店果d差唔多，仲要大碗過佢，唔知點解咁多人幫襯。有錢就去食啦~

每年中秋節也例必會吃湯圓. 團團圓圓, 所以今年也不例外. 居住於屯門的我每年也會到美樂花園那2間甜品店吃湯圓. 今年得知屯門公園有綵燈會, 因此來到VCITY找甜品店. 每次見到這間聰少也排著很長龍而打消光顧的唸頭, 今次也是排著長龍. 但附近也沒甜品店, 所以碰碰運氣看看2位會否可快點入坐, 誰知真的可立即入座. 很開心. 當天點了2款甜品, 一款是合桃露,  一款是我最愛的湯圓. 生磨合桃露, 不算太濃的合桃味, 感覺有點希, 但也是易入口. 薑汁芝麻湯圓, 芝麻也算多, 雖不算大粒. 也是很好吃的, 而且薑汁味濃和辣, 冬天飲會很暖胃.

等著朋友講講到明要等咁耐， 唯有揾個地方坐坐等， 入去聰少時，一個人都無，伙記倆在角落頭傾計，還好我入去時佢地都有知覺在餐牌上，原來選擇不是太多選了椰汁芒果黑糯米，可以耐食點～不消五分鐘就到啦不算大碗，芒果有點酸 還好糯米加上椰汁不錯吃～前後坐了30分鐘，除了我外，就只有另一枱客，真係幾.... 冷清。半小時消費$49... 確是貴了點

一行6人開開心心去食糖，眼見唔係好多人！樓面員工得2個！等安排入坐時員工態度已經唔好，入坐後更加差，我地係去食糖水囉唔係去受氣架！最後决定轉去其他地方食糖水，我其實係想講他們態度真係好差👎