聰嫂私房甜品 (已結業)

小妹很喜歡在夜深的時段，捉附近的朋友出來談談天，而「吃糖水」就是給大家最好的藉口出來聚一聚。由於將軍澳站一帶當11時後就沒有糖水店，而通常也徒步這個老地方。由於這天來到已凌晨12點幾，兩伙子亦非常僥倖地毋須等位。這裡雖然坐得比較逼，但勝在有個冷氣地方吃點食物兼聊聊天，不過如假日來應該頗多人，當吃過糖水後亦不好意思坐得太耐吧。是次小妹點了芒果西米露，芒果新鮮，帶點甜，西米露呈透明，粒粒分明，並好重椰味。整個糖水不算太甜，味道不錯。其實偶然和朋友步行到此吃糖水，再回家是多美好的事啊!

After playing mahjong for a whole lovely day, me and my friends went here for a nice dessert to end the day. We arrived at around 11 pm and there were still quite a long queue over there. 椰林樹影 was quite good. There cubes floating were jello and banana. It was fresh.芒果雙皮奶 was excellent. This was the greatest and the most well-known dessert here. The mango was fresh and the milk was well favored.龍眼冰 was quite good. It was my B'd favor and it was quite a nice choice in the hot summer. It was not a

平均每月都會幫襯2-3次, 平常都會食豆腐花或者鮮什果水晶珠近年見證住佢既水準不停下降, 試過鮮什果水晶珠入面既香蕉係黑色既亦試過成碗甜品都冇俾水晶珠, 得啲雜果.....由於我都係外買居多, 較少堂食但相對於寶琳同坑口分店既甜品質素, 確有莫大既分別, 特別係服務水準試過係坑口落兩個甜品, 兩個都落錯單每次落單時收銀既嬸嬸都心不在焉, 又唔會覆單, 只好自己對單結果發現單上面落既甜品都係錯既, 唯有馬上更正, 結果俾收銀既嬸嬸大閙我講得唔清楚我唔期望你會俾到啲咩服務我, 但我接受唔到咁劣質既態度雖則甜品係唔錯, 但服務的碓令人卻步....

朋友推介，所以那天在九龍灣睇完戲後，便入了將軍澳的聰嫂。一到舖頭，巳見到十幾人在門外等位，大約等了十五至二十分鐘就有位了。朋友推介的是榴槤冰，但因為我不愛吃榴槤，所以友人便推介了龍眼冰。甜品外貌白雪雪，但不算吸引。吃一口，心中有嘩的一聲，正喎!因為有濃濃的龍眼甜味，而且又有龍眼果肉及椰果。看到旁邊的人在吃芒果的甜品，令我下次也都想試一下芒果的呢!

榴蓮水晶珠($30)係我會推介如果你鍾意榴蓮嘅話。因為係真材實料，好香嘅榴蓮蓉，再加上榴蓮冰同埋水晶珠。啲水晶珠好彈牙，又會響啲榴蓮蓉度食到榴蓮肉，同埋啲冰一齊食，真係好涼快。夏天食一定會係超級消暑，同埋會係夜晚同朋友一齊傾吓計，食吓甜品嘅好選擇。

在店舖門外，已經聽到店舖內人聲鼎沸。 今日是假期， 所以店舖內特別多人， 有的攜老扶幼， 有的與朋友結伴同行， 有的與愛人撐抬腳。椰汁西米 簡單易整， 好多甜品舖頭都會賣， 可是， 要 數用料十足， 選擇聰嫂才是明智之選。一來西米份量足夠， 二來椰汁味香濃。夏日炎炎， 芒果沙冰配上涼粉， 冰涼透心。 另外， 芒果涼粉是健康的甜品選擇， 低卡路里， 食多左都唔怕。 上面的黑色一粒粒, 增加糖水的質感。大部分服務員都是中年嫂女， 和藹可親， 客人少的時候， 他們會主動同客人搭話， 為店舖增添幾分人情味。

本身Aminn是聰嫂老闆梁思浩(村長)的電台節目粉絲不過10年來去過聰嫂可以只有...1次今晚剛啱到坑口晚飯就去食飯後甜品我們簡單地芒果椰汁西米露和西瓜涼粉糖水不會太甜剛剛好 水果方面除了選料好也因為生意好去貨快所以材料好新鮮之後才留意到聰嫂的特色甜品數量不少下次要再食水果冰!至於服務方面仍有改進空間聞說寶琳店的服務比坑口店好下次就去寶琳試試!

芒果雙皮奶 聰嫂一向以其榴槤甜品著名 不過早前試過店內的芒果雙皮奶 其實也相當不錯 吃下去的時候十分順滑 奶香味也很足夠 雙皮奶上有數片芒果 芒果的酸甜味加上雙皮奶的奶香味 可謂味覺上的雙重享受 一碗芒果雙皮奶售$29 就甜品的價格而言，這可算得上便宜 十分推介大家試試

 晚上吃飯後,朋友提議去吃宵夜,本來我已經很飽了,但不想掃興,所以答應了我們大約9時多來到,人也挺多的,但幸好還有位置因為很飽,看見MENU上的紅豆/綠茶Q果好像分量不大,所以點了這個賣相和味道都有點像水晶包(水晶包在茶樓越來越少見了 )但和水晶包不同的是,這個Q果的皮比較厚,也比較乾再加上太飽了,有點兒食不知味,一般般吧

望見聰嫂，總會想起梁思浩，然後想起《大家「真」風騷》的節目，以前未搞網店，相對比較閒，午飯時間最喜歡躲起來聽這個電台節目。為什麼要躲？因為實在太無聊太好笑，聽到主持人在笑，自己也忍不住，不想破壞形象，所以要躲一躲。今日才赫然發現，原來已經很久沒有聽，也很久沒有盡情的大笑了。有段時間經常幫襯新都城店，最懷念的是南瓜露，當年賣價不過$12~3左右，現在已經沒有純南瓜露，變成了椰汁南瓜西米露，價錢亦升至$18。雖然南瓜味依舊，但總覺得加了西米後，味道變得比較淡，不復以往的濃郁。因為椰汁比例很高，入口很香，質感濃稠，放一陣已經像快要凝固的樣子。習慣了吃燉蛋燉奶，質感都是固體。這個薑汁鮮奶燉蛋白($25)，起初譲人很疑惑，正在想為什麼看起來水水的，還以為是因為失敗了，撞不起來，原來蛋白藏在底層，有點結實。勺起來，口感很像豆腐花但有濃濃蛋白香，入口薑汁又濃又辣，呷幾口已經非常暖身，算是今日發現的小驚喜。

今日去開將軍澳坑口村食嘢，見好耐都無食過聰嫂，當然要嚟食啦^.^我地4點幾嚟到，唔係太多人，不用等位。個芒果班戟，真係好好味^.^個皮好薄，cream不是太多剛剛好，而中間有一大塊好甜好甜嘅芒果....正^.^龍眼椰果冰同唔太記得個名，好似芒果椰果冰，但都好好味，可能e家唔係龍眼季節，所以無咁甜，但都食到龍眼肉...正正正^.^芒果奶昔豆腐花，估唔到呢個配搭好好味，又可以食到甜到漏嘅芒果又可以食到豆腐花，正^.^可能佢地選嘅材料真係好正，連普通嘅楊枝甘露都比出面嘅甜品店好味^.^

朋友未食過聰嫂糖水自己又幾年冇去食,於是我就決定去回味一下一去到見到門口如常企左一堆人等位我張飛2位 52號但我聽到叫2位既時候,竟然係跳左我個號碼=_=咁見唔對路就即刻上前問原來丫姐搞錯左2張飛的人數唔問可能企多半個鐘先有得食坐低見到menu冇咩點變過,我未食過呢間的雙皮奶,就抱住白老鼠心態去食呢個奶昔雙皮奶, 奶昔似沙冰雙皮奶似豆腐花雙皮奶啲味仲要淡到冇咩味見個肚仲有位,叫左1個糖不甩食下呢個糖不甩亦不過不失個湯圓未夠煙un,差少少而啲粉冇咩香味,芝麻同花生既香味都冇

很久沒吃甜品就到聰嫂過口癮。雖然服務態度不可期望什麼，只評食品質素吧！芒果椰果冰: 想不到芒果冰完全不甜，吃起來沒有加糖一樣，又幼滑又夠份量。椰果應該是現成市面買的一種，很甜沒吃完。透明珠爽身，並不是西米，跟芒果冰的爽口質配合。朋友店: 芒果奶昔燉奶。原片芒果大大份，中層為奶昔，打得很滑又有香濃果香。底部燉奶沒吃只用匙輕拌已經濃濃奶味發出。PS，如要在將軍澳區光顧聰嫂，見議只到這分店比較好。。。好得多。。。

今晚和朋友吃完生日飯後,倍佢返屋企 見到間甜品店就去試下啦名叫聰嫂私房甜品 總共叫了二款甜品!店內氣氛同裝修幾好晚點還越來越多人,不想等位的朋友就要早點去啦!鮮什果水晶珠這個甜品我推介給喜歡吃水果的人,內裡有著各種不同的水果, 每樣水果吃起來都很新鮮很甜。而低層是芒汁冰,配合著水果,簡直是一流!!而且份量十足!!鮮奶椰汁芋頭西米露這款甜品最適合在冬天吃,芋頭西米露夠熱,材料十足!!有很多芋頭,口感不錯!!因為加了鮮奶加椰汁，所以椰汁味不會太濃。很好吃!!不妨冬天嚐試一下!!

一個好食既甜品係可以為星期五畫上完美句號。今個星期五一行８人難得約到入坑口食飯，當然唔小得要去聰嫂搵榴槤豬啦！夜晚１０點幾８個人去，要排隊都預咗，好彩都只係排３，４個字，比想像中快！入到去我地基本上都吾洗睇餐牌，落左７個榴槤水晶珠，１個龍眼椰果冰。甜品照舊好快就到，個個碗都好似岩岩洗完仲濕，另外仲痴住啲出單紙，不過who care?!榴槤豬一到，最重要係睇面頭既榴槤肉多吾多，即使吾多，都要睇個份量正吾正常。點知今次見吾到啲肉，得啲珠同冰。我係度諗係咪多人嗌就會分薄左?定係覺得我冇黎食過?定係轉左整法??7碗都咁,想點?友人話都唔係冇既，佢混埋入啲冰度姐，是但啦！望住出面企咁多人排隊，大家都想食完快啲走，因為太迫，坐得又唔舒服，所以冇叫佢換。幫襯會繼續幫襯既，但下次要食龍眼水晶珠，友人話好夠味，又夠料！重要平過兜冇肉既榴槤水晶珠！