聰嫂私房甜品 (已結業)

應承要請呀媽食糖水甜品,因為去新都城行街,所以黎呢度食...舖位唔大,五點半差唔多坐滿...又一間門口店內貼滿報紙雜誌介紹的甜品店...本menu都整得幾靚,款款糖水甜品都有相睇,款式都算多,但比較上新式...呀媽點左熱的鮮奶椰汁芋頭西米露,自己就點左開心樂園...先講西米露,唔太甜,西米都唔算多,但芋頭夠香,鮮奶椰汁唔錯,夠香...芋頭同鮮奶椰汁味並重,配合得幾好...開心樂園,今次芒果汁比較多,花奶,椰汁較少...入面都幾多種料,有涼粉,綠茶蒟蒻,芒果,黑珍珠,椰果,每樣一d...芒果新鮮,夠甜,綠茶蒟蒻重綠茶味,幾香,涼粉重草味,黑珍珠,椰果都幾好...一個甜品可以食到咁多種唔同材料,實在唔錯...兩人三十八,唔算貴...最緊要都係見到呀媽食得開心,滿意...佢都覺得呢度唔錯...服務都唔錯,店員有禮貌...有d特別,佢地係用電子手賬記低再落單...客人繼續接踵而來...下次會試下其他野,如杏仁露,楊枝甘露...

心思思夜晚有d口癢，又唔想落街，打電話給屋企人正在聰嫂食糖水，順便叫佢地買碗糖水黎食下，不過要求只係有豆漿就足夠。我爸爸及媽咪好醒地買左碗豆漿白果腐竹薏米（熱），嘩～～～第一次食有豆漿底做糖水，實在好好食，唔會好甜（本人唔太食甜），ｄ豆漿好滑．．．唔多講啦．．．整體好味，真係值得一試。我爸爸意見：有好多糖水都好好食，同一定足料。

和生日月薑餅人食完板前再食甜品.我要左一碗熱杏仁露配芝麻湯圓- 杏仁露唔太甜, 幾香但唔夠滑, 湯圓細細粒幾煙勒, 食完像做完一次mask, 皮膚滋潤不少.薑餅人堅持凍食, 叫番薑汁涼粉條, 水準仍然.

幾次到來都是因為到電視城故順道過來，今次是專誠帶朋友過來品嘗；試過好幾樣的甜品，總是沒有嘗過楊枝甘露，故今次就點此款好了。楊枝甘露跟坊間的不太一樣，是比例淡口但杰身，新鮮的西柚味道香香，爽口，比起坊間很多地方較好！另外朋友要的開心樂園是真的吃得驚喜，但可能未曾接受新款港式甜品故還是有點抗拒。廿多大洋的價錢其實算是可以，因怎樣都是新鮮美味，加上服務及環境不錯，值得介紹。

食完飯時間尚早，落番將軍澳打算去表哥食糖水，點知要乜無乜，索性起身走人，搭多一個地鐵站食。其實之前跟Openrice食過一次，今次是第二次。我食了個紅豆茸西米露，西米比一段大粒及煙韌，雖然有好多紅豆又大粒，但奶味太重，蓋晒紅豆味，而質地太杰身：老友食的紅豆茸涼粉，同樣是太杰身。老公同另一老友食榴槤水晶珠，好勁榴槤味又好足料，兩個人都食得津津有味另外紅棗炖木瓜、豆漿白果芝麻糊，老友們的評語都不差，而且老友勁讚豆漿白果芝麻糊有不少薏米及白果，真材實料。另加一客香蕉班及合桃芝麻糊，我就冇食香蕉班，見到勁多cream真係唔敢食，但香蕉份量就比一般的多，所以幾夠香；合桃芝麻糊唔錯，幾滑又唔太甜，不過芝麻搶晒合桃的香味。這裡只買新式甜品及糖水，而我較鍾意食傳統糖水多D。

經歷左”三姐”呢個咁差的體驗之後, 我地一行七人決定食番D甜品順下。今次係第二次黎, D野都keep到, 榴槤食品仍然超濃, 我今次試左薑汁芒果豆腐花, 薑味好正, 其他食品都OK, 會再黎!

差不多一年沒有幫襯這裡，適逢是日到電視城，心思思有件事的，故專誠跑來這裡再會不錯的甜品。來到時只有兩三個客人，清清淨淨，想來想去太多選擇，唯有從心點選了開心世界。開心世界可算是大雜匯，說得出的生果，甜品食材等都有齊，當真是相當開心，而味道方面全因很香的椰汁作引子而變得精彩，果然高手。廿二大洋的價錢其實都很超值，清清淨淨，舒舒服服，充電後又繼續向世界出發。

見到好多人都比好評但係點解好似無人提龍眼椰汁西米露呢呢個絕對推介我住附近，成日都會去食食一啖落口，會突然覺得有成棵龍眼樹棟o係面前因為真係好重龍眼味，好好好正

上次食完飯, 行過買了兩碗凍的甜品, 甚有創意, 味道亦佳.本想再去, 但原來下午很遲先開門, 只好下次晚飯時間再去試試其他熱的甜品了.

比開初時多人。外帶杏仁豆漿白果加湯丸。到手至入口已經過一段時間（+15 mins），仍溫熱...可想而知一到手時真係新鮮滾熱辣。點解係「女人湯丸」？一睇D ingredients 就知：杏仁（美白、潤肺）、豆漿（美白、調節內分泌）、白果（美白、補充體力）、薏仁（健脾、正氣）、芝麻（豐胸、潤腸）...再加上D 料好足（杏仁豆漿加薏仁煮，個texture 勁厚），湯丸過o左咁耐都無稔pat pat 或爆破，而且個餡係磨得教粗身，唔係好甜，同個糖水好fit。睇埋佢D「豐功偉積」，先知佢promo 做到上飛機...。但抵佢既。

綠茶杏汁豆腐花，好味！重有其他好特別的甜品值得一試！

十二點幾行過,見到有間食店燈,有２客食緊.自己都想食甜品.入去試試.我自己坐底後.但一路冇人理我,最後舉手,先有人埋黎落Order.點知我叫榴槤pancake.個職員話\"賣晒\",我再睇餐\牌一陣,今次叫楊枝甘露.個職員同樣回答\"賣晒\".我唸可能夜賣晒唔出奇.但我話唔好意思,下次先食過.係我同番Ｄ職員講先搞笑.走時真掃興,但仍然冇人理會你的.全過程只有聽到\"賣晒\".\"賣晒\".四個字.

在新部門第一次當值夜，慶幸有同事拔刀相助，才可快些完成工作．他的女朋友還送來聰嫂私房甜品，真感動．我吃了士多啤梨椰果西米露，好香滑，甜味適中．吃飽又要繼續工作了．

全店最好味的榴槤水晶珠, 由開張到而+都咁好味, 咁香滑, 保持水準, 值得推薦!

好香既薑汁味, 又有花奶味, 係一個好好食既甜品! 涼粉變左一條條, 都幾得意~其他甜品一般啦, 不過都叫足料囉~