聰嫂私房甜品 (已結業)

未到七點就走去食糖水，唔駛等位，正!男朋友最愛榴槤水晶珠 (自己完全唔鍾意榴槤，聞到都...)食過唔同地方既榴槤甜品，佢都話呢到最好食，真材實料，連舊冰都係榴槤做~薑茶夠哂辣，黑芝麻湯丸皮薄餡靚~唔似平時d糖水鋪，就咁切幾粒士多啤梨落去就話係士多啤梨涼粉，呢到真係連舊冰都係用士多啤梨做，超like!

天氣凍的日子想食熱的糖水暖暖身今天選了鮮奶椰汁芋頭西米露 $17芋頭西米露夠熱，暖笠笠 可能是鮮奶+椰汁，所以椰汁味不算香濃，但加入了鮮奶質地較滑。芋頭十分足料，芋頭未有煲至蓉蓉爛爛，還有芋頭粒，增添口感。冬天熱食的最佳選擇~

與友人特地從坑口來到寶琳便是要一嚐聰嫂甜品，一如預料的，晚飯後的時間來訪，要等上十五分鐘左右，但不錯的是店方有提供幾張椅子給等候的客人，在等待的時候亦見不少外帶的客人。場內不算太大，以二人枱為主，但亦可將桌子合併變成多人桌。一般必點的是龍眼椰果冰，基乎每檯每檯都必點的，是這裏的招牌，亮麗雪白，冰是打成碎碎的，再加上不少椰果和龍眼，碎冰入口冰亮而清甜，雖然沒有期望用的是新鮮龍眼，但總覺得有一股不合心意的味道，但是又是一種說不出的奇特，是龍眼放耐了嗎？所以個人對這個甜品評價是一般的。椰汁芒果黑糯米: 反而芒果椰汁黑糯米來得稱心滿意，有驚喜，黑糯米是很黏身的，但不失口感，很特別的是糯米中加了不少小粒狀的芋頭，果然是時令之選，很粉嫩，兩者皆是我所很喜歡的，再加上算是鮮甜的芒果，對比前者，更愛這一個。芒果班㦸：略為有點意猶未盡，再點了一個班㦸，芒果班㦸是嬌小的，皮薄，但當中的重點忌廉令人略為失望，當中的忌廉竟是快要溶掉，實在失色。但整體上雖然食物質素不算非常吸引，但價錢卻很吸引，大都是二十多塊的，相信這、正是聰嫂人氣的原因吧！感謝朋友是晚作東！

前2日企人買左幾個糖水番黎一齊食~我食果碗係芒果椰汁黑糯米, 芒果有幾大件, 黑糯米黏成一舊舊, 要自行用匙羹整散, 我覺得如汁底用芒果加椰汁攪成會好D, 現在覺得芒果, 椰汁和黑糯米味道是分開的.阿寶食左一碗芋頭西米露, 熱辣辣好正, 甜度適中之餘芋頭仲好粉tim, …,唔錯唔錯=]

今天晚上難得能相約數位中學同學聚會，晚飯過後各人仍意猶未盡，一行７人很理所當然的就決定去吃個糖水打算再多聊一會兒。星期六的晚上，門外有多人輪候已是意料中事，終於等到叫我們的號碼時，門口阿姐竟然說：「你地入住５個先！」，各人當然立即呆在當場，心想餘下的２人會怎樣？會被安排坐到哪裡去？但因為已經等了一段時間，所以沒有多跟阿姐理論，就乖乖的剩下其中２人繼續在外面等候。我們被安排坐在收銀機旁的那個角落，得到的是一張２人木台和旁邊連著一條鏡面大柱的４人木台的一半，（４人木台的座向是背向２人木台，亦即是各人不能面對面而坐）眾人對此安排啞口無言，但體諒星期６晚上顧客眾多，安排不能完善也實屬平常，所以我們再次的接受了這個安排。４人木台有連著兩個面對著鏡面大柱的座位，等那２個顧客離開之後，餘下的兩個朋友也終於可以進來，為了方便大伙兒一起聊天，我們決定把２人木台拉開一點，讓７個人可以圍著一張小桌子一起吃糖水聊天，這個坐法我們讓面對鏡面大柱的那兩個位置空了出來，店員也另外招呼了客人在那裡坐下來，所以我們７個人其實只佔了店舖４個客人的位置。其後我們每人也叫了一碗糖水，邊吃邊聊的坐了大概３０分鐘，大部份的朋友已

有日入左將軍澳做嘢就醒起聰嫂，我同同事專登坐兩個站 MTR 到寶琳吃全港獨有的龍眼冰，事關我哋食盡全港九新界甜品舖都唯獨是聰嫂才有如此好味的『龍眼冰』，當同事在想食邊款甜品時我二話不說就幫佢叫左同我一樣的『龍眼冰』佢問我點解唔比佢選其他我就同佢講其他的你可以在某某舖都食到，唯獨是呢個『龍眼冰』只有這裏有，所以為免佢見到我食時後悔就一定要食呢個 聰嫂呢個龍眼冰的味道就尤如在吃啖啖的龍眼一樣，而加了椰汁同椰果在當中又令到成碗龍冰增添了層次同口感，咬落的冰冰同龍眼有啲龍眼的咬口及透心涼的感覺，令這天我們的戶外工作加上了一個涼冰冰的結尾。

聰嫂也是一間熱店.在港有3間分店.剛巧我到將軍澳明明剛剛食完午飯.很飽也要一試,環境比我想像中細.但因為下午時份少人仍坐得舒服而店員亦有禮貌.紅豆茸西米露20元:上枱時全碗冰狀,先吃上面的紅豆有咬口,只是剛剛熟,待幾分鍾下面的紅豆冰溶,冰只是很碎的碎冰.每一啖也是很溶紅豆.味道不是太甜.個人感覺似吃紅豆雪條,吃到一半將另一碗西米放入,入口有點似台飲的爆珠.賣點是比起普通紅豆西米露,更足料.吃的方法很新鮮又有層次又解暑,是新鮮的食法,我鍾意..最後,員工主動問我食得曬嗎?哈哈...下次有機會再試,因為我滿意

吃過一頓不甚滿意的一餐，終於來到期待已久的聰嫂甜品！這間聰嫂甜品就在港鐵寶琳站出口對面街，很易找。店內裝修整潔光猛，店員服務友善。這次吃的是我一向喜愛的榴蓮水晶珠。榴蓮肉和冰凍榴蓮蓉啖啖濃郁榴蓮香，吃起來很軟滑，配上卜卜脆的透明水晶珠，口感豐富。推薦給所以愛吃榴蓮的朋友。

真係好嬲呀.....點解由開張到依架...你地既服務態度完全冇改變過...每一次好開心咁黎食糖水都要好嬲咁走...招呼完全唔掂呀...你地既野唔係特別平過人....好似街邊檔咁...既然你唔想d人黎幫襯...開間店黎做咩呢...係咁趕客走....唔單只我一個客...係所有客都係咁對待....我地好似係黎送錢比你駛....唔係黎搶野呀...運吉架喎....我都唔明梁思浩點解要請你地d咁既員工....最特別個個係自以為大家姐...門口派飛個個囉....我都好明白你地方細...要齊人入既道理....但唔需要做到係門口企咋...都唔比入去坐...佢話...你地人齊未架...係就叫佢快d啦....係黑口黑面個隻...所有人都欠你咩....一d笑容又冇...甜品到呀..都唔話比個客知係咩黎...放底就算...你有猜尊重過人架...香港係一個講求服務既地方...唔係大陸呀...都唔明白點解要咁對人...態度服務真係認真差呀....

話說我同個朋友係寶琳間聰嫂食甜品，它的芒果燉奶頗特別, yummy, 哈哈, 終於可以滿足我一部份的甜品隱!! 甜品作賣點，餐廳供應多款選擇，甜度適中，用生果再配合糖水，達到最佳味道，價錢合理，值得一試。

與男朋友食完飯, 去開將軍澳當然去聰嫂! 因為D甜品, 其他地方食唔到! 龍眼椰果冰成碗都是由龍眼冰打成的, 龍眼味勁濃, 極到甜美未試食呢個款的蜜瓜西米露,我仲加埋水晶珠..超好味! 就咁愛上了

去完布袋澳食海鮮，搭車出番將軍澳，雖然仍然好飽，但都忍唔住，去左食聰嫂榴槤。開心樂園 ($24)：材料豐富，樣樣都有，我最愛硬硬地既啫哩糖。榴槤水晶珠 ($28)：榴槤軟滑香濃，水晶珠脆卜卜，配合得天衣無縫。食完好滿足呵！

聰嫂甜品多次被介紹於電視節目,飲食雜誌等等, 唯開業多時,而家才有機會來拜會一下聰嫂晚上大約九點, 店內幾乎坐滿, 而且都有不少人在買外賣, 睇黎出品應該唔錯叫下榴槤水晶珠,龍眼椰果冰,榴槤班戟三樣招牌菜龍眼椰果冰成碗都是由龍眼冰打成的, 啖啖都係龍眼肉, 極到甜美, 坊間亦未見有同類的甜品, 真係抵讚榴槤水晶珠又係成碗都係榴槤冰蓉, 香滑而且味道極濃, 好此味的人一定對佢讚不絕口榴槤班戟做到皮薄餡靚, 內裡幼滑的忌廉加上榴槤肉, 非常之咁夾, 而且大大舊食得滿足.環看四周其他的食品, 基本上都係大大碗, 而且睇起來應該味道不錯, 好希望下次再黎試其他甜品

下午入座唯一好處便是冇咁人多、同...（唔使等位）之前也到過呢間總店，但總是人山人海,今次倒是舒服多了叫上一碗黑糯米豆花,黑糯米本身煮時應放了好多糖,在未溝上豆花前、一啖入口(好甜),再溝和原有之椰槳（不知又是否煮過加糖）都係(好甜)唯有將豆花由底至面撈起才中和甜度(好彩)黑糯米本身煮煙煙韌韌、但就糖份略為重手一點，豆花入口也算很滑$25.元之文易、上算合格!

今日去了將軍澳買東西，行到倦倦地去了這間糖水店吃糖水，雖然店舖不是太大，也是我第一次去這間糖水店，坐下看了Memu,叫了個薑汁豆腐花，不過原來冇熱的，只好叫凍的，面頭有D啫喱和西米，幾有創意，唔會咁齋，D西米咬落去幾特別，唔係平時食倒果D西米死實實，但個主角豆腐花就好似在超過巿場買果D豆腐花，唔係幾夠滑！（希望將來有熱豆腐花就好啦）