聰嫂私房甜品 (已結業)

食完晚飯…諗住去食下糖水！知道聰嫂開咗旺角店，諗住唔使下下走落銅鑼灣食… 點知中伏！！去到門口等咗一陣，有得入去食。望真啲間舖超細…超迫夾，天氣熱辣辣仲要同後面抬背脊貼背脊坐！迫到員工行入嚟落單都冇位，要嗌出去落單。一場黎到…諗住聰嫂一向有水準， 忍咗佢啦！！楊枝甘露：碗楊技金露完全唔夠凍，食落真係一碗“糖水”之外…係冇乜味！龍眼冰：味道雖然正常， 但啲冰超硬…用匙羹都食唔到。佢應該畀個冰鑿我食整體嚟講：完全同喺總店食係兩回事， 完全管理唔到質素。舖頭逼到唔想坐，拿拿聲食完起身走！下次都係返總店食

2個月前我跟老公行旺角，點知遠處就見到個店名就叫左。。。“聰嫂呀！”跟著就急步入店。同時間我地既後面都有一pair 男女，跟著我地叫左一樣既對白（哈哈），都係急步入店（amazing ）。我地係order 同樣一定食既榴槤水晶珠同龍眼豆腐花。因為大部份既甜品都係交過來而不是即製，所以雪到又硬又冰又無味，仲要賣相完全認唔到。我仲心諗原來聰嫂差左甘多啦，直至再去番總店先之有天淵之別。呢間旺角店要black list

店鋪面積小。坐位好少，又迫。坐得唔舒服，會同背後其他客人背貼背咁濟。冷氣仲超大，幾乎係吹住食，凍到食唔落。甜品選擇好小，仲幾貴。份量小，但味道的確好食、好濃郁。榴鏈愛好者記住要食水晶珠，超濃！但呢個價錢同環境，不如去第二間好過。

老婆話想食糖水，第一次見到依間野新開張，諗住幫襯下。老婆叫左一個$49 龍眼椰果冰，我就叫左一碗芝麻杏仁茶。一見到碗糖水同冰就已經想講粗口，分量已經超少，心諗有無搞錯。碗芝麻杏仁茶一食落口就好似一份糖水九份水咁，得個甜字，唔知有幾多係杏仁或者芝麻糊。我老婆嗰碗龍眼冰除左份量少，就係無味、無味同埋無味！$50 一碗！如此質素，呃錢味濃！收得依個價錢，份量味道樣樣都唔掂！除左裝修做得好，其他事情就可以忽略？問過朋友，原來尖沙咀嗰間都係咁，集團式難食！

聰嫂私房甜品都係比較多人讚嘅新式甜品鋪之一，分店亦都開始越開越多，終於開到嚟旺角了！由於一直都覺得佢哋嘅榴槤幾好所以之前經過開見到有都會食，新舖喺旺角真係幾方便我！但係鋪頭細細，可以容納嘅人就不多了。所以都係決定選擇外賣吧！門口有排行榜，揀完就直接畀錢喺門口，算係幾有效率。但外賣要加一蚊，不過其實都算合理的。最後我揀咗〈榴槤水晶珠〉，成盒都係榴槤肉，一打開就勁大陣味，唔食榴槤嘅老婆當堂嗌曬救命。榴槤肉都幾香甜軟滑啖啖肉，質素幾高！水晶珠仲會另外裝起，幾貼心！$50一碗糖水算唔算貴呢？但有得食高質榴槤肉喎！

一家人去旺角吃完晚餐，剛在facebook知道聰嫂私房甜品係旺角開咗分店，所以去試吓。唸住同灣仔或銅鑼灣分店一樣。誰知中伏了。舖面非常之細。最不滿係佢選擇非常小之外，仲要貴灣仔或銅鑼灣店好多。例如榴連水晶珠，別的分店賣$39（我已經覺得有點貴）。但旺角分店居然賣$49！旺角呢的區比人感覺係多平嘢。就算唔平啲，無唸過同一商標但居然貴其他店貴25%我覺得太誇張了。而且選擇少好多。唔會再去旺角店。

之前買過聰嫂外賣$36一碗椰果龍眼冰， 今日新年太太幫手去order竟然變左$60($59+$1外賣碗), 返到屋企我先知咁貴，仲要勁細碗， 酒樓新年最多都係加1加2, 一間糖水舖鬼鬼鼠鼠(由買到比錢都冇提過新年加價) 加夠66%, 講直唔係同區食開嗰間冇開門都唔會買佢， 多年前將軍澳食佢到慢慢對佢越黎越失望，我同好多街坊都轉哂幫襯過d嗰間。 加價，明嘅，新年揾人開工都要比多d (希望你有), 但要寫哩個扑傻瓜價真係燥到我要寫第一次嘅open rice食評。

之前一直都好想試吓聰嫂~但一直都唔就腳，所以都無機會食~而家旺角終於開咗喇夜晚11點幾去食，等咗大約15分鐘~唯一唔好就係舖頭實在太細，太逼~嘩~一眼睇晒，真係得咁細架咋~入到去我哋就嗱嗱林叫嘢食因為怕買晒(((等位時聽到某幾樣嘢已經賣晒)我叫咗 龍眼椰果冰充滿龍眼味嘅冰~好清甜，好好味而朋友仔就叫咗 芒果奶昔雙皮奶有三層嘅感受，味道幾夾~其實仲有好多嘢想試~榴槤乜乜呀，士多啤梨乜乜呀下次再試啦～不過我建議買外賣再到附近公園坐低食會舒服啲~新開張可能混亂咗啲~之後應該會好啲~